Oseas 10:11 - Bible in Tzeltal Bachajón

¹¹ Te Efraín hich c'ohem te bin ut'il c'ahytesbil wacax te ya smulan ya swuy trigo. Pero ya ca'be yugo ta t'ujbil snuc'; ya jchucbe yugo ta snuc' te Efraín, te Judá ya me stuc te lum, soc te Jacob ya spahman te lume.

Bible in Tzeltal de Oxchuc y Tenejapa

¹¹ “Te Efraín jich c'oem te bit'il wacax te mansuben te la smulan te ya swuybey loq'uel ta teq'uel spat te trigoe. Ta ora yo'tic la cac'beyix yugo ta sba snuc' te t'ujbile, swenta yu'un ya stas bael te carreta. Te Judá ya stas bael te swoc'jibal lume, soc te Jacob ya stas bael te rastrillo.

Oseas 10:11 Referans Kwoze

Oseas 4:16

Te Israel tulan yo'tan, hich te bin ut'il wacax te ma ba c'ahytesbil. Te Jehová ¿ya bal ya'be swe'elic hich te bin ut'il tuminchijetic ta jamal q'uinal aquiltic?

Jeremías 50:11

Como tse'el awo'tanic soc ay yutsil q'uinal la awa'iyic a c'alal la apojic te bintic ay cu'un, wihlex hich te bin ut'il tut wacax ta aquiltic, soc x'ilajanex hich te bin ut'il cawuhetic,

Deuteronomio 25:4

Ma me xawa'be sbolsahil sni' te j'a'tel-wacax te c'alal yac ta sp'uyel trigo o cebada.

Romanos 16:18

como te mach'atic hich ya spasic, ma ha'uc yac'oj sbahic ta a'batinel yu'un te Cajwaltic Jesucristo, ha nax ya spasic te bin ya sc'an yo'tanic stuquel. Ta scuenta t'ujbil c'opetic soc te bintic lec ta a'iyel ya slo'loybe yo'tanic te mach'atic ma sna'ic stsahtayel.

Oseas 11:4

La jnit ta lazo scuenta yutsil-o'tanil, ta lazo scuenta c'uxul-o'tanil; hich c'ohon ta stojolic te bin ut'il mach'a ya sloq'ues yugo ta snuc', soc la cac'ticlambe swe'elic.

Oseas 9:1

Ma me tse'eluc awo'tan, Israel, ma me xwihlat yu'un stse'elil awo'tan hich te bin ut'il yantic nacionetic; awa'iyej antsiwej te bin ut'il la awihquitay hilel te Dios awu'une. La amulan te stojol j'antsinel ants ta spisil yawil smajojibal trigo.

Oseas 3:1

Te Jehová hich la yalbon xan: Bahan, c'uxuc me ta awo'tan jtuhl ants te yan mach'a c'ahyem soc, te ha j'antsinel ants; hich c'ux ta yo'tan Jehová te snich'nab Israel, aunque ya xbahtic ta stojol yantic diosetic soc ya smulanic te pimil pan pasbil ta taquin ts'usub, xchi.

Oseas 2:5

Como la yac' sba ta antsinel te snanic, q'uexlaltic sba te mach'a la yalatay. Como hich la yal: ya jt'un bahel te mach'atic ya smulanon, te ya ya'bonic jwe'el soc ha', stsotsel tuminchij soc lino, aceite soc te bin ya cuch', xchi.

Isaías 28:24

Te mach'a ya stop' lum yu'un ya sts'umbaj, ¿ya bal stop' lum spisil ora? ¿Ya bal stop' soc ya bal stuc te q'uinal spisil ora?

Jeremías 28:14

Como hich yaloj te Jehová te scuentahinej spisil, te Dios yu'un Israel: Ca'beyej yugo pasbil ta taq'uin ta snuc' spisil nacionetic yu'un ya yac' sbahic ta a'batinel yu'un te Nabucodonosor ajwalil yu'un Babilonia, ya me yac' sbahic ta a'batinel yu'un; asta ca'beyej ta sc'ab te ha'mal chambahlametic, xchi.

Jeremías 46:20

Te Egipto ha t'ujbil alal wacax, pero ta stojol norte ya xtal xcach ta stojol.

Miqueas 4:13

¡Hahchan, wuya, yantsil-nich'anat Sión! yu'un ya cac' te ha taq'uin ya xc'oht axulub, soc te bronce ya xc'oht te awech'ac: yac asesen bayel pueblohetic, soc yac awac' ta stojol Jehová te sbiluquic te yelc'anejic, soc yac awa'be sc'ulejalic te Ajwalil yu'un swohlol bahlumilal.