Números 8:11 - Bible in Tzeltal Bachajón

¹¹ Te Aarón ya yac' ta stojol Jehová te levitahetic scuenta tuchilambil mahtanil yu'un te snich'nab Israel, hich ya spasbeyic a te ya'tel te Jehová.

Bible in Tzeltal de Oxchuc y Tenejapa

¹¹ Te Aarón ya me yac' sc'ab ta jtojol ta yaq'uel te levitaetic ta swenta sjelol te israeletic, yu'un jich me ya yich' aq'uel jilel ta abatinel cu'un.

Números 8:11 Referans Kwoze

Levítico 7:30

Ta sc'ab nix ya yich'be tal te mahtaniletic te ya yich'ic chiq'uel ta stojol Jehová; ya me yich' tal te sjuhp'el soc te stahn, scuenta yu'un ya yich' tuchilanel te stahn ta stojol Jehová scuenta tuchilambil mahtanil.

Números 6:20

Te sacerdote ya stuchilambe ta stojol Jehová scuenta tuchilambil mahtanil; ha ch'ultesbil soc ha yu'un te sacerdote, soc nix te stahn te la yich' tuchilanel soc te spech baquel sc'ab te parte la yich' aq'uele. Ta patil te nazareo ya xhu' ya yuch'ix vino.

Levítico 8:29

Te Moisés la stsacbe te stahn, la stuchilan scuenta tuchilambil mahtanil ta stojol Jehová; ha yu'un Moisés te stahn te tuminchij scuenta yich'el a'tel, hich te bin ut'il halbot yu'un Jehová te Moisés.

Levítico 8:27

Spisil la ya'be ta sc'ab te Aarón soc ta sc'ab te snich'nab, la yac' ta tuchilanel scuenta tuchilambil mahtanil ta stojol Jehová.

Éxodo 29:24

Ya me awa'be spisil ta sc'ab Aarón soc ta sc'ab te snich'nab, ya me atuchilan scuenta tuchilambil mahtanil ta stojol Jehová.

Levítico 7:34

Como tey ta milbil mahtanil scuenta lamal q'uinal te ya yaq'uic te snich'nab Israel la jca'be te sacerdote Aarón soc snich'nab te stahn te ya yich' tuchilanel soc te ya' te ya yich' aq'uel; ha mandaril te ma xlaj sc'oblal yu'un te snich'nab Israel, xchi.

Deuteronomio 10:8

Ha yorahil a te Jehová parte la yac' te jchahp yu'un Leví, yu'un ha ya yich'ic bahel te scaxahul te chapbil-c'op yu'un te Jehová, scuenta yu'un ayic ta stojol Jehová soc ya yac' sbahic ta a'batinel yu'un, soc yu'un ya yaq'uic bendición ta scuenta sbihil, hich te bin ut'il c'alal ora.