Números 6:26 - Bible in Tzeltal Bachajón

²⁶ Te Jehová ac'a yac' tal sit yelaw ta atojol, soc ac'a ya'bat lamal q'uinal ta atojol, xchihex.

Bible in Tzeltal de Oxchuc y Tenejapa

²⁶ te Cajwaltic ac'a yilat soc xc'uxul yo'tan, ac'a yac'bat lamal-o'tanil’, xaex me ta stojol te israeletique”, uta me.

Números 6:26 Referans Kwoze

Salmos 4:6

Tsobolic hich ya yalic: ¿Mach'a ya xhu' ya ya'botic quiltic te bin leque? xchihic. Jehová, ac'a tihluc ta jtojolcotic te sacal q'uinal yu'un asit awelaw.

2 Tesalonicenses 3:16

Te Cajwaltic yu'un lamal q'uinal ac'a ya'beyex ta spisil ora te lamal q'uinale. Ac'a sjoquinex apisilic te Cajwaltique.

Salmos 29:11

Te Jehová ya ya'be yip te pueblo yu'une; te Jehová ya ya'be bendición te pueblo yu'un ta scuenta lamal q'uinal. C'ayoj scuenta yaq'uel ta stojol Dios te Templo. Salmo yu'un David.

Romanos 15:13

Te Dios yu'un smuc'ul-o'tanil ac'a snojesbeyex awo'tanic ta tse'el-o'tanil soc lamal-o'tanil ta scuenta te bin ach'uhunejic, scuenta yu'un ay bayel smuc'ul awo'tanic ta scuenta yu'el te Ch'ul Espíritu.

San Juan 16:33

La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

Hechos 2:28

La awa'bonix quil te sbehlal cuxlejal; yac awa'bon stse'elil co'tan ta atojol, xchi.

Isaías 26:3

Ha'at yac awac' te lamal q'uinal ya ya'iy te mach'a spisil ora yac sna'belat, como ha smuc'ulinejat yo'tan.

Romanos 15:33

Ac'a sjoquinex apisilic te Dios yu'un lamal q'uinal. Hichuc.

San Juan 20:21

Cha'halbotic xan yu'un te Jesús: Lamaluc me q'uinal yac awa'iyic. Hich te bin ut'il la sticonon tal te Tatil, ha nix hich ya jticonex bahel, xchi sc'oblalic.

Salmos 42:5

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal te Jcoltaywanej soc te Dios cu'une.

Filipenses 4:7

Hich te lamal q'uinal te ya yac' te Diose, te c'ax muc' te ma xhu' cu'untic sna'el, ya me scanantaybeyex awo'tanic soc apensaric ta scuenta te Cristo Jesús.

San Lucas 2:14

¡Bayel yutsil te Dios ay ta toyol, soc ay lamal q'uinal ta bahlumilal, ay yutsil yo'tan Dios ta stojol te ants-winiquetique! xchihic.

Isaías 57:19

Ya ca'be yalic te yutsil c'oblalil ini: Lamaluc me q'uinal ta stojol te mach'a namal ay, lamaluc me q'uinal ta stojol te mach'a nopol ay, xchihic, soc ya jlecubteslan, xchi te Jehová.

Isaías 26:12

Jehová, ha'at yac awa'botic lamal q'uinal, como ha'at la awac' c'ohtuc ta pasel spisil bintic la jpascotic te ho'otcotique.

Salmos 89:15

Bayel yutsil te mach'atic ya sna'ic yalel yutsil ac'oblal, te ya xbehenic ta sacal q'uinal yu'un te sit awelaw, Jehová.

Salmos 37:37

Nopa awa'iy bin ut'il ay te mach'a jun yo'tan soc ilawil te mach'a toj yo'tan, yu'un ay bin quechel ya xc'oht ta stojol te mach'a lamal yo'tan.

Hechos 10:36

Dios la sticombe sc'op ta stojol te snich'nab Israel, la yalbe sc'oblal te lec yach'il c'op scuenta lamal q'uinal ta scuenta Jesucristo, ha te Ajwalil yu'un spisil.

San Juan 20:26

Waxaqueb c'ahc'al ta patil ayic ta yut na yan buelta te jnopojeletic, soc tey sjoquinejiquix a te Tomás. Macajtic a te puertahetic, tal stehc'an sba ta yohlilic te Jesús, hich la yalbe: ¡Lamaluc me q'uinal xawa'iyic! xchi.

San Juan 14:27

Ya ca'beyex hilel lamal q'uinal; ya ca'beyex te lamal q'uinal cu'un; ma hichuc ya ca'beyex te bin ut'il ya yaq'uic te mach'atic ayic ta bahlumilal. Ma me xamel awo'tanic soc ma me xiwex.

Miqueas 5:5

ha lamal q'uinal cu'untic ya xc'oht. C'alal ya xtal te asiriahetic ta jq'uinaltic soc ya x'ochic ta t'ujbil muc'ul nahetic cu'untic, ya jticontic bahel huctuhl jcananetic soc waxactuhl príncipaletic te ya scontrahinic,

Salmos 44:3

Como ma ba la yochintayic te q'uinal ta scuenta te espada yu'unic, soc ma ha'uc ta sc'abic la ya'iyic tsalaw; ha ta scuenta awa'el-c'ab soc te sts'anabul asit awelaw, como lec awo'tan ta stojolic.

Efesios 6:23

Te Jtatic Dios soc te Cajwaltic Jesucristo ac'a ya'be lamal q'uinal soc sc'uxul yo'tan soc sch'uhunel yo'tan te quermanotactique.

Romanos 5:1

Ha yu'un te bin ut'il halbotic te toj ayotic ta scuenta sch'uhunel-o'tanil, hich lamal q'uinal ya ca'iytic ta stojol Dios ta scuenta te Cajwaltic Jesucristo,