Oseas 11:6 - Bible in Tzeltal Bachajón

⁶ Ya xc'oht espada ta stojol te pueblohetic yu'unic, ya sjinticlan te tut pueblohetic yu'unique; ha ya sjinticlan ta scaj te bintic schapoj ta yo'tanique.

Bible in Tzeltal de Oxchuc y Tenejapa

⁶ Te puñal ya me xmilawan ta yolil te lumetic yu'unique, soc ya me yich' jinel ta jc'axel te tulanil ts'ajq'uetic yu'unique, ya me yich' jinel te bitic xchapojic spasele.

Oseas 11:6 Referans Kwoze

Oseas 13:16

Te Samaria ya me yich'be smul como la stoy sba ta stojol te Dios yu'une. Ya xlajic ta espada, te alaletic yu'un ya yich'ic majticlanel ta lum, soc ya yich'ic jamticlanel te antsetic te swoloj yalic.

Oseas 10:14

ya xhahch juyetel ta pueblohetic awu'un, soc ya xjihn spisil te ahnibal ts'ahquetic awu'une, hich te bin ut'il te Salmán la sjin te Bet-arbel ta yorahil guerra, te c'alal la yich'ic butsticlanel te naniletic soc te yalataque.

Oseas 10:6

Ya x'ich'ot bahel ta Asiria te jcolel toro scuenta smahtan te muc'ul ajwalil. Ya xhil ta q'uexlal te Efraín, te Israel ya xq'uexaw yu'un te j'ac'-o'tanil yu'une.

Malaquías 4:1

Ya me xtal te sc'ahc'alel, yac ta tihlel hich te bin ut'il horno, spisil te jtoybahetic soc te mach'atic chopol bin ya spasic, ha ac ya xc'ohtic. Te c'ahc'alil te ya xtal ya me schic'ticlan, xchi te Jehová te scuentahinej spisil, ma ba ya xhil yu'un te slohp' o te sc'abe.

Miqueas 5:11

Soc ya jimbat te pueblohetic ta aq'uinal, soc ya jimbat cohel spisil te tulan ahnibaletic awu'une.

Ezequiel 20:47

Hich xawalbe te tohyem te'etic ta Neguev: A'iya awa'iy te sc'op Jehová: Hich yaloj te Jehová, te Ajwalil: Ya jtsumbat ac'ahc'al te ya slajimbat spisil te yaxal te'etic soc taquin te'etic te ay ta awohlil. Ma ba ya xtup' te c'ahq'ue, ya me schic'be sit yelaw spisilic c'alal ta norte c'alal ta sur.

Jeremías 5:17

Ya me slajimbat te sit ats'un-awawal soc te we'elil awu'un, ya slajimbat aquerem-nich'nab soc awantsil-nich'nab; ya me slajimbat te tuminchijetic soc wacaxetic awu'un, te ts'usubiletic soc te higuerahetic awu'une; ya me sjimbat ta espada te pueblohetic te ay sts'ahcul te smuc'ulinej awo'tanique.

Isaías 30:1

Hich ya yal te Jehová: ¡Obol sbahic te toyba al-nich'anetic, te ay bin ya schapic te ma cu'unuc; te ya schap sc'opic soc yantic, pero ma ha'uc ta scuenta te espíritu cu'un, te hich ya xp'ohl mulil yu'une!

Isaías 27:10

Jochol ya xhil te pueblo joytaybil ta ts'ahc, te pueblo te ay yajwal, ihquitaybil ya xhil hich te bin ut'il jochol taq'uin q'uinal; tey ya xwe'ic tut wacaxetic a, tey ya spahcan sbahic a soc ya slajimbe te sc'abc'ab te ha'maletic yu'une.

Isaías 18:5

Como te c'alal ma to yorahiluc ta stsobel a te sit awal-ts'unubil, c'alal luhbajix a te snich soc yac ta c'anubel a te ts'usube, ya sc'abay soc cuchillo te stut c'abc'ab, ya sbojbe loq'uel te sc'abc'abe.

Isaías 9:14

Ha yu'un te Jehová ta junax c'ahc'al ya me xot'be sjol soc sne, ya'binal xahn soc jalal ta Israel.

Salmos 106:43

Bayel buelta coltayotic ta libre yu'un Dios, pero la scontrahinic te bin a'bot sna'ic yu'un, hich pehc'anotic ta scaj schopolic.

Salmos 106:39

Hich la sbohlobtes sbahic ta scuenta te bintic la spasic, la yantsin sbahic ta scuenta te ya'telique.

Deuteronomio 32:25

Ta fuera ya me xlajic ta espada, ta yutil nahnatic ya x'ayin xiwel; ya xlajic querem soc ach'ix, chu'alal soc mach'a saquix sjol.

Deuteronomio 28:52

Ya me sjoytaylan ta ya'beyel guerra spisil te pueblohetic awu'un ha to c'alal ya xhemts'uj cohel ta spisil aq'uinal te ts'ahquetic te ha toyol soc te ay yipic, te ha smuc'ulinej awo'tan. Ya sjoytaylan ta ya'beyel guerra spisil te pueblohetic ayic ta aq'uinal te la ya'bat Jehová te Dios awu'une.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Levítico 26:31

Jc'axel jochol ya xhil cu'un te pueblohetic awu'unic, ya jimbeyex te ch'ul awilaletic awu'unic soc ma ba ya jsic'be sumumal yic' te lequil perfume awu'unique.

Jeremías 50:35

Ac'a yich'ic contrahinel yu'un espada te caldeohetic, xchi te Jehová, soc te mach'atic nahinemic ta Babilonia, soc te príncipaletic soc te p'ijil winiquetic yu'une.

Lamentaciones 2:9

Jihnic cohel c'alal lum te ochibaletic yu'un; la swac'ticlan soc la sjinticlan te sc'atal-te'eletic yu'un. Te ajwalil soc te príncipaletic yu'un ayic ta yohlil te mach'atic ma ba yich'ojic te ley, soc te jalwanejetic yu'un mayuc bin ya x'a'bot yilic ta snahal sitil yu'un Jehová.

Oseas 4:16

Te Israel tulan yo'tan, hich te bin ut'il wacax te ma ba c'ahytesbil. Te Jehová ¿ya bal ya'be swe'elic hich te bin ut'il tuminchijetic ta jamal q'uinal aquiltic?

Oseas 4:17

Te Efraín yac'oj sba ta sch'uhunel loc'ombahetic, ¡ihquitaya!

Amós 6:8

Te Jehová yaloj ta jamal ta scuenta stuquel, te Jehová, te Dios te scuentahinej spisil, hich yaloj: Ya quihlay te ya scuy sba ta muc' te Jacob, ya jp'aj te t'ujbil muc'ul nahetic yu'une; ya cac' ta c'abal te muc'ul pueblo soc spisil te bintic ay tey a, xchi.

Levítico 26:25

Ya cac' taluc espada ta atojolic scuenta spacol sc'axuntayel te chapbil-c'op. Teme yac ale awahnibic ta apueblohic, ya jticon tal jmilawal-chamel ta atojolic soc ya x'ochex ta sc'ab te acontrahique.