Oseas 1:5 - Bible in Tzeltal Bachajón

⁵ Ta hich sc'ahc'alel ya jwac'be te t'ihmalte' yu'un Israel ta spamlej yu'un Jezreel, xchi.

Bible in Tzeltal de Oxchuc y Tenejapa

⁵ Ja' me sc'aalelal a te ya jin ta bay stenlej xatal q'uinal yu'un Jezreel te yipic te soldadoetic yu'un Israel —xi' te Cajwaltique.

Oseas 1:5 Referans Kwoze

Jueces 6:33

Spisil te madianetic, amalequetic soc te mach'atic talemic ta stojol banti ya xloc' tal c'ahc'al, junax la stsob sbahic, sohlic tal ta muc'ul-ha' Jordán, la spas scampamentohic ta spamlej yu'un Jezreel.

Josué 17:16

La yalic te snich'nab José: Ma ba tic'otcotic a te witsiltic ini. Soc spisil te cananeohetic te nahinemic ta spamlej ay scarretahic pasbilic ta taq'uin, ha te ayic ta Bet-seán soc te tut pueblohetic yu'un, soc te ayic ta spamlej yu'un Jezreel, xchihic.

Oseas 2:18

Ta hich ora ya jchap c'op ta scuenta soc te ha'mal chambahlametic, te mutetic ya xwihlic ta toyol, soc te chanetic ta q'uinal. Ya jloq'ues ta q'uinal te t'ihmalte', te espada soc te guerra, soc ya cac' te jun awo'tan ya xwayat.

Jeremías 51:56

Como ya xtal jinaw ta stojol Babilonia, ya yich'ic tsaquel te soldadohetic yu'un, soc ya yich' wac'ticlanel te t'ihmalte'etic yu'une. Como te Jehová, te Dios te ya ya'be stoj jujutuhl, ya me ya'be stoj.

Salmos 46:9

Jc'axel ya yac' quehchajuc guerrahetic c'alal ta sti'il bahlumilal; ya swac' te t'ihmalte' soc te lanza, soc ya schic' ta c'ahc' te carretahetic yu'un guerra.

Salmos 37:15

Ha nix ya yich'ic lowbeyel yo'tanic a te ta espada yu'unic, soc ya yich'ic wac'beyel st'ihmalte'ic.

2 Reyes 15:29

Te c'alal ay ta ajwalil yu'un Israel a te Peka, tal te Tiglat-pileser ajwalil yu'un Asiria, la stsal te Ijón, Abel-bet-maaca, Janoa, Cedes, Hazor, Galaad, Galilea soc spisil te sq'uinal Neftalí; la yic'ticlambe bahel ta chuquel ta Asiria te mach'atic nahinemic tey a.

Ezequiel 39:3

Ya jwac'bat te t'ihmalte' ay ta aq'uexam-c'ab, soc ya jch'aybat cohel te a'tejibaletic yu'un at'ihmalte' ta awa'el-c'ab.