Oseas 13:1 - Bible in Tzeltal Bachajón

¹ C'alal c'opoj te Efraín, ayin xiwel; toybot sc'oblal ta Israel, pero la sta smul ta scuenta Baal, hich cham.

Bible in Tzeltal de Oxchuc y Tenejapa

¹ C'alal c'opojic te yajwal Efraín, te yantic ta chajbalchajp te israeletic la yich'ic ta muc'. Ja'uc me to, laj te Efraín te c'alal la sta smul ta xch'uunel Baal.

Oseas 13:1 Referans Kwoze

Oseas 11:2

C'alal bayel la jquic', namal to xan la yac' sba ta jtojol. La ya'be chic'bil mahtaniletic te baaletic, soc la schic'beyic pom te loc'ombahetique.

San Lucas 14:11

Como spisil te mach'a ya yac' sba ta ich'el ta muc', ya me yich' pehc'anel, yan te mach'a peq'uel ya yac' sba, ha me ya xtohytesbot sc'oblal stuquel, xchi.

Proverbios 18:12

Stoyoj sba te winic te c'alal ma to ba pehc'ambil, pero nahil ay te peq'uel-o'tanil, patil te ich'el ta muc'.

1 Reyes 12:25

Te Jeroboam la spas xan te Siquem ay ta witsiltic yu'un Efraín, nahin tey a. Patil loc' bahel tey a, la spas xan te Penuel.

1 Samuel 15:17

La yal te Samuel: Aunque peq'uel la awa'iy aba, ¿ma bal ochucat ta jcuentahinwanej yu'un spisil ta chahp sts'umbal Israel, soc ma bal lajuc stsahat ta ajwalil yu'un Israel te Jehová?

Jueces 12:1

Te winiquetic yu'un Efraín la stsob sbahic, c'axic bahel ta Safón soc hich la yalbeyic te Jefté: ¿Bin yu'un te la awa'be guerra te snich'nab Amón, te ma ba la awic'otcotic yu'un ya joquinatcotic? ¡Ya me jchic'atcotic soc ana! xchihic.

Jueces 8:1

Te winiquetic yu'un Efraín hich la yalbeyic: ¿Bin a te la apasbotcotic, te ma ba la awic'otcotic bahel te c'alal bahat ta ya'beyel guerra te madianetic? xchihic. Tulan la yutic.

Josué 3:7

Te Jehová hich la yalbe te Josué: Ha c'ahc'al ini ya xhahch cac' tohyuc ac'oblal ta sit spisil Israel, scuenta yu'un ya sna'ic te ya joquinat hich te bin ut'il la joquin te Moisés.

Números 13:16

Ha sbihilic te winiquetic la sticon bahel te Moisés ta stsahtayel te q'uinale. Te Oseas snich'an Nun, a'bot sbihil Josué yu'un te Moisés.

Números 13:8

ta jchahp yu'un Efraín, ha Oseas snich'an Nun;

Números 10:22

Patil hahch ta behel te bandera yu'un te campamento yu'un te snich'nab Efraín, ta scuenta jujutsohb yu'unic. Te Elisama snich'an Amiud, ha jtsobaw yu'un te jtsohb soldadohetic yu'unique.

Génesis 2:17

yan te te' yu'un sna'el te bintic lec soc te bintic ma lecuc ma me xalo'be sit stuquel, como te bin ora yac alo'be te site, ya me xchamat yu'un, xchi.

2 Corintios 5:14

Como te sc'uxul yo'tan te Cristo ya sujotic, como hich jna'ojtic: te jtuhl cham yu'un spisilic, hich cham ta spisilic.

Romanos 5:12

Ha yu'un hich te bin ut'il och mulil ta bahlumilal ta scuenta jtuhl winic soc te och lajel ta scuenta mulil, hich c'oht lajel ta stojol spisil ants-winiquetic ta scaj te spisilic stahoj smulic.

Isaías 66:2

Ha pasticlambil ta jc'ab spisil ini, hich chicnaj spisil, xchi te Jehová. Pero ha ya quil te mach'a pobre soc te ya xnihc yu'un te jc'ope.

Job 29:21

Te mach'atic la ya'iybonic te jc'op la smahliyic, ch'abic ta ya'iyel te j'ac'-o'tanil cu'une;

Job 29:22

te c'alal laj co'tan ta c'op, mayuc mach'a c'opoj, te jc'op t'ulaj cohel ta stojolic hich te bin ut'il c'unil ha'al.

Oseas 2:8

Ma ba la sna' te ho'on la jca'be te trigo, vino soc te aceite; te la jp'ohltes te plata soc te oro te la smahtantesic a te Baal.

Oseas 8:4

La ya'be ya'telic ajwaliletic, pero ma ha'uc te tsahbil cu'une; la slehic príncipaletic, pero ma ba jna'oj. La spasic loc'ombahetic yu'unic ta plata soc ta oro, ha nax ya sjin sbahic a.

Isaías 7:8

Como te jolal yu'un Siria, ha te Damasco, soc te jolal yu'un Damasco, ha te Rezín. Ma to sta ho'eb schanwinic (65) ha'bil a ya yich' jinel te Efraín, ma pueblohuc ya xhil.

Oseas 2:10

Yo'tic ya cac' chicnajuc te sq'uexlal ta stojol te mach'atic mulanot yu'une, mayuc mach'a ya xcoltayot loq'uel ta jc'ab yu'un.