Números 6:24 - Bible in Tzeltal Bachajón

²⁴ Te Jehová ac'a ya'bat bendición soc ac'a scanantayat.

Bible in Tzeltal de Oxchuc y Tenejapa

²⁴ ‘Te Cajwaltic ac'a yac'bat bendición, ac'a scanantayat;

Números 6:24 Referans Kwoze

1 Tesalonicenses 5:23

Te Dios yu'un lamal q'uinal ts'acal ac'a sch'ultesex; soc ac'a yich' canantayel spisil acuxlejalic, ha te espíritu awu'unic, ach'uhlelic soc abaq'uetalic, te mayuc amulic a te c'alal ya xtal te Cajwaltic Jesucristo.

Filipenses 4:7

Hich te lamal q'uinal te ya yac' te Diose, te c'ax muc' te ma xhu' cu'untic sna'el, ya me scanantaybeyex awo'tanic soc apensaric ta scuenta te Cristo Jesús.

Judas 1:24

Te Dios te ya xhu' ya scanantayex yu'un ma ba xyahlex soc te ya xhu' yu'un te mayuc awabaquil a ya stehc'anex ta stojol te yutsilal soc bayel yutsil-o'tanil,

Isaías 42:6

Ho'on te Jehovahon ta stojil la jquic'at, ya jtsacat ta jc'ab; ya jcanantayat soc ya cac'at scuenta chapbil c'op yu'un te pueblo, scuenta sacal q'uinal ta stojol te nacionetic,

San Juan 17:11

Ma ba ya x'ayinonix ta bahlumilal, yan stuquelic ya to x'ayinic ta bahlumilal, yan te ho'on ya xbohon tey ta banti ayat. Jch'ul Tat, canantaya ta scuenta abihil, scuenta yu'un junax ya xc'ohtic a, hich te bin ut'il jun ayotic te ho'otique.

Salmos 91:11

yu'un ya me yalbe mandar te ch'ul a'batetic yu'un te ya scanantayat bayuc ya xbahat.

Salmos 134:3

¡C'alal ta Sión ac'a ya'bat bendición te Jehová, te mach'a la spas te ch'ulchan soc bahlumilal!

Rut 2:4

Ha yorahil a te loc' tal ta Belén te Booz, hich la yalbe te j'a'teletic yu'une: Ac'a sjoquinex te Jehová, xchi. Ac'a ya'bat bendición te Jehová, xchihic.

Salmos 17:8

Canantayawon hich te bin ut'il sch'uhlel asit; nac'awon ta ye'tal yaxinal axic',

1 Samuel 2:9

Ha ya scanantaybe yoc te mach'atic yu'un te ch'uhltesbilique, yan te mach'atic chopol yo'tanic ya me xlajic ta yihc'al q'uinal; como mayuc mach'a ya ya'iy tsalaw ta scuenta te yip stuquel.

1 Pedro 1:5

ha'ex te ta scuenta sch'uhunel awo'tanic canantaybilex ta yu'el Dios ha to c'alal ya xtal te colel te chapalix te ya xchicnaj ta slajibal c'ahc'al.

Filipenses 4:23

Ac'a sjoquinex ta apisilic te yutsil yo'tan te Cajwaltic Jesucristo. Hichuc.

Efesios 6:24

Ac'a c'ohtuc te yutsil yo'tan Dios ta stojol spisil mach'atic c'ux ta yo'tanic te Cajwaltic Jesucristo soc sc'uxul-o'tanil te ma xch'aye. Hichuc.

Salmos 28:9

Coltaya te pueblo awu'un soc a'beya bendición te mach'atic awu'untayej; canantaya hich te bin ut'il jcanan-tuminchij soc peta ta ac'ab spisil ora.

Isaías 27:3

Ho'on, Jehovahon, ya jcanantay; spisil ora ya ca'be ya'lel. C'ahc'al ahc'abal ya jcanantay scuenta yu'un mayuc mach'a ya yuts'in.

1 Corintios 14:16

como teme ha nax ta ach'uhlel yac awalbe lec sc'oblal Dios, te mach'a tey ay a te yac nax ta ya'iyel, ¿bin ut'il c'an yal, ‘Hichuc’ yu'un te bin yac awal wocol yu'une?

Génesis 28:15

Ya joquinat, ya jcanantayat bayuc ya xbahat soc ya quic'at suhtel tal li' ta q'uinal ini; ma ba ya jpihtesat ha to c'alal ya xc'oht ta pasel cu'un spisil te bin la jcalbat, xchi.

2 Samuel 7:29

Yo'tic, awocoluc, a'beya bendición te mach'atic ay yu'un te a'bat awu'un, scuenta yu'un stalel me ya xhilic ta atojol, como ha'at, Jehová Dios, hich awalojix, soc ta scuenta te bendición awu'un ya me yich' bendición te sna te a'bat awu'un sbahtel q'uinal, xchi.

Daniel 9:17

Ha yu'un, Dios cu'untic, a'iybeya sc'op te a'bat awu'un soc te bintic ya sc'ambate, soc ta scuenta abihil, Cajwal, ac'a tihluc sts'anabul asit awelaw ta stojol te ch'ul awilal awu'un te jihneme.