Oseas 11:12 - Bible in Tzeltal Bachajón

¹² Te Efraín la sjoytayon ta lot, soc te sna Israel la sjoytayon ta lo'loyel. Pero te Judá ya to xbehen ta stojol Dios, soc jun yo'tan ta stojol te mach'atic ch'ultesbilique.

Bible in Tzeltal de Oxchuc y Tenejapa

¹² La yal xan te Cajwaltique: —Te Efraín la sbusanbon ta jtojol te lotetic yu'une; la spotson ta lot te lum Israele. Judá la sloq'ues sba ta jtojol jo'on te Diosone; ja' jun yo'tan ta stojol te yajcanane.

Oseas 11:12 Referans Kwoze

Apocalipsis 3:21

Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.

Oseas 12:7

Te Canaán ay ta sc'ab lotil slicojibal, ya smulan lo'loywanej.

Isaías 44:20

Ya swe' stanul c'ahc', ya xhowiytesot yu'un te yo'tan te ya xlo'loywan; ma xhu' ya scoltay sba soc ma ba ya yal: ¿Ma bal ha'uc lotil te bin ay ta jwa'el-c'ab? ma xchihuc.

Apocalipsis 5:10

La awa'beyix ya'telic ta ajwalil soc ta sacerdotehil ta stojol te Dios cu'untic, ya me ya'iyic cuentahinwanej ta bahlumilal, xchihic ta c'ayoj.

Apocalipsis 1:6

soc te la yac'otic ta ajwalil soc ta sacerdotehil ta stojol Dios te State. Hichuc.

1 Corintios 6:2

¿Yu'un bal ma ba ana'ojic te mach'a ch'uhltesbilic ya me schahpanic te mach'atic yu'un te bahlumilale? Teme yac achahpanic te mach'atic ayic ta te bahlumilal, ¿yu'un bal ma xhu' awu'unic schahpanel te bintic peq'uel sc'oblale?

Miqueas 6:12

Te jc'ulejetic bayel ya x'uts'inwanic, te mach'atic nahinemic tey a ya xc'opojic ta lot, ya xlo'loywan te yehique.

Isaías 29:13

Hich la yal te Jehová: Te pueblo ini ya xnohpojic tal ta jtojol soc sc'opic soc ya yich'onic ta muc' ta sti'il nax yehic, pero namal ay ta jtojol te yo'tanic soc te ya yich'onic ta muc', ha nax smandar winic te nohptesbilic a.

Salmos 78:36

La yutsil-c'optayic, pero la spasic ta lot;

Génesis 32:28

La yal te winic: Ma ba Jacob ya xhil abihil, Israel ya xc'ohtix, yu'un la atsac aba soc Dios soc winiquetic, la awa'iy tsalaw, xchi.

Oseas 12:1

Te Efraín puro ic' ya swe', sjunal c'ahc'al ya st'un bahel te ic' te ya xtal ta stojol banti ya xloc' tal c'ahc'al; ya sp'oltes te lot soc te uts'inwanej, yu'un ya schap sc'op soc Asiria soc ya yich' bahel aceite ta Egipto.

Oseas 7:16

Suhtic, pero ma ha'uc ta stojol te Mach'a mero toyol ay; hich c'ohemic te bin ut'il lo'loywanej t'ihmalte'. Yahlic ta espada te príncipaletic yu'unic ta scaj stoybac'opic; ha ya xtse'layotic yu'un ta sq'uinal Egipto.

Oseas 4:15

Teme yac awa'iy antsiwej, ha'at Israel, manchuc me ya sle smul te Judá. ¡Ma me xbahex ta Gilgal, ma me xmohex bahel ta Bet-avén, ma me hichuc xawalic ta jamal: Yiloj Jehová, ma xchihuquex!

Oseas 4:2

Ha nax ma jamaluc bin ya yal, ay lot, milaw, elec', antsiwej, soc bayel miltamba.

Génesis 2:11

Pisón sbihil te june, ha te ya sjoytay spisil te q'uinal yu'un Havila, ta banti ay oro;

Oseas 7:3

Ta scuenta schopolilic ya ya'beyic tse'el yo'tan te ajwalil, soc te príncipaletic ta scuenta te slotique.

Oseas 10:13

Pero ha'ex la ats'unic te bin chopol, soc la atsobic te bin ma stojiluc, la awe'be sit te lote. Te bin ut'il la smuc'ulin awo'tanic te be awu'unic soc te ay tsobol soldadohetic awu'un,