Oseas 10:12 - Bible in Tzeltal Bachajón

¹² Ts'unahic te bin toj ta pasel, tsobahic te c'uxul-o'tanil; chahpanahic lum te ma to tucbiluc, como yorahilix slehel te Jehová, ha to c'alal ya xtal soc ya yac' tal ta atojolic te bin toj ta pasel hich te bin ut'il ha'al.

Bible in Tzeltal de Oxchuc y Tenejapa

¹² La calbey: “Te ja'uc ya ats'unic c'oem te bila toj ta pasele, ja' ya ac'ajic te xc'uxul-o'tanil te jichuque. Chajbanaic ta yach'il te lumq'uinale, melel yorailix ta leel te Cajwaltique. C'alal ya xtal, ya me yic' tel jichuc ja'al te acolelique”, xoon.

Oseas 10:12 Referans Kwoze

Santiago 3:18

Te sit te bin stojil ta pasel ya yich' ts'unel ta scuenta lamal q'uinal yu'un te mach'atic ya yaq'uic lahmajuc te q'uinale.

Isaías 45:8

Ha'at, ch'ulchan, ac'a cohuc tal ha'al c'alal ta toyol, te tocaletic ac'a cohuc tal te bin toj ta pasele; ac'a jahmuc te lumq'uinal, ac'a sitinuc te colel, pajal ac'a coluc soc te bin toj ta pasele. Ho'on Jehovahon la jpas ini.

Proverbios 11:18

Te mach'a chopol yo'tan, ya sta stojol ya'tel te ma stojiluc, yan te mach'a ya sts'un bin stojil ta pasel, ya me yich' smahtan.

Isaías 55:6

¡Lehahic te Jehová te ya to xhu' ta tahel, c'oponahic te bin ut'il nopol to ay!

Oseas 6:3

Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

Isaías 44:3

Yu'un ya jmal ha' ta taquin q'uinal, be-ha'etic ta taquin lum. Ya jmal te espíritu cu'un ta stojol awal-anich'nab, te bendición cu'un ta stojol ats'umbal;

Eclesiastés 11:6

Ta sab ts'umbeya sbac' te ats'unube, soc ta tibiltic ma xawa'be scux yo'tan te ac'abe, como ma xana' ban ay lec ya xc'oht, teme ha ini o ha te yane, o teme lec ya xc'oht schebalic.

Salmos 105:4

Lehahic te Jehová soc te yu'ele; lehahic spisil ora te sit yelaw.

San Lucas 13:24

Ac'ahic fuersa ta ochel bahel ta banti tut nax sjamalil te ti'nahile, como ya calbeyex te ay tsobol mach'atic ya sc'an ya x'ochic tey a, pero ma ba ya xhu' yu'unic.

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.

Amós 5:6

Lehahic te Jehová, hich ya xcuxajex; teme ma'uque, ha ya xc'ax bahel ta sna José hich te bin ut'il c'ahc', ya xlajinot yu'un, mayuc mach'a ta Bet-el te ya stup'.

Isaías 31:1

¡Ay me swocolic te mach'atic ya xcohic bahel ta Egipto ta slehel coltayel, te ha smuc'ulinej yo'tanic te cawuhetic, te ya smuc'ulin yo'tanic te bin ut'il ay bayel carretahetic yu'unic, soc te bin ut'il ay yipic te jmoheletic ta cawu, te ma ba ya yac' sitic ta stojol te Ch'ul Dios yu'un Israel, ma ba ya slehic te Jehová!

Amós 5:4

Pero te Jehová hich ya yalbe te sna Israel: Lehawonic, hich ya xcuxajex;

Oseas 12:6

Ha yu'un, ha'at, suhtan tal ta stojol te Dios awu'une; a'iya c'uxultaywanej soc pasa te bin toj, soc spisil ora ac'a smuc'ulin awo'tan te Dios awu'une.

Amós 5:8

Te mach'a la spas te Xana-ec' soc te Cruz-ec', te ya sc'atp'un ta sacal q'uinal te yihc'al q'uinal soc ya yac' ta ahc'abal te c'ahc'alele, te ya yic' tal te ya'lel te mar soc ya smal ta sba te lumq'uinal: ha Jehová te sbihile.

Oseas 8:7

La sts'unic ic', la stsobic sutu-ic'. Mayuc sit te trigo, ma ba ya yac' harina; teme ya sitin, ya xwe'ot yu'un jyanlumetic.

Hechos 2:18

soc ya jmalbe te Espíritu cu'un ta stojol te a'batetic ants-winiquetic cu'un, soc ya me yalic sc'op-jalwanej.

Ezequiel 34:26

Ya ca'be bendición ta stojolic soc ta sjoyobal te tsehl cu'un, soc ya cac' te ya xtal ha'al ta yorahil; ha'al yu'un bendición ya xc'oht.

Isaías 32:20

¡bayel me awutsilic ha'ex te yac ats'unic ta spisil ti'ti'ha'etic soc te yac awac' te ya xcolic ta libre te j'a'tel-wacax soc te burrohe!

Isaías 30:23

Te Cajwaltic ya yac' tal ha'al ta awawal-ts'unub c'alal yac ats'unic, soc te we'elil ya ya'bat te q'uinal ha bayel soc buhts'an. Ta hich ora te wacaxetic awu'un ya me sta swe'elic ta jamal q'uinal.

Jeremías 50:4

Ta hich sc'ahc'alel, ta hich ora, xchi te Jehová, ya xtalic te yal-snich'nab Israel soc te yal-snich'nab Judá, yacalic ta oq'uel a ya xtal slehic te Jehová te Dios yu'unique.

Isaías 5:6

Ya cac' te jochol taquin q'uinal ya xc'oht; ma ba ya yich' c'abayel o aq'uintayel, ya xcol ch'ixetic soc ha'maletic tey a. Ya jpas ta mandar te tocaletic te ma me xyaq'uic ha'al ta stojol.

Proverbios 18:21

Te lajel soc te cuxlejal ayic ta scuenta te yaq'ue; te mach'a ya smulan te bayel ya xc'opoj, ya me swe'be te site.

Salmos 72:6

Te ajwalil hich me ya xc'oht te bin ut'il ha'al ta sba bojbil ha'mal, hich te bin ut'il ts'ujul te ya xyahl ta sba te lumq'uinal.

2 Corintios 9:10

Te mach'a ya ya'be sts'unub te mach'a ya ya'iy ts'umbajel soc te ya ya'be pan te mach'a ya xwe', ha nix ya me yac' sitinuc soc ya me yac' p'ohluc te ts'unubiletic awu'unic, soc ya me yac' xp'ohl te sit yu'un te stojil awa'telic,

Isaías 48:18

¡Te lajuc awich' ta cuenta te mandariletic cu'un, hich c'oht te lamal q'uinal awu'un te bin ut'il muc'ul-ha', soc te bin toj ta pasel awu'un hich c'oht te bin ut'il ya xbehen yip te mar te hichuque!

Oseas 14:1

¡Israel, suhtan tal ta stojol Jehová te Dios awu'un, como ta scaj amul te yahlate!

Isaías 54:14

Yac awich' ch'alel ta bin toj ta pasel; namal ya xhil awu'un te uts'inele, mayuc bin yac axi'; namal ya xhil awu'un te tulan xiwel, ma ba ya xnohpoj tal ta atojol.