Números 9:5 - Bible in Tzeltal Bachajón

⁵ Hich la spasic te Q'uin Pascua ta shahchibal u ta schanlajunebal (14) c'ahc'al, ta yihc'ubel q'uinal, ta jochol taquin q'uinal Sinaí; hich te bin ut'il spisil bintic pasot ta mandar yu'un Jehová te Moisés, hich la spasic te snich'nab Israel.

Bible in Tzeltal de Oxchuc y Tenejapa

⁵ Ja' yu'un jich la spasic ta xchanlajunebal sc'aalelal te u, ta yijc'ubel q'uinal ta bay jochol taquin q'uinal Sinaí, jich nix la yich' pasel spisil te bit'il mandal yaloj Cajwaltic ta stojol te Moisés.

Números 9:5 Referans Kwoze

Josué 5:10

Te c'alal ayiquix ta campamento ta Gilgal a te snich'nab Israel la spasic te Q'uin Pascua ta schanlajunebal (14) c'ahc'al yu'un te u, ta stibiltayel q'uinal, ta spamlej yu'un Jericó.

Hebreos 11:8

Ta scuenta sch'uhunel yo'tan te Abraham, c'alal ic'ot yu'un Dios, la sch'uhun mandar te ya xbaht ta yan lugar te ya x'a'bot yich'; hich loc' bahel, ma ba sna'oj te banti yac ta bahele.

Hebreos 3:5

Te Moisés, te bin ut'il ha a'bat, jun yo'tan ay ta spisil te na yu'un Dios, soc la yal ta testigo-c'op te bin ya yich' halel ta patil.

Hechos 26:19

Ha yu'un, ajwalil Agripa, ma ba la jc'axuntay te bin halboton ta jnahalsit ta ch'ulchan.

San Juan 15:14

Jun me co'tan jbahtic teme yac apasic te bin ya calbeyexe.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Deuteronomio 4:5

Ilawil, la jca'beyexix anopic te bintic chapal soc te bintic yaloj ta mandar, hich te bin ut'il la spason ta mandar te Jehová te Dios cu'un, scuenta yu'un hich yac apasic tey ta q'uinal te banti ya xc'oht awu'untayique.

Deuteronomio 1:3

Ta cha'winic (40) ha'bil, ta sba c'ahc'alil yu'un te sbuluchebal (11) u, te Moisés la yalbe ya'iyic te snich'nab Israel spisil te bintic halbot yu'un Jehová;

Números 29:40

Te Moisés la yalbe ya'iy te snich'nab Israel spisil te bintic pasot ta mandar yu'un Jehová.

Números 8:20

Te Moisés, Aarón soc spisil te pueblo yu'un te snich'nab Israel hich la spasbeyic te levitahetic te bin ut'il spisil te bin pasot ta mandar yu'un Jehová te Moisés sc'oblal te levitahetique; te snich'nab Israel hich la spasbeyic.

Éxodo 39:42

Te snich'nab Israel la spasic spisil te a'tel hich te bin ut'il halbotic yu'un Jehová te Moisés.

Éxodo 39:32

Hich hu' spisil te a'tel yu'un te Nahilpac' Templo, ha te Nahilpac' Templo yu'un tahojibal. Te snich'nab Israel la spasic spisil hich te bin ut'il halbot yu'un Jehová te Moisés.

Génesis 7:5

Te Noé la spas spisil hich te bin ut'il pasot ta mandar yu'un te Jehová.

Génesis 6:22

Te Noé la spas spisil hich te bin ut'il pasot ta mandar yu'un Dios.

Números 9:4

Ha yu'un te Moisés la yalbe te snich'nab Israel te ya spasic te Q'uin Pascua.

Éxodo 12:50

Hich la spasic spisil te snich'nab Israel te bin ut'il pasotic ta mandar yu'un Jehová te Moisés soc Aarón.

Números 1:54

Te snich'nab Israel la spasic spisil hich te bin ut'il halbot yu'un Jehová te Moisés.