Oseas 12:2 - Bible in Tzeltal Bachajón

² Te Jehová ay c'op yu'un soc Judá, ya ya'be castigo te Jacob ha chican bin yilel te stalele; ya ya'be stoj ha chicn bin ya sc'an te ya'tele.

Bible in Tzeltal de Oxchuc y Tenejapa

² Te Cajwaltic yalojix c'op ta stojol juez: —Ay smul te Israele —xi'. Ya yac'bey castigo te lum yu'un Jacob ta scaj te yat'ele; ya yac'bey stoj te bit'il nix ya sc'ane.

Oseas 12:2 Referans Kwoze

Miqueas 6:2

A'iya awa'iyic, witsiltic soc te tulan yich'o-ip te lumq'uinal, te tijel ta c'op yu'un Jehová, como te Jehová ay c'op yu'un soc te pueblo yu'une, ya shach c'op soc Israel a.

Oseas 4:1

Israeletic, a'iya awa'iyic te sc'op te Jehová, como ay c'op yu'un soc te mach'atic nahinemic ta q'uinal, ma ba jun yo'tanic, mayuc sc'uxul yo'tanic, ma sna'beyic sba te Diose.

Isaías 10:6

Ya jticon ta contrahinel jun jmulawil nación, ya jticon bahel ta stojol te pueblo te ya shachbon quilimba, yu'un ya spojbe sbiluc soc ya yich'be bintic ay yu'un, soc yu'un ya sts'o' ta teq'uel hich te bin ut'il ahch'al ta calle.

Gálatas 6:7

Ma me xalo'loy abahic, Dios ma xhu' ta labanel, como spisil te bin ya sts'un te winique, ha nix sit ya stsob.

Romanos 2:6

te ha ya yac'ticlambe stoj ta tuhlutuhl, ha chican bin yilel ya'telic:

San Mateo 16:27

como te Nich'anil ay ta scuenta winic ya xtal soc yutsilal te Stat, sjoquinej te ch'ul a'batetic yu'un, hich ya yac'ticlambe stojol sc'ab jujutuhl, ha chican bin yilel ya'telic.

Oseas 8:13

La ya'bonic chic'bil mahtaniletic soc la swe'beyic sti'balul, pero te Jehová ma ba lec yo'tan yu'un. Ya me sna'be te bin chopol spasojic, ya ya'be castigo yu'un smulic, ya me cha'suhtic bahel ta Egipto.

Oseas 4:9

Te sacerdote hich ya xc'oht te bin ut'il te pueblo, ya ca'be castigo yu'un te bintic spasojic, soc ya ca'be stoj ha chican te ya'telique.

Oseas 2:13

Ya ca'be castigo yu'un te jayeb c'ahc'al te la schic'be pom te baaletic, te c'alal la sch'ahl sba ta ch'ocowiletic soc uhaletic soc la st'un bahel te mach'atic mulanot yu'un, te la sch'ayon ta yo'tan, xchi te Jehová.

Jeremías 25:31

Te yip sc'op ya xc'oht c'alal ta sti'il te bahlumilal, como te Jehová ya yich' ta c'op te nacionetique; ya xhahch schahpan spisil ch'ich'-baq'uet, soc ya yac' lajuc ta espada te mach'atic chopolic, xchi te Jehová.

Isaías 59:18

Ha chican bintic spasojic, hich ya ya'be stojic: ha ya yilintay te scontratac, soc ya ya'be spacol te mach'atic ya xcontrahinot yu'unic, ¡Ya me ya'be stoj te mach'atic nahinemic ta ti'ti'mar!

Isaías 24:21

Ta hich ora te Jehová ya me ya'be castigo te bintic ay yipic ta ch'ulchan ta toyol soc te ajwaliletic ta bahlumilal.

Isaías 10:12

Te c'alal pasbilix yu'un Jehová spisil te bin ya spas ta wits Sión soc ta Jerusalén, ya me ya'be castigo te ajwalil yu'un Asiria yu'un te toybahil ta yo'tan soc te stoybahil te site.

Isaías 3:11

¡Ay me swocol te mach'a chopol! Ma ba lec ya xc'oht ta loq'uel, como ya x'a'bot stojol sc'ab ha chican te bin spasojique.

Oseas 9:9

Jc'axel la sbohlobtes sbahic, hich te bin ut'il ta sc'ahc'alel Gabaa. Te Jehová ya me sna'be schopolil soc ya me ya'be castigo yu'un te smulique.

Oseas 7:2

Ma sna'ic te jna'oj spisil te bintic chopol spasojique. Yo'tic joytaybiliquix yu'un te ya'telic te ayic ta jtojol.

Oseas 9:15

Spisil te bintic chopol yu'unic chicnaj ta Gilgal, tey la jp'aj a. Ta scuenta te schopol a'telic ya jloq'ues bahel ta jna. Ma ba c'ux ya ca'iyix ta co'tan; spisil te príncipaletic yu'unic ma junuc yo'tanic.

Amós 2:4

Hich yaloj te Jehová: Ta scuenta oxchahp mulil yu'un Judá, ta scuenta chanchahp, ma ba ya jcom te castigo yu'une; como la sp'aj te ley yu'un Jehová, ma ba la sch'uhumbe te mandariletic yu'un, howiyic yu'un slotic, te ha nix la st'unic te sme'statique.

2 Reyes 17:4

Pero te ajwalil yu'un Asiria la ya'iy te yac ta schapel sc'op Oseas ta scontrahinel, como sticonej bahel winiquetic ta stojol So ajwalil yu'un Egipto, soc te ma ba yaquix stojbel spatan ta stojol te ajwalil yu'un Asiria hich te bin ut'il ya spas jujun ha'bil. Ha yu'un te ajwalil yu'un Asira la stsac te Oseas soc la yotses ta cárcel.

Job 15:2

Te mach'a ay sp'ijil, ¿biluc nax bal bin ya sjac', soc ya bal snojes sch'uht ta q'uixin ic'?

Salmos 78:36

La yutsil-c'optayic, pero la spasic ta lot;

Eclesiastés 5:15

Watal a ayintesot yu'un snan, ha nix hich ya xcha'suht bahel; mayuc bin ay yu'un te ya'tel te ya xhu' ya yich' bahele.

Isaías 30:6

Te sc'op jalwanej ta stojol te chambahlametic ayic ta Neguev: Ta lumq'uinal yu'un uts'inel soc wocol, ta banti ay chojetic soc me' chojetic, ti'awal chanetic soc chanetic te ya xwihlic, tey ya yich'ic bahel ta burrohetic te sc'ulejalic, te bintic tsobil yu'unic ya yich'ic bahel ta sc'ujulil spat camellohetic, ya yich'ic bahel ta jun pueblo te ma xtuhun yu'unique.

Oseas 7:1

Te c'alal yac jpoxtaybel a te Israel, chicnaj smul te Efraín soc schopolil te Samaria, como la ya'iyic lo'loywanej; ya x'och bahel te j'eleq'uetic, soc te jchahp j'eleq'uetic ya ya'iyic elec' ta calle.

Oseas 7:11

Te Efraín hich c'ohem te bin ut'il stsuhmut, ma sna' q'uinal: ya yawtay Egipto, ya xbaht ta stojol Asiria.

Oseas 8:9

Como mohic bahel ta Asiria hich te bin ut'il ha'mal burro te stuquel ay. Efraín la schon sba ta stojol mach'atic mulanot yu'un.

Oseas 8:10

Aunque la schon sbahic ta stojol te nacionetic, ya jtsob xan tal yu'un ta jts'ihn bahel ya xhahch swocolic yu'un yalal te uts'inel yu'un te ajwaliletic soc te príncipaletique.