Oseas 11:4 - Bible in Tzeltal Bachajón

⁴ La jnit ta lazo scuenta yutsil-o'tanil, ta lazo scuenta c'uxul-o'tanil; hich c'ohon ta stojolic te bin ut'il mach'a ya sloq'ues yugo ta snuc', soc la cac'ticlambe swe'elic.

Bible in Tzeltal de Oxchuc y Tenejapa

⁴ La jnit ta swenta te t'ujbil yutsil co'tan, la jtsac ta swenta xc'uxul co'tan, jich la quic' ta jtojol. La jpet jichuc chu'ul alaletic; jich jajch'on ta yac'beyel swe'elic.

Oseas 11:4 Referans Kwoze

San Juan 12:32

Soc ho'on, c'alal ya quich' toyel hahchel ta lum, ya me quic' ta jtojol spisil ants-winiquetic, xchi.

Levítico 26:13

Ho'on Jehovahon, te Dioson awu'unic, te la jloq'uesex tal ta sq'uinal Egipto scuenta yu'un ma ba ya smosohinex; la jtuch'be schuhquil te yugo awu'unic soc la jcac' te atoyoj ajolic a ya xbehenex.

2 Corintios 5:14

Como te sc'uxul yo'tan te Cristo ya sujotic, como hich jna'ojtic: te jtuhl cham yu'un spisilic, hich cham ta spisilic.

Oseas 2:8

Ma ba la sna' te ho'on la jca'be te trigo, vino soc te aceite; te la jp'ohltes te plata soc te oro te la smahtantesic a te Baal.

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Cantares 1:4

¡Ic'awon bahel ta ora! Te ajwalil la yic'on ochel ta stsalul sna. Tse'el me co'tancotic soc bayel me yutsil co'tancotic ta atojol; c'ax me hich ya jna'cotic a te sc'uxul awo'tan te bin ut'il te vino. ¡Ha scuentahil te c'uxat ta yo'tanic!

Salmos 105:40

La sc'an swe'elic, hich la sticombe xcuhch'inetic, soc la snojesbe sch'uhtic ta we'elil yu'un ch'ulchan.

2 Samuel 7:14

Ho'on staton ya xc'ohon soc ha jnich'an ya xc'oht. Teme ay bin chopol ya spas, ya ca'be castigo ta xul yu'un winiquetic soc ta majel yu'un winiquetic.

Éxodo 16:32

Hich la yal te Moisés: Ha smandar Jehová ini: Nojesahic ta maná jun gomer, q'uejahic yu'un te patil al-nich'anetic awu'unic, scuenta yu'un ya xhu' ya yilic te pan la jca'beyex awe'ic ta jochol taquin q'uinal te c'alal la jloq'uesex tal ta sq'uinal Egipto, xchi.

Deuteronomio 32:12

Te Jehová la stojobtes bahel stuquel, mayuc yan dios joquinot yu'un.

Deuteronomio 32:14

la ya'be swe' mantequilla yu'un wacaxetic soc leche yu'un me' tuminchijetic, te sjuhp'el jcolel tuminchijetic soc tat tuminchijetic yu'un Basán soc tat tentsunetic, buen lequil trigo, soc la awuch' vino te ha sch'ich'el te ts'usube.