Oseas 1:6 - Bible in Tzeltal Bachajón

⁶ Te Gomer cha'hahch xan yal, la yalatay jtuhl ach'ix. Te Jehová la yalbe te Oseas: A'beya sbihilin Lo-ruhama como ma ba ya jna'beyix xan yo'bolil sba te sna Israel, ma ba ya jpasbeyix perdón.

Bible in Tzeltal de Oxchuc y Tenejapa

⁶ Te Gomer te yinam Oseas, la yic' xan yal, ayin jtul alal ach'ix. Te Cajwaltic la yalbey te Oseas: —Lo-ruhama xawac'bey sbiilin te alale, melel ma ba ya jcha'na'bey xan yo'bolil sba te yajwal Israel, ma ba ya jpasbey perdón.

Oseas 1:6 Referans Kwoze

1 Pedro 2:10

Ta nahil to ma pueblohuquex yu'un Dios, pero yo'tic pueblohexix yu'un te Diose; ta namey tal mayuquex ta c'uxultayel, pero yo'tic awich'ojiquix c'uxultayel.

Oseas 2:23

Ya jts'un ta q'uinal yu'un cu'un ya xc'oht; ya jna'be yo'bolil sba te Lo-ruhama, hich ya calbe te Lo-ami: Ha'at pueblohat cu'un, xchihon, soc hich ya yalbon: Ha'at Diosat cu'un, xchi.

Oseas 2:4

Ma ba ya jna'be yo'bolil sba te yalatac, como ha alaletic yu'un antsinel.

2 Reyes 17:6

Ta sbalunebal ha'bil yu'un te Oseas, te ajwalil yu'un Asiria la yich' te Samaria. La yic'ticlan bahel ta chuquel ta Asiria te israeletique. La yac'ticlan nahinicuc ta sq'uinal Halah, ta ti'ti'ha' Habor te muc'ul-ha' ta Gozán, soc ta pueblohetic yu'un te medohetique.

Isaías 27:11

Te c'alal ya xtaquij te sc'abc'ab, ya yich'ic wac'ticlanel, soc ya xtal antsetic, ya stsumbeyic sc'ahc'al. Como ha pueblo te ma sna' q'uinal; ha yu'un te Jpaswanej yu'unic ma ba ya xna'bot yo'bolil sba yu'un, ma ba ya xc'uxultayot yu'un te Mach'a pasot yu'une.

Oseas 1:8

C'alal hil schu' te Lo-ruhama, hahch yan yal te Gomer, la yalatay jtuhl querem.

2 Reyes 17:20

Ha yu'un te Jehová la sloq'ues ta stojol spisil te sts'umbal Israel, la ya'be swocolic soc la yac' ta sc'ab jpoj-biluquetic ha to c'alal jc'axel la sloq'ues ta stojol.

Amós 7:8

Hich la sjoc'obon te Jehová: ¿Bin yac awil, Amós? xchi. Jun plomo yu'un albañil, xchihon. Hich la yalbon: Ilawil, ya cac' te plomo yu'un albañil ta yohlil te pueblo Israel cu'un; ma ba ya jpasbeyiquix xan perdón.

Amós 9:8

Te sit te Jehová te Ajwalil ay ta stojol te mulawil nación, ya jtup' bahel ta sba te lumq'uinal, pero ma ba ya jlajin spisil te sna Jacob, xchi te Jehová.