Números 9:13 - Bible in Tzeltal Bachajón

¹³ Yan te mach'a lec sc'oblal soc te ma namaluc yac ta behel, teme ma ba ya spas te Q'uin Pascua, ya me yich' loq'uesel ta yohlil te slumale. Ha ya scuch smul ta scaj te ma ba la ya'be smahtan te Jehová ta yorahil.

Bible in Tzeltal de Oxchuc y Tenejapa

¹³ Ja'uc me to, te mach'a ya yijq'uitay ta pasel te q'uin Pascua, teme lec sc'oplal soc teme ma ba c'ubul beenique, ya me yich'ic loq'uesel ta yolil te slumale. Scaj te ma la yac' ta stojol Cajwaltic te majt'anil te albil sc'oplale, jich me xcuchoj ya xjil te smule.

Números 9:13 Referans Kwoze

Éxodo 12:15

Huqueb c'ahc'al yac awe'ic pan te ma ba yich'oj levadura. Ta sba c'ahc'alil ya me aloq'uesic spisil levadura ta anahic, yu'un mach'ayuc a te ya swe' te bin yich'oj levadura ta sba c'ahc'alil ha to ta shuquebal c'ahc'al ya me yich' loq'uesel ta Israel.

Génesis 17:14

Yan te mach'a ma ba yich'oj circuncisión ya yich' loq'uesel ta alumal, como la sc'axuntaybon te chapbil-c'op cu'un, xchi.

Números 9:7

hich la yalbeyic: Te ho'otcotic ma lecuc jc'oblalcotic ta scuenta te mach'a chamen. ¿Bin yu'un te ma xhu' te pajal ya ca'becotic smahtan Jehová soc te yantic snich'nab Israel ta yorahil? xchihic.

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

Hebreos 9:28

ha nix hich te Cristo, jmehl nax la yac' sba ta lajel yu'un sch'aybeyel smul tsobolic; soc ya xcha'tal xan, pero ma yu'unuc sch'ayel mulil, ha ya xtal scoltay te mach'atic yac smahliybelic.

Hebreos 6:6

teme ya xcha'yahlic, ma xhu'ix ta suhtesbeyel yo'tanic, como ha'ic nix la scha'aq'uic xan ta lajel ta cruz te Snich'an Dios soc la yaq'uic xan ta labanel ta comonsitil.

Hebreos 2:3

¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,

Ezequiel 23:49

Ya me yaq'uic c'ohtuc ta atojolic te castigo yu'un te chopol awa'telic soc ya me atoj amulic yu'un sch'uhunel loc'ombahetic. Ya me ana'ic te ho'on Jehovahon, te Ajwalil, xchi te Jehová.

Números 19:13

Teme ay mach'a ya spic te mach'a chamen, teme ma ba ya slecubtes sba, ya sbohlobtesbe sc'oblal te Nahilpac' yu'un Jehová; ya me yich' loq'uesel ta yohlil Israel. Te bin ut'il ma ba tsihtsinot ta ha' scuenta lecubtesel, bohloben me sc'oblal, ya me xhil ta scuenta te sbohlile.

Números 5:31

Te winic ma me ayuc smul ya xc'oht, pero te antse ya me scuch smul stuquel, xchi.

Levítico 20:20

Teme ay winic ya xway soc yihnam stajun, la sbohlobtesbe sc'oblal te stajun, ya me scuch te smulique; mayuc yal-snich'an a ya xchamic.

Levítico 17:10

Mach'ayuc winiquil ta sna Israel o jyanlum te nahinem ta awohlilic te ya swe' ch'ich', ma lecuc co'tan yu'un te mach'a ya swe' ch'ich, ya me jloq'ues ta yohlil te slumale.

Levítico 17:4

teme ma ba ya yic' tal ta yochibal te Nahilpac' Templo yu'un tahojibal scuenta ya'beyel smahtan Jehová ta stojol te nahilpac' yu'un Jehová, la sta smul te winic yu'un te la smal ch'ich'. Ya me yich' loq'uesel ta yohlil te slumal,

Levítico 22:9

Ya me sch'uhumbonic spasel te bintic caloj ta mandar scuenta yu'un ma ba ya scuch smul a, yu'un hich ma ba ya xchamic yu'un te la sbohlobtesbe sc'oblale. Ho'on, Jehovahon, te ya jch'ultes.

Éxodo 12:19

Huqueb c'ahc'al ma me ayuc levadura ta anahic. Mach'ayuc a te ya swe' te bin yich'oj levadura, teme jyanlum o teme alumal, ya me yich' loq'uesel ta pueblo yu'un Israel.

Éxodo 12:47

Spisil te pueblo Israel ya me spas.

Éxodo 30:33

Mach'ayuc a te ya spas yan aceite te pajal soc, o teme ya smal mach'ayuc a, ya me yich' loq'uesel ta yohlil te pueblo yu'un, xchi.

Éxodo 30:38

Mach'ayuc a te ya spas yan te pajal soc yu'un ya smulambe yic', ya me yich' loq'uesel ta yohlil te pueblo yu'un, xchi.

Levítico 24:15

Hich yac awalbe te snich'nab Israel: Mach'ayuc a te ya sbohlc'optay te Dios yu'une, ya me scuch smul.

Números 19:20

Te mach'a bohloben sc'oblal te ma ba la slecubtes sba, ya me yich' loq'uesel ta yohlil te pueblo, yu'un la sbohlobtesbe sc'oblal te ch'ul awilal yu'un Jehová; bohloben me sc'oblal ta scaj te ma ba tsihtsinot ta ha' scuenta lecubtesel.