Oseas 12:1 - Bible in Tzeltal Bachajón

¹ Te Efraín puro ic' ya swe', sjunal c'ahc'al ya st'un bahel te ic' te ya xtal ta stojol banti ya xloc' tal c'ahc'al; ya sp'oltes te lot soc te uts'inwanej, yu'un ya schap sc'op soc Asiria soc ya yich' bahel aceite ta Egipto.

Bible in Tzeltal de Oxchuc y Tenejapa

¹ “Te Efraín puro ic' ya yipan, spisil c'aal ya st'un bael te ic' te ya xtal ta stojol sloq'uib c'aal. Ya xtoy bael te lotetic soc te uts'inwanej yu'unique. Ya spas trato soc Asiria soc ya sticun majt'anil aceite ta Egipto —xi' te Diose.

Oseas 12:1 Referans Kwoze

Oseas 11:12

Te Efraín la sjoytayon ta lot, soc te sna Israel la sjoytayon ta lo'loyel. Pero te Judá ya to xbehen ta stojol Dios, soc jun yo'tan ta stojol te mach'atic ch'ultesbilique.

Oseas 8:7

La sts'unic ic', la stsobic sutu-ic'. Mayuc sit te trigo, ma ba ya yac' harina; teme ya sitin, ya xwe'ot yu'un jyanlumetic.

Oseas 5:13

C'alal Efraín ya yil te ay ta chamel, soc te Judá ya yil sc'a'emal, hich te Efraín ya xbaht ta Asiria ta sc'anel coltayel ta stojol te muc'ul ajwalil; pero ma xhu' ya slecubtesex, ma xhu' ya spoxtaybeyex te sc'a'emal.

Ezequiel 17:10

Ilawil, ts'umbilix: ¿Lec bal ya xc'oht? ¿Ma bal spisiluc ya xtaquij c'alal ya xmajot ta ic' te ya xtal ta stojol sloq'uib c'ahc'al? ¡Tey nix ta banti ts'umbil ya xtaquij! xchi.

Jeremías 22:22

Spisil te jcananetic awu'un ya xcanantayotic yu'un ic', soc te mach'atic smulanejat ya x'ic'otic bahel ta chuquel. Hich ya xq'uexawat soc peq'uel ya xc'ohat ta scaj spisil achopolil.

Job 15:2

Te mach'a ay sp'ijil, ¿biluc nax bal bin ya sjac', soc ya bal snojes sch'uht ta q'uixin ic'?

2 Reyes 15:19

Te Pul te ajwalil yu'un Asiria la yochintay te q'uinal. Te Manahem la ya'be j'ohlil yoxbahc' (1,000) talento plata scuenta yu'un yacuc xcoltayot yu'un ta ya'beyel xan yip a te ya'tel ta ajwalil.

Génesis 41:6

Patil la yil yan huc-chej trigo, jay soc taquijem yu'un te q'uixin ic'.

Jeremías 2:36

¿Bin yu'un te ora nax yac ayanijtes te behetic awu'une? Ya me xq'uexawat ta scuenta Egipto, hich te bin ut'il q'uexawat yu'un Asiria.

Jeremías 7:15

Ya jch'ojticlanex loq'uel ta jtojol, hich te bin ut'il la jch'ojticlan loq'uel te awermanotac, spisil te sts'umbal Efraín.

Lamentaciones 5:6

La jach jc'abcotic ta stojol te egipciohetic soc asiriahetic yu'un ya jtahcotic jwe'elcotic.

Oseas 4:19

¡Ya xloc'otic bahel ta xic' yu'un te iq'ue, soc ya me stahic q'uexlal yu'un te chic'bil mahtaniletic yu'unique!

Oseas 7:11

Te Efraín hich c'ohem te bin ut'il stsuhmut, ma sna' q'uinal: ya yawtay Egipto, ya xbaht ta stojol Asiria.

2 Crónicas 21:11

Soc la spas toyol awilaletic ta tsehletic yu'un Judá, hich la yac' te ya yac' sbahic ta antsinel c'ohem ta stojol te lugaretic te mach'atic nahinemic ta Jerusalén, soc la yac' te ya xhowij te Judá.

Salmos 78:36

La yutsil-c'optayic, pero la spasic ta lot;

Oseas 4:15

Teme yac awa'iy antsiwej, ha'at Israel, manchuc me ya sle smul te Judá. ¡Ma me xbahex ta Gilgal, ma me xmohex bahel ta Bet-avén, ma me hichuc xawalic ta jamal: Yiloj Jehová, ma xchihuquex!

Oseas 7:1

Te c'alal yac jpoxtaybel a te Israel, chicnaj smul te Efraín soc schopolil te Samaria, como la ya'iyic lo'loywanej; ya x'och bahel te j'eleq'uetic, soc te jchahp j'eleq'uetic ya ya'iyic elec' ta calle.

Oseas 11:9

Ma ba ya cac' c'ohtuc ta pasel te quilimba, ma ba ya jcha'jin xan te Efraín, como ho'on Dioson, ma winicucon; Ch'ul Dioson ta awohlilic, ma ba ya xtalon soc quilimbam, xchi te Jehová.