Oseas 13:10 - Bible in Tzeltal Bachajón

¹⁰ ¿Banti ay te ajwalil awu'un, yu'un ya scoltayat ta spisil te pueblohetic awu'une? ¿Banti ay te jtsobawetic awu'un, te hich la awalbe sc'oblal: A'bon ajwalil soc príncipaletic, te xchihate?

Bible in Tzeltal de Oxchuc y Tenejapa

¹⁰ Melel ¿banti ay yo'tic te muc' ajwalil awu'une, te ya scoltaybat spisil te lumetic awu'une? ¿Banti ay te jtsobwanejetic awu'une, te la ac'anic te ay muc' ajwalil soc ch'in ajwaliletic awu'unique?

Oseas 13:10 Referans Kwoze

Oseas 8:4

La ya'be ya'telic ajwaliletic, pero ma ha'uc te tsahbil cu'une; la slehic príncipaletic, pero ma ba jna'oj. La spasic loc'ombahetic yu'unic ta plata soc ta oro, ha nax ya sjin sbahic a.

Oseas 10:3

Hich me ya yalic yo'tic: Mayuc ajwalil cu'untic como ma ba quich'ojtic ta muc' te Jehová. Pero ¿bin ya xhu' ya spas te ajwalil ta jtojoltic? xchihic.

San Juan 1:49

La sjac' te Natanael: ¡Rabí, ha'at te Snich'anat Dios! ¡Ha'at Ajwalilat yu'un Israel! xchi.

Zacarías 14:9

Ha ajwalil ya xc'oht te Jehová ta swohlol bahlumilal. Ta hich ora stuquel ay te Jehová, soc stuquel ay te sbihile.

Oseas 13:4

Pero Ho'on Jehovahon te Dios awu'un c'alal ayat to ta sq'uinal Egipto; mayuc yan dios te yac ana'be sba, mayuc yan jcoltaywanej, ho'on nax jtuquel.

Jeremías 8:19

A'iya awa'iy te yaw te yantsil-nich'an te pueblo cu'un te ya xchicnaj tal ta namal q'uinal: ¿Ma bal ayuc ta Sión te Jehová? ¿Ma bal teyuc ay a te ajwalil yu'une? xchi. ¿Bin yu'un la shachbonic quilimba ta scuenta te pasbil loc'ombahetic yu'unic, te jyanlum diosetic te mayuc scuentahil? xchi te Jehová.

Jeremías 2:28

¿Banti ay te diosetic awu'unic te la apasique? ¡Ac'a hahchuquic, ya quiltic teme ya xhu' ya scoltayex ta yorahil awocol! como hich yipal diosetic awu'un te bin ut'il pueblohetic awu'une, Judá.

Isaías 43:15

Ho'on Jehovahon, te Ch'ul Dioson awu'unic, te Jpaswanej yu'un Israel, te Ajwalil awu'unic, xchi.

Isaías 33:22

Como ha juez cu'untic te Jehová, ha jpas-ley cu'untic te Jehová, ha Ajwalil cu'untic te Jehová; ha nix ya scoltayotic.

Salmos 149:2

Tse'eluc me yo'tan Israel ta stojol te Jpaswanej yu'une; te snich'nab Sión tse'eluc me yo'tanic ta stojol te Ajwalil yu'unique.

Salmos 89:18

Como ha mahquilal cu'untic te Jehová, te ajwalil cu'untic ha te Ch'ul Dios yu'un Israel.

Salmos 74:12

Pero ha ajwalil cu'un te Dios c'alal ta namey; ha te ya yac' colel ta bahlumilal.

Salmos 44:4

Ha'at Ajwalilat cu'un, Diosat cu'un; ac'a te ya ya'iy tsalaw te Jacob.

Salmos 10:16

Te Jehová ha Ajwalil ta spisil ora soc ta sbahtel q'uinal; te nacionetic ya xch'ayic ta sq'uinalic.

2 Reyes 17:4

Pero te ajwalil yu'un Asiria la ya'iy te yac ta schapel sc'op Oseas ta scontrahinel, como sticonej bahel winiquetic ta stojol So ajwalil yu'un Egipto, soc te ma ba yaquix stojbel spatan ta stojol te ajwalil yu'un Asiria hich te bin ut'il ya spas jujun ha'bil. Ha yu'un te ajwalil yu'un Asira la stsac te Oseas soc la yotses ta cárcel.

1 Reyes 12:20

C'alal la ya'iyic spisil te Israel te suhtemix tal te Jeroboam, la sticonic ta iq'uel tal ta stojol te pueblo, la yotsesic ta ajwalil ta stojol spisil Israel. Mayuc mach'a la st'un te sts'umbal David, ha nax te jchahp yu'un Judá.

Oseas 3:4

Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic.

Oseas 7:7

Spisilic hich sc'ahc'alic te bin ut'il horno, ya slajinic te jtsobawetic yu'unique. Hich yahlic spisil te ajwaliletic yu'unic, mayuc mach'a ya sc'oponon.

1 Samuel 8:7

Te Jehová hich la yalbe te Samuel: A'iya me awa'iy spisil bintic ya yalbat te pueblohe; como ma ha'ucat te ma sc'anat, ho'on me te ma sc'anonic te ya jcuentahinic.

Lamentaciones 4:20

Och ta yaquil te mach'a tsahbil yu'un Jehová, ha te mach'a cuxulotic ta scuenta, ha te mach'a hich la jcalbetic sc'oblal: Ya xcuxajotic ta yaxinal ta yohlil te nacionetic, te xchihotique.