Oseas 1:1 - Bible in Tzeltal Bachajón

¹ Ha sc'op Jehová te tal ta stojol Oseas snich'an Beeri, ta yorahil Uzías, Jotam, Acaz soc Ezequías, ajwaliletic yu'un Judá, soc ta yorahil Jeroboam snich'an Joás, ajwalil yu'un Israel.

Bible in Tzeltal de Oxchuc y Tenejapa

¹ Ja' sc'op Cajwaltic te tal ta stojol te Oseas te snich'an Beeri. Ja' yorail a te xmelmon c'axic ta muc' ajwalil ta Judá te Uzías, Jotam, Acaz soc Ezequías, soc ja' yorail te ay ta at'el a te Jeroboam te snich'an Joás, muc' ajwalil yu'un Israel.

Oseas 1:1 Referans Kwoze

Romanos 9:25

Como hich nix ya yal ta Oseas: Ya me calbe te ha pueblo cu'un te mach'atic ma pueblohuc cu'un a; soc ya calbe te ha c'uxultaybilix te mach'atic ma ba c'uxultaybilic cu'une.

Miqueas 1:1

Ha te sc'op Jehová te tal ta stojol Miqueas te talem ta Moreset, te bin la yil sc'oblal Samaria soc Jerusalén ta yorahil te Jotam, Acaz soc Ezequías, ajwaliletic yu'un Judá.

Isaías 1:1

Ha snahalsit Isaías snich'an Amoz banti la yilbe sc'oblal Judá soc Jerusalén ta yorahil Uzías, Jotam, Acaz soc Ezequías, ajwaliletic yu'un Judá.

Amós 1:1

Ha sc'op Amós, jtuhl jcanan-tuminchij ta Tecoa, te la yalbe sc'oblal te Israel ta yorahil Uzías ajwalil yu'un Judá, soc te Jeroboam snich'an Joás, ajwalil yu'un Israel, cheb ha'bil ma to xtal nihquel a.

2 Reyes 15:32

Ta schebal ha'bil yochel ta ajwalil yu'un Israel a te Peka snich'an Remalías, och ta ajwalil yu'un Judá te Jotam snich'an Uzías.

2 Reyes 14:16

Cham te Joás, baht sjoquin ta muquenal te chawinic sme'stat, la yich' muquel ta Samaria ta smuquenal te yantic ajwaliletic yu'un Israel. Ha och ta sjelol ta ajwalil te Jeroboam te snich'ane.

2 Pedro 1:21

como te sc'op-jalwanejetic ma ba talem ta scuenta sc'anojel yo'tan ants-winic, ha cuentahinotic yu'un te Ch'ul Espíritu te winiquetic te hich c'opojic ta scuenta Dios.

San Juan 10:35

Teme, diosex, xchi sc'oblalic te mach'atic hul ta stojolic te sc'op Diose, (ma xhu' ya xch'ay te bin ts'ihbabil ta Shun Dios),

Zacarías 1:1

Ta swaxaquebal u ta schebal ha'bil yochel ta ajwalil a te Darío, tal te sc'op Jehová ta stojol Zacarías snich'an Berequías, snich'an Ido, hich la yal:

Jonás 1:1

Te sc'op Jehová tal ta stojol Jonás snich'an Amitai, hich la yalbe:

Joel 1:1

Te sc'op Jehová te tal ta stojol Joel snich'an Petuel.

Ezequiel 1:3

tal sc'op Jehová ta stojol te sacerdote Ezequiel snich'an Buzi ta sq'uinal te caldeohetic ta sti'il te muc'ul-ha' Quebar. Tey c'oht a te sc'ab Jehová ta stojol.

Jeremías 1:4

Tal ta jtojol te sc'op Jehová, hich la yal:

Jeremías 1:2

Ha te sc'op Jehová te tal ta stojol Jeremías ta yoxlajunebal (13) ha'bil ay ta ajwalil yu'un Judá a te Josías snich'an Amón.

2 Reyes 13:13

Cham te Joás, baht sjoquin ta muquenal te chawinic sme'stat, la yich' muquel ta Samaria, ta banti muculic te ajwaliletic yu'un Israel. Ha huhcaj te Jeroboam ta shuctajib.

2 Reyes 14:23

Ta yo'lajunebal (15) ha'bil yochel ta ajwalil yu'un Judá a te Amasías snich'an Joás, ajwalil yu'un Judá, och ta ajwalil yu'un Israel ta Samaria te Jeroboam snich'an Joás; ay ta ajwalil jun yoxwinic (41) ha'bil.

2 Reyes 15:5

Te Jehová la ya'be sc'a'el-chamel te ajwalil, ay sc'a'el-chamel a ha to c'alal cham. Parte banti nahin. Te Jotam te snich'an la scuentahin te sna ajwalil soc la scuentahin te pueblo.

2 Reyes 15:7

Cham te Azarías, baht sjoquin ta muquenal te chawinic sme'stat, la smuquic ta Pueblo yu'un David. Ha och ta sjelol ta ajwalil te Jotam te snich'ane.

2 Crónicas 27:1

Te Jotam ay ho'eb scha'winic (25) ya'bilal a te c'alal och ta ajwalil, waclajuneb (16) ha'bil ay ta ajwalil ta Jerusalén. Jerusa sbihil te snan, ha yantsil-nich'an Sadoc.

2 Crónicas 28:1

Te Acaz ay jtahb (20) ya'bilal a te c'alal och ta ajwalil; waclajuneb (16) ha'bil ay ta ajwalil ta Jerusalén. Pero ma ba toj bin la spas ta stojol Jehová, ma hichuc te bin ut'il te David te namey stat.

2 Crónicas 29:33

Te chambahlametic scuenta mahtaniletic, ha lajunwinic scha'bahc' (600) torohetic soc j'ohlil swaxacbahc' (3,000) tuminchijetic.

Isaías 7:1

C'alal ay ta ajwalil yu'un Judá a te Acaz snich'an Jotam, snich'an Uzías, te Rezín ajwalil yu'un Siria, soc Peka snich'an Remalías, ajwalil yu'un Israel, mohic bahel ta ya'beyel guerra te Jerusalén, pero ma ba hu' yu'unic te la yu'untayique.