Números 6:27 - Bible in Tzeltal Bachajón

²⁷ Hich ya yalbonic jbihil ta stojol te snich'nab Israel, hich ya ca'be bendición, xchi.

Bible in Tzeltal de Oxchuc y Tenejapa

²⁷ “Jich me ya awalbonic jbiil ta stojol israeletic, swenta yu'un jich me ya cac'bey bendición ta stojolic —xi' te Cajwaltique.

Números 6:27 Referans Kwoze

2 Crónicas 7:14

teme ya spehc'an sbahic te pueblo cu'un te yich'beyejonic te jbihil, teme ya sc'oponon soc ya slehbon te jsit quelaw, teme ya suhtes yo'tanic yu'un te bintic chopol spasojique, hich ya ca'iybe sc'opic c'alal ta ch'ulchan, ya jpasbe perdón yu'un smulic, soc ya cac' lecubuc te sq'uinalique.

Deuteronomio 28:10

Spisil te nacionetic ta bahlumilal ya me yilic te awich'ojbe sbihil te Jehová, soc ya me xi'at.

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

Jeremías 14:9

¿Bin yu'un hichat te bin ut'il jtuhl winic te ma sna' bin ya spas, te hichat te bin ut'il jtuhl soldado te ma xhu' ya xcoltaywan? Pero ayat ta cohlilcotic, Jehová, quich'ojbatcotic te abihile, ma me xapihtesotcotic.

Isaías 43:7

spisil te mach'atic yich'beyejonic te jbihile, te la jchicnajtes yu'un ya xchicnaj a te cutsilale, ha te mach'atic la jpas soc te la jchahpan, xchihon.

Salmos 5:12

Ha'at, Jehová, yac awa'be bendición te mach'a toj yo'tan; hich te bin ut'il mahquilal yac ajoytay a ta yutsil awo'tan ta stojol.

1 Crónicas 4:10

Te Jabes la sc'opon te Dios yu'un Israel, hich la yal: A'bon bendición soc muc'ubtesbon jq'uinal; coltayawon soc ac'awon ta libre yu'un te bin chopol, scuenta yu'un ma xc'ax jwocol a, xchi. Hich a'bot yu'un Dios te bin la sc'ane.

Génesis 32:29

Halbon ca'iy te abihil, xchi te Jacob. ¿Bin yu'un yac ajoc'obon jbihil? xchi te winique. Tey la ya'be bendición a.

San Mateo 28:19

Ha yu'un bahanic, otsesahic ta jnopojel spisil te nacionetic, ac'ticlambeyahic yich'ic ha' ta scuenta te Tatil, te Nich'anil soc te Ch'ul Espíritu,

Salmos 67:7

Ac'a ya'botic bendición te Diose, soc ac'a ich'otuc ta muc' yu'un spisilic c'alal ta sti'il bahlumilal.

Números 23:20

Ilawil, pasbilon ta mandar ta sc'anel bendición; ha la yac' bendición, ma xhu' ya jlajimbe sc'oblal.

Génesis 32:26

Hich la yal te winique: Coltayawon bahel, yu'un yaquix ta sacubel tal te q'uinale, xchi. La sjac' te Jacob: Ma ba ya jcoltayat bahel teme ma ba yac awa'bon bendición, xchi.

2 Samuel 7:23

¿Soc mach'a pajal soc te pueblo Israel awu'un, te jun nación te muc' sc'oblal ta bahlumilal? Como te Dios c'oht sloq'ues ta mosohil scuenta pueblo yu'un ya xc'oht, te hich ya stohytesbe sbihil a, yu'un ya spas muc'ul a'teliletic ta scuentahic soc ya spas bintic xiweltic sba ta aq'uinal, ta scuenta sc'uxul awo'tan ta stojol te pueblo awu'un te la aloq'ues ta Egipto ta stojol yantic nacionetic soc te diosetic yu'unique.

Éxodo 6:3

Hich la jcac' jba ta ilel ta stojol Abraham, Isaac soc Jacob te bin ut'il Dioson te spisil ya xhu' cu'un, pero ma ba la jca'be sna'ic te Jehová te jbihile.