Oseas 11:10 - Bible in Tzeltal Bachajón

¹⁰ Ya me st'unic bahel te Jehová, ha ya x'awon hich te bin ut'il choj; ya x'awon, hich te yal-snich'nab yaquic ta nihquel a ya xtalic ta stojol smahlib c'ahc'al.

Bible in Tzeltal de Oxchuc y Tenejapa

¹⁰ Ja'ic me ya st'unic te Cajwaltic, te ya x'awun jichuc león-choj. Tulan me ya x'awun, jich te mach'atic ay yu'une yac me ta nijq'uel ya xtalic ta stojol smalib c'aal.

Oseas 11:10 Referans Kwoze

Amós 1:2

Hich la yal: Ya x'awon Jehová c'alal ta Sión, ya yac' ta a'iyel sc'op c'alal Jerusalén, te aquiltic yu'un te jcanan-tuminchijetic ya xtaquij soc ya xtaquij te ba wits Carmelo.

Joel 3:16

Ya x'awon te Jehová c'alal Sión, ya yac' ta a'iyel sc'op c'alal Jerusalén, ya xnihc te ch'ulchan soc te lumq'uinale; pero te Jehová ha ahnibal yu'un te pueblo yu'un, ha toyol ts'ahc yu'un ahnibal yu'un te snich'nab Israel.

Isaías 31:4

Hich la yalbon te Jehová: Hich te bin ut'il choj o tut choj te ya x'awon yu'un te bin stsacoj, ma ba ya xi' te sc'opic tsobol jcanan-tuminchijetic te ya stsob sbahic ta scontrahinel, ma ba ya xnihc yo'tan yu'un, hich te Jehová te scuentahinej spisil ya xco tal ta yaq'uel guerra ta wits Sión soc ta tsehl yu'un.

Jeremías 25:30

Ha'at, Jeremías, halbeya spisil te c'opetic ini: Te Jehová xnilet ya xc'opoj c'alal ta toyol, c'alal ta ch'ul awilal yu'un ya xc'opoj tal. Tulan xnilet ya xc'opoj ta scontrahinel te jtsohb tuminchijetic yu'une, ya me x'awon hich te bin ut'il mach'atic ya sp'e'ic ta teq'uel ts'usub, ta scontrahinel spisil mach'atic nahinemic ta q'uinal.

Jeremías 31:9

Soc oq'uel ya xtal, soc sc'uxul co'tan ya quic'ticlan suhtel tal. Ya cac' behenuquic ta sti'il be-ha'etic, ta toj be te banti ma ba ya sc'ohchin yoquic, como ho'on tatilon yu'un Israel, soc te Efraín, ha jba-nich'an.

Isaías 64:2

hich te bin ut'il c'ahc' te ya schic' te ch'ixtiquil, te ha te ya sbuhlantes te ha'e! Hich yac awac' te ya sna'bat aba te acontratac soc te ya xnihquic ta atojol te nacionetique.

2 Pedro 2:10

soc c'ax hich a te mach'atic ya st'unic te bintic chopol ya sc'an te sbaq'uetal soc ya sp'ajic te ya xcuentahinotique. Tulan yo'tanic soc biluc ya slomic ta pasel, ma xiwic te ya yixta'c'optayic te mach'atic tulan ya'telic ta ch'ulchan.

Romanos 8:1

Ha yu'un te mach'atic ayic ta stojol te Cristo Jesús, ma ba quechelix ta stojel te smulique, ha te mach'atic ma ba ya'telinejic spasel te bin ya sc'an te sbaq'uetalic, ha ya'telinejic spasel te bin ya sc'an te Espíritu,

Hechos 24:25

Pero te c'alal halbot yu'un te Pablo bin ut'il ay te toj-o'tanil, te bin ut'il ya scom sba, soc bin ut'il ay sc'oblal te ich'el ta c'op te ya xtale, xiw yo'tan yu'un te Félix, hich la yalbe: Bahanix, c'alal ay tiempo cu'un ya jticonat xan ta iq'uel, xchi.

San Juan 8:12

Cha'c'oponotic xan yu'un Jesús te ants-winiquetic, hich la yal: Ho'on te sacal q'uinalon yu'un te bahlumilal; te mach'a ya st'unon ma ba ya xbehen ta yihc'al q'uinal, ha ya yich' te sacal q'uinal scuenta cuxlejal, xchi.

Zacarías 10:12

Ya ca'be yipic ta scuenta Jehová, soc ya xbehenic ta scuenta te jbihile, xchi te Jehová.

Zacarías 8:7

Hich yaloj te Jehová te scuentahinej spisil: Ya jcoltay te pueblo cu'un ta stojol te q'uinal banti ya xloc' tal c'ahc'al soc te q'uinal ta stojol smahlib c'ahc'al;

Habacuc 3:16

La jca'iy, la syuc' sba jch'uht yu'un; nihc que yu'un te sc'ope. Och sc'a'el ta jbaquel, jcohtol nihcon yu'un. Lamal co'tan ya jmahliy te sc'ahc'alel wocol te ya xc'oht ta stojol te pueblo te ya ya'botic guerra.

Miqueas 4:5

Aunque spisil te pueblohetic ya xbehenic ta scuenta sbihilic te dios yu'unic, te ho'otic ya xbehenotic ta scuenta sbihil Jehová te Dios cu'untic sbahtel q'uinal.

Amós 3:8

Teme awon te choj ¿mach'a a te ma ba ya xi'e? Teme ay bin ya yal te Jehová ¿mach'a a te ma ba ya yal sc'op-jalwanej?

Amós 3:4

¿Ya bal x'awon choj ta ha'maltic, teme mayuc bin stsacoj? ¿Ya bal x'awon te tut choj ta sch'en teme mayuc bin stsacoj?

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Jeremías 33:9

Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Jeremías 7:6

teme ma ba yac awuts'inic te jyanlum, te me'ba' o te me'ba' ants, teme ma ba yac amalbe sch'ich'el ta lugar ini te mach'a mayuc smul, soc teme ma ba yac at'unic bahel jyanlum diosetic te yac ata awocolic yu'une,

Jeremías 5:22

¿Ma bal yac axi'onic? xchi te Jehová. ¿Ma bal ya xnihquex ta jtojol, ho'on te la jcac' te hi' scuenta sti'il te mar, ha te sti'il te stalel ay, te ma xhu' ya xc'ax tey a? Aunque ya xhahch tselajanel, ma xc'ax bahel; aunque ya x'awonic, ma xhu' ya xc'ax tey a.

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Isaías 49:10

Ma ba ya ya'iyic wi'nal o taquinti'il, soc ma x'uts'inotic yu'un te c'ahc'al o q'uixin q'uinale, como te mach'a c'uxultayotic yu'un ya me stojobteslan bahel, soc ya me stojobteslan bahel ta sloq'uib-ha'etic.

Isaías 42:13

Te Jehová ya xloc' tal hich te bin ut'il soldado, hich te bin ut'il jtuhl winic yu'un guerra ya shachbe xut'et yo'tan; ya stoy sc'op, ya x'awon yu'un guerra, ya stsal te scontrataque.

Isaías 2:5

Conic, sna Jacob, behenucotic ta sacal q'uinal yu'un Jehová.

Salmos 119:120

Te jbaq'uetal ya xnihc yu'un xiwel ta atojol; ya quich' ta muc' te bin chapal awu'une.

Salmos 2:11

Socuc xiwel ac'a abahic ta a'batinel yu'un Jehová, tse'eluquex me ta stojol soc nihcuc me awo'tanic.

Job 37:1

Ya xwihl co'tan yu'un, ya xwihl loq'uel ta yawil.

Apocalipsis 10:3

tulan awon hich te bin ut'il choj. C'alal tulan awon, t'ohm talel huqueb chahwuc.

Isaías 66:2

Ha pasticlambil ta jc'ab spisil ini, hich chicnaj spisil, xchi te Jehová. Pero ha ya quil te mach'a pobre soc te ya xnihc yu'un te jc'ope.

Isaías 66:5

A'iybeya awa'iyic te sc'op Jehová, ha'ex te ya xnihquex ta stojol te sc'ope: Te awermanotac te ya sp'ajex soc te parte ya yaq'uex ta scaj te jbihile, hich la yalic: Ac'a yich' halbeyel yutsil sc'oblal te Jehová, yu'un hich ya quiltic a te stse'elil awo'tanic, xchihic. Pero ya me stahic q'uexlal.

Ezequiel 26:16

Hich spisil te ajwaliletic te ayic ta ti'ti'mar ya xcohic ta shuctajibic, ya sloq'uesic te snahtil-c'u'ic soc ya sloq'uesic te sc'u'ic te bayel sch'ahlele. Ya slapic xiwel, ya shuhcan sbahic ta lum, spisil ora ya xnihquic yu'un xiwel, soc xcham yo'tanic yu'un ta atojol.

Isaías 11:11

Soc ta hich ora te Jehová ya scha'hach sc'ab ta stsobel tal te pueblo yu'un te ayic ta Asiria, Egipto, Patros, Etiopía, Elam, Sinar, Hamat soc ta ti'ti'mar.

Jeremías 50:4

Ta hich sc'ahc'alel, ta hich ora, xchi te Jehová, ya xtalic te yal-snich'nab Israel soc te yal-snich'nab Judá, yacalic ta oq'uel a ya xtal slehic te Jehová te Dios yu'unique.

Zacarías 10:10

Ya quic'ticlan loq'uel ta Egipto, soc ya jtsobticlan talel ta Asiria, ya quic'ticlan tal ta sq'uinal Galaad soc Líbano, ma ba tic' ya x'ochic a.