Números 9:6 - Bible in Tzeltal Bachajón

⁶ Pero ay mach'atic te bohloben sc'oblalic ta scuenta te la spic te mach'a chamen, hich ma ba hu' yu'unic spasel te Pascua ta sc'ahc'alel. Ha yu'un talic ta stojol te Moisés soc Aarón ta yorahil nix,

Bible in Tzeltal de Oxchuc y Tenejapa

⁶ Ja'uc me to, ay winiquetic te ma ba lec sc'oplalic ta scaj te spicoj anima, jich yu'un ma ju' yu'unic spasel te q'uin Pascua ta sc'aalelal. Te winiquetic ba yilic te Moisés soc Aarón ta yorail nix.

Números 9:6 Referans Kwoze

Números 27:2

La stehc'an sbahic ta stojol Moisés, te sacerdote Eleazar, te príncipaletic, soc spisil te pueblo ta yochibal te Nahilpac' Templo yu'un tahojibal, hich c'oht yalbeyic:

Éxodo 18:15

Te Moisés hich la sjac'be te snihal-mamal: Como ya xtalic ta jtojol yu'un ay bin ya sjoc'obeyic te Diose.

Números 19:16

Teme ay mach'a ya spic mach'a milot ta espada ta yohl q'uinal o mach'a hich nax cham, o teme ya spic chamen baq'uet o sbaquel chamen ants-winic o muquenal, huqueb c'ahc'al bohloben sc'oblal ya xhil.

Números 19:11

Te mach'a ya spic te mach'a chamen, bohloben sc'oblal huqueb c'ahc'al.

Números 5:2

Pasa ta mandar te snich'nab Israel te ya me sloq'uesic ta campamento spisil mach'atic ay sc'a'el-chamelic, spisil mach'atic ay bin ya xmal loq'uel yu'un, soc spisil mach'atic bohloben sc'oblalic yu'un spicojic te bin chamen.

San Juan 18:28

La yiq'uic loq'uel ta sna Caifás te Jesús, la yiq'uic bahel ta pretorio. Yac ta sacubel q'uinal a, pero ma ba ochic bahel ta palacio scuenta yu'un ma ba ya sbohlobtes sc'oblalic, scuenta yu'un hich ya xhu' ya swe'ic a te Pascua.

Números 19:18

Te jtuhl winic te lec sc'oblal ya me stsac hisopo, ya smul ta ha', ya stsihtsimbe a te nahilpac', te biluquetic soc te mach'atic tey ayic a, soc te mach'a la spicbe te sbaquel, te mach'a milot, te mach'a hich nax cham o te muquenal.

Éxodo 18:26

Ha'ic la ya'iyic chahpanwanej ta spisil ora te banti ma ba tulan sc'oblal. Yan te banti chuhcul te c'op, la yich'ic tal ta stojol Moisés.

Éxodo 18:19

A'iya awa'iy yo'tic te bin ya calbat, ay bin ya ca'bat ana', soc ya me sjoquinat te Diose. Ha'at yac atehc'an aba ta c'op ta stojol Dios ta scuenta te pueblo, soc ha'at yac awalbe Dios te c'opetic yu'unique.

Números 27:5

Te Moisés la yich' bahel ta stojol Jehová te c'op yu'unique.

Números 15:33

Te mach'atic la stahic te yac ta stsobel si', la yiq'uic bahel ta stojol Moisés soc Aarón soc spisil te pueblo.

Levítico 24:11

Te yal israel-ants la slaban soc la sbohlc'optay te Bihilil; ha yu'un la yiq'uic bahel ta stojol Moisés. (Selomit sbihil te snane, ha yantsil-nich'an Dibri, sts'umbal Dan).

Levítico 21:11

ma me x'och ta banti ay mach'a chamen, aunque ha stat o snan, ma xyac' bohlobuc sc'oblal yu'un.

Números 9:7

hich la yalbeyic: Te ho'otcotic ma lecuc jc'oblalcotic ta scuenta te mach'a chamen. ¿Bin yu'un te ma xhu' te pajal ya ca'becotic smahtan Jehová soc te yantic snich'nab Israel ta yorahil? xchihic.

Números 19:14

Hich ay te mandaril sc'oblal te mach'a ya xcham ta snahilpac': mach'ayuc a te ya x'och ta yutil snahilpac' soc spisil mach'atic tey ayic a, huqueb c'ahc'al bohloben sc'oblalic ya xhil.