Oseas 12:4 - Bible in Tzeltal Bachajón

⁴ La stsac sba soc jtuhl ch'ul a'bat, soc la stsal; oc' soc la sc'an te ya xna'bot yo'bolil sba yu'une. Dios la sta ta Bet-el, tey c'opoj soc a;

Bible in Tzeltal de Oxchuc y Tenejapa

⁴ La stsac sba soc jtul ch'ul abat, la stsal; la yoq'uetay sba, soc la sc'an te yacuc na'botuc yo'bolil sba yu'une. Te Dios la sta ta Betel, c'opoj soc tey a.

Oseas 12:4 Referans Kwoze

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

Génesis 35:15

Te Jacob la ya'be sbihil Bet-el te lugar banti c'oponot yu'un Dios.

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.

1 Tesalonicenses 4:17

Patil te ho'otic te cuxulotic, te hilemotic, pajal ya x'ic'ototic mohel soc ta tocal yu'un ya jta jbahtic soc te Cajwaltic ta ic' ta toyol; hich sbahtel q'uinal ya joquintic te Cajwaltique.

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Salmos 66:6

La sc'atp'un ta taquin lum te mar, ta yoquic sohlic bahel ta jehch ha'. Tey buen tse'el co'tantic ta stojol a.

Génesis 48:15

La ya'be bendición te José, hich la yal: Te Dios, te ha ta stojol behenic te Abraham soc Isaac te tatiletic cu'un, ha te Dios te scanantayejon ta spisil jcuxlejal ha to c'alal ora,

Génesis 32:29

Halbon ca'iy te abihil, xchi te Jacob. ¿Bin yu'un yac ajoc'obon jbihil? xchi te winique. Tey la ya'be bendición a.

Génesis 32:24

Stuquel xanix hil te Jacob. Ay jtuhl winic te la stsac sba soc yalel c'alal sacub tal q'uinal.

Génesis 32:26

Hich la yal te winique: Coltayawon bahel, yu'un yaquix ta sacubel tal te q'uinale, xchi. La sjac' te Jacob: Ma ba ya jcoltayat bahel teme ma ba yac awa'bon bendición, xchi.

Génesis 25:26

Patil ayin te yihts'ine, stsacojbe yit yoc te Esaú, Jacob sbihil c'oht yu'unic. Oxwinic (60) ya'bilal a te Isaac te c'alal alaj te Rebeca.

Génesis 32:25

C'alal la yil te winic te ma ba hu' yu'un ya stsal te Jacob, la smajbe scub, hich pitc'uj te sts'acawul scub te Jacob te c'alal yac stsacbel sba soc a te winique.