Oseas 10:8 - Bible in Tzeltal Bachajón

⁸ Te toyol awilaletic yu'un Avén, te ha smul te Israel, ya me yich'ic jinel; ya xcol ch'ixetic ta sba te scajtajib ta chiq'uel mahtaniletic yu'unique. Hich me ya yalbeyic te witsiltic: ¡Mucawotcotic! xchihic; soc ya me yalbeyic te tsehletic: ¡Cohan tal ta jtojolcotic! xchihic.

Bible in Tzeltal de Oxchuc y Tenejapa

⁸ Te toyol ch'uunjibaletic ya me yich'ic jinel, te bay la sle smul a te Israele. Ta bay sba te scajtijib majt'aniletic yu'unique ya me xch'i tel ch'ixetic tey a soc jot'awal-ch'ixetic. Te ants-winiquetic jich me ya yalbey te witstiquile: “Mucawotic”, xiic me. Soc ya me yalbeyic te ch'in witsetique: “Ch'ayuc tel ta jbatic”, xiic me.

Oseas 10:8 Referans Kwoze

San Lucas 23:30

Hich me ya xhahch yalbeyic te witsiltic: Hemts'ujan cohel tal ta jtojolcotic, soc: La', mucawotcotic, ya me yutic te tsehletique.

Apocalipsis 6:16

hich la yawtayic te witsiltic soc te ch'entiquil: La', mucawotcotic, nac'awotcotic ta sit te mach'a hucul ta muc'ul-huctajibal, soc ta stojol te yilimba te Jcolel Tuminchij,

Isaías 2:19

Te ants-winiquetic ya me x'ochic bahel ta ch'entiquil soc ta banti jamajtic te lumq'uinal, ta scuenta te xi'el te Jehová soc te sts'anabul te smuc'ul yutsilal, te c'alal ya xhahch ya'be castigo te lumq'uinale.

Oseas 9:6

Bahtic ta scaj te jinele; ha ya x'ic'otic yu'un Egipto, ya xmucotic yu'un Menfis. Ya x'u'untayotic yu'un ch'ix te bintic pasbilic ta plata yu'unic, soc ya xcol ch'ixetic ta snahic.

Amós 8:14

Te mach'atic ay bin ya yalic ta jamal ta scuenta te mulil yu'un Samaria, te hich ya yalic: Ta scuenta te Dios awu'un, Dan, xchihic; soc: Ta scuenta te sbehlal Beerseba, te xchihique, ya me xyahlic, mayuquix bin ora ya xhahchiquix.

Isaías 32:13

Ta sq'uinal te pueblo cu'un ya xcol ch'ixileltic soc pehtel ch'ixetic; soc ta spisil nahetic te yutsil q'uinal ya ya'iyic te ayic ta pueblo te yutsil q'uinal ya ya'iy.

Apocalipsis 9:6

Ta hich ora te ants-winiquetic ya me sle slajibic, pero ma ba ya xweht yu'unic. Yo'tanuc ya xchamic, pero ya x'ahn ta stojolic te lajele.

Miqueas 1:13

Chucahic ta carreta te cawuhetic, ha'ex te nahinemex ta Laquis. Tey hahch a te smul te yantsil-nich'an Sión, como chicnaj ta atojolic te toybahiletic yu'un Israel.

Miqueas 1:5

Ta spisil ini ha ta scaj stoybahil te Jacob, ta scaj smul te sna Israel. ¿Bin a te stoybahil te Jacob? ¿Ma bal ha'uc te Samaria? ¿Bin a te toyol awilal yu'un Judá? ¿Ma bal ha'uc te Jerusalén?

Oseas 10:5

Te mach'atic nahinemic ta Samaria ya xiwic ta scaj te jcolel toro ta Bet-avén. Ya x'oc' te pueblo ta scaj te jcolel toro, ha nix hich te sacerdotehetic te tse'el yo'tanic yu'un te yutsilal, te ya xch'ay bahele.

Oseas 10:2

Cheb yo'tanic, yo'tic ya xtahbot smulic. Te Jehová ya sjin cohel te scajtajib ta chiq'uel mahtaniletic soc ya sjinticlambe te loc'ombahetic yu'unique.

Oseas 5:8

¡Oq'uesinahic te xulubil ta Gabaa, te corneta ta Ramá! ¡Ac'ahic ta a'iyel aw ta Bet-avén! ¡Wic'a asit, Benjamín!

Oseas 4:15

Teme yac awa'iy antsiwej, ha'at Israel, manchuc me ya sle smul te Judá. ¡Ma me xbahex ta Gilgal, ma me xmohex bahel ta Bet-avén, ma me hichuc xawalic ta jamal: Yiloj Jehová, ma xchihuquex!

Oseas 4:13

Ta sba witsiltic la yaq'uic chic'bil mahtaniletic, soc la schiq'uic pom ta sba tsehletic, ta ye'tal jihte'etic, álamohetic soc olmohetic, yu'un ay lequil axinal yu'unic. Ha yu'un la yac' sbahic ta antsinel te awantsil-nich'anic, soc te awalibic wayic soc yan winiquetic.

Isaías 34:13

Ya xcol ch'ixetic ta muc'ul nahetic yu'un ajwalil, soc ta tulanil ts'ahquetic yu'un ya xcol chic-ch'ixetic soc petel ch'ixetic. Yawil ha'mal ts'i'etic ya xc'oht, soc banti ya xnahinic te yalatac avestruz-mutetic.

2 Crónicas 31:1

C'alal laj ta pasel ini, spisil te israeletic te tey ayic a bahtic ta pueblohetic yu'un Judá, la swuyic te ch'ultesbil tonetic, la sjinticlanic te loc'ombahetic yu'un Asera, te toyol awilaletic soc te scajtahib ta chiq'uel mahtaniletic ta spisil sq'uinal Judá soc Benjamín, soc nix ta Efraín soc Manasés, ha to c'alal laj spisil. Patil suhtic bahel spisil te israeletic ta pueblohetic yu'unic, jujutuhl ta sq'uinalic.

2 Reyes 23:15

Ha nix hich te scajtajib ta chiq'uel mahtanil ta Bet-el soc te lugartic spasoj te Jeroboam snich'an Nabat, te la ya'be sta smul a te Israel, la schic', la sutp'in ta tan soc la ya'be sc'ahc'al te sloc'omba Asera.

1 Reyes 14:16

Ya me yihquitay hilel Israel ta scaj smul te Jeroboam, te la sta smul soc te la ya'be sta smul te Israel, xchi.

1 Reyes 13:34

Ha mulil c'oht yu'un te sts'umbal Jeroboam, te ha ta scuenta te la yich' tup'el soc lajinel ta bahlumilal.

1 Reyes 13:2

Ta scuenta smandar Jehová tulan c'opoj ta scontrahinel te scajtajib ta chiq'uel pom, hich la yal: Scajtajib, scajtajib ta chiq'uel pom, hich ya yalbat te Jehová: Ta sts'umbal David ya x'ayin jtuhl querem Josías sbihil, ha me ya smilticlan ta aba te sacerdotehetic yu'un te toyol awilaletic te ya schiq'uic pom ta aba, soc ta aba ya yich' schiq'uel sbaquel winiquetic, xchi te Jehová, xchi.

Deuteronomio 9:21

Patil la jtsac te bin la ata amulic a, ha te jcolel toro la apasic, la jchic' ta c'ahc', la juch' ta lec ha to buen ts'ubiltic c'oht; la jch'oj bahel ta ha' ta uc'um te ya xco tal ta wits.

Génesis 3:8

Patil te winic soc te ants la ya'iybeyic sc'op te Jehová Dios te yac ta c'axel ta ts'umbil q'uinal te c'alal ya sicub q'uinal ta tibiltic, hich la snac' sbahic ta stojol te Jehová Dios ta yohlil te te'etic ta ts'umbil q'uinal.

Oseas 2:6

Ha yu'un ya joybe ta ch'ix te be yu'une, ya ca'be ts'ahc ta sjoyobal scuenta yu'un ma ba ya sta te behetic yu'une.

Oseas 10:9

C'alal ta yorahil Gabaa la ata amul, Israel; ¡tey hilic a ta stojol te mulile! ¿Ma bal yacuc xtahot yu'un guerra ta Gabaa te mach'atic chopolique?

Amós 7:9

Te toyol awilaletic yu'un Isaac ya me yich'ic jinel, te ch'ul awilaletic yu'un Israel ya me yich'ic jinel, soc ya jach espada ta scontrahinel te sna Jeroboam, xchi.

Nahúm 3:11

Ha nix hichat, Nínive, ya me xyacubat soc ya me awich' naq'uel; yac ale banti yac anac' aba, ta scaj te acontrahe.

Isaías 2:21

Ya x'ochic ta ch'entiquil soc ta banti jamajtic tontiquil ta scuenta te xi'el te Jehová soc te sts'anabul te smuc'ul yutsilal, te c'alal ya xhahch ya'be castigo te lumq'uinale.

Oseas 8:5

Samaria, te jcolel toro awu'un la yac' te q'uejel bahat. Tihlemix quilimba ta stojolic: ¿Bin to ora yac atahic lecubtesel?

Amós 1:5

Ya jwac'ticlambe sc'atal-te'el te ochibaletic yu'un Damasco; ya jlajinlan te mach'atic nahinemic ta spamlej yu'un Avén, soc te jcuentahinwanejetic yu'un Bet-edén; soc te pueblo yu'un Siria ya me yich'ic iq'uel bahel ta Kir, xchi te Jehová.

Amós 3:14

Te bin c'ahc'alil ya ca'be castigo yu'un smul te Israel, ya jinticlan te scajtajib ta chiq'uel mahtaniletic ta Bet-el; ya yich' set'el loq'uel te xulubiletic yu'un te scajtajib ta chiq'uel mahtanil, ya xch'ay cohel ta lum.