Números 9:15 - Bible in Tzeltal Bachajón

¹⁵ Te bin c'ahc'alil te la yich' tehc'anel te Nahilpac' Templo, te tocal la yaxintes te Nahilpac' yu'un te Testigo-c'op. Ta yihc'ubel q'uinal ha to c'alal ta sacubel q'uinal ay ta sba te Nahilpac' Templo, hich yilel te bin ut'il c'ahc'.

Bible in Tzeltal de Oxchuc y Tenejapa

¹⁵ Te bi c'aalil najc'aj yu'unic te ch'ul awilal, ja' te Nailpac' yu'un trato, mucot ta tocal. Ta yijc'ubel q'uinal chicnaj ta sba te ch'ul awilal jich bit'il c'ajc' yilel, sjunal ajc'ubal ja' to c'alal sacub tel.

Números 9:15 Referans Kwoze

Éxodo 13:21

Te Jehová ha nahilij bahel yu'unic ta c'ahc'alel ta scuenta bahlal tocal yu'un ya stojobtes bahel ta be a, soc ta ahc'abal ta bahlal c'ahc' yu'un la ya'be sacal q'uinal scuenta yu'un hich hu' yu'unic behel ta c'ahc'alel soc ta ahc'abal.

Éxodo 40:34

Ha yu'un te tocal la smuc te Nahilpac' Templo yu'un tahojibal, te yutsilal Jehová noj yu'un te Nahilpac' Templo.

Salmos 78:14

Ta c'ahc'alel la stojobteslan bahel ta tocal, ta sjunal ahc'abal ta sts'anabul c'ahc'.

Nehemías 9:19

ha'at, ta scuenta bayel sc'uxul awo'tan, ma ba la apihteslan ta jochol taquin q'uinal. Te bahlal tocal ma ba la spihteslan ta c'ahc'alel yu'un ya stojobteslan ta be, soc ta ahc'abal ma ba pihtesotic yu'un te bahlal c'ahc' yu'un ya sacubtesbe q'uinal yil te be te banti ya xbahtique.

1 Corintios 10:1

Quermanotac, ya jc'an te yac ana'ic te spisil te jme'jtatic axintesotic ta tocal soc c'axic ta Mar;

Isaías 4:5

Ta stojol te wits Sión soc te banti ya stsob sbahic, te Jehová ya schicnajtes hahchel pimil tocal ta c'ahc'alel, soc sjahts' yat c'ahc' ta ahc'abal. Soc ta sba spisil, ha te yutsilal te Cajwaltic, te hich ya xc'oht te bin ut'il smahquil;

Salmos 105:39

Dios la slim bahel tocal scuenta smahquilic, soc la yac' c'ahc' yu'un ya sacubtes q'uinal ta ahc'abal.

Nehemías 9:12

Ta bahlal tocal la atojobteslan ta c'ahc'alel, soc ta bahlal c'ahc' ta ahc'abal, scuenta yu'un yac asacubtesbe sbehic te banti ya xbahtic.

Números 14:14

soc ya me yich' halbeyel ta stojol te mach'atic nahinemic ta q'uinal ini, te ya'iyejiquix te ha'at, Jehová, ayat ta yohlil te pueblo ini, te awac'oj aba ta ilel ta sitil, Jehová, soc te axintesbilic ta tocal awu'un, te ya xnahilijat bahel yu'unic ta bahlal tocal ta c'ahc'alel soc ta bahlal c'ahc' ta ahc'abal.

Éxodo 40:38

Como te tocal yu'un Jehová ay ta sba te Nahilpac' Templo ta c'ahc'alel, soc ta ahc'abal ay c'ahc' ta sba, te chican ta ilel yu'un spisil te snich'nab Israel te jayeb c'ahc'al behenique.

Éxodo 40:2

Ta sba c'ahc'alil yu'un te shahchibal u ya me atehc'an te Nahilpac' Templo, ha te Nahilpac' Templo yu'un tahojibal.

Éxodo 14:24

Te c'alal ma to sacub q'uinal a, te Jehová la yil c'alal ta bahlal c'ahc' soc tocal te soldadohetic yu'un te egipciohetic, la yac' howiyuc sjolic,

Éxodo 13:22

Mayuc bin ora loc' bahel ta stojol te pueblo te bahlal tocal ta c'ahc'alel soc te bahlal c'ahc' ta ahc'abal.

Números 10:34

Te tocal yu'un Jehová la yaxintes bahel ta c'ahc'alel te snich'nab Israel te c'alal hahchic ta behel.

Números 17:7

Te Moisés la yac' hilel te nahbate'eletic ta stojol Jehová ta Nahilpac' yu'un te Testigo-c'op.

Deuteronomio 1:33

te mach'a nahilij bahel awu'unic ta be ta scuenta c'ahc' ta ahc'abal soc ta tocal ta c'ahc'alel, yu'un ya ya'beyex awilic te banti ya xbehenex soc banti yac apas acampamentohic.

Éxodo 40:35

Te Moisés ma ba hu' och bahel ta Nahilpac' Templo yu'un tahojibal como hul spuhl sba tey a te tocal, soc noj ta yutsilal te Jehová.