Números 6:23 - Bible in Tzeltal Bachajón

²³ Halbeya te Aarón soc snich'nab: Hich yac awa'beyic bendición te snich'nab Israel; hich yac awalic:

Bible in Tzeltal de Oxchuc y Tenejapa

²³ —Albeya te Aarón soc snich'nab: “Te c'alal ya ac'anbeyic bendición te israeletic, jich me ya awalic:

Números 6:23 Referans Kwoze

1 Crónicas 23:13

Te snich'nab Amram, ha te Aarón soc Moisés. Te Aarón soc te sts'umbal parte ac'otic yu'un ya yaq'uic te mero ch'ultesbil mahtaniletic, ya schiq'uic pom ta stojol Jehová, ya x'a'tejic ta stojol soc ya yaq'uic bendición ta scuenta sbihil Jehová ta spisil ora.

Deuteronomio 21:5

Patil ya xnohpojic tal te sacerdotehetic, te snich'nab Leví, como ha'ic te tsahbilic yu'un Jehová te Dios awu'un yu'un ya yac' sbahic ta a'batinel yu'un soc ya yaq'uic bendición ta scuenta sbihil Jehová, soc yu'un ya schahpanic spisil ta chahp c'opetic te ya xchicnaje.

Hebreos 7:1

Te Melquisedec, ha ajwalil yu'un Salem soc sacerdote yu'un te Dios te mero toyol ay; ha loc' sta ta be te Abraham te c'alal suht tal ta stsalel te ajwaliletic, soc la ya'be bendición.

Génesis 48:20

Ha nix yorahil a la ya'be bendición, hich la yal: Ta scuenta abihilic ac'a yac' bendición ta Israel, ac'a yalic: Dios ac'a spasbat ta atojol hich te bin ut'il Efraín soc Manasés, ac'a xchihuquic, xchi. Hich nahil la yac' te Efraín, patil te Manasés.

2 Juan 1:3

Te yutsil-o'tanil, sc'uxul-o'tanil soc te lamal q'uinal yu'un te Jtatic Dios soc te Jesucristo, ha te Snich'an te Tatil, ac'a sjoquinotic ta mero melel soc ta scuenta c'uxul-o'tanil.

2 Corintios 13:14

Ac'a sjoquinex ta apisilic te yutsil yo'tan te Cajwaltic Jesucristo, te sc'uxul yo'tan Dios, soc junuc awo'tanic soc te Ch'ul Espíritu. Hichuc.

Génesis 47:7

Te José la yic' ochel tal te stat, la stehc'ambe ta stojol faraón. Te Jacob la ya'be bendición te faraón;

1 Pedro 1:2

te tsahbilic ta scuenta te nahil na'bot sbahic yu'un te Jtatic Dios, ta scuenta te ch'ultesel yu'un te Espíritu, yu'un ya sch'uhumbeyic smandar te Jesucristo soc ya yich'ic tsihtsinel ta sch'ich'el: Bayeluc me yutsil-o'tanil soc lamal q'uinal ta atojolic.

Hebreos 7:7

Soc spisilic ya sna'ic, te mach'a peq'uel ay ya x'a'bot bendición yu'un te mach'a toyol xan aye.

1 Corintios 1:3

Ac'a c'ohtuc ta atojolic te yutsil yo'tan soc te lamal q'uinal yu'un te Jtatic Dios soc te Cajwaltic Jesucristo.

Romanos 1:7

Ya jpatbeyex awo'tanic ta apisilic te ayex ta Roma, te c'uxex ta yo'tan Dios soc te ic'bilex yu'un ch'ultesbil ya xc'ohex: Yutsil-o'tanil soc lamaluc me q'uinal yac awa'iyic yu'un te Jtatic Dios soc te Cajwaltic Jesucristo.

Josué 8:33

Ta spisil Israel, ha te jyanlumetic soc te sts'umbal nix Israel, soc te mamaletic, jtsobawetic soc juecetic yu'unic, teq'uelic ta jujujehch te scaxahul te chapbil-c'op, ta stojol te sacerdote-levitahetic te sq'uechojic te scaxahul te chapbil-c'op yu'un Jehová. J'ohlil ay ta stojol wits Gerizim, j'ohlil ay ta stojol wits Ebal, hich te bin ut'il Moisés te a'bat yu'un Jehová la spas hilel ta mandar, scuenta yu'un ya yac'ticlambe bendición te pueblo yu'un Israel.

Deuteronomio 10:8

Ha yorahil a te Jehová parte la yac' te jchahp yu'un Leví, yu'un ha ya yich'ic bahel te scaxahul te chapbil-c'op yu'un te Jehová, scuenta yu'un ayic ta stojol Jehová soc ya yac' sbahic ta a'batinel yu'un, soc yu'un ya yaq'uic bendición ta scuenta sbihil, hich te bin ut'il c'alal ora.

Génesis 47:10

Te Jacob la ya'be bendición te faraón, loc' bahel ta stojol.

Deuteronomio 33:1

Hich ay te bendición la yal Moisés, te winic yu'un Dios, ta stojol te snich'nab Israel te c'alal ma to xcham a.

Génesis 24:60

La ya'beyic bendición te Rebeca, hich la yalic: Ha'at quihts'inatcotic, ha'uc me nanil ya xc'ohat yu'un tsobol ta mil, soc te ats'umbal ya yu'untaybeyic spuertahul te scontratac, xchihic.

Éxodo 39:43

Te Moisés c'alal la yil spisil te a'tel, te hich la spasic te bin ut'il yaloj ta mandar te Jehová, la yac'ticlambe bendición.

Números 6:22

Te Jehová la yalbe te Moisés:

1 Reyes 8:55

La stehc'an sba, la ya'be bendición spisil te pueblo Israel, hich tulan la yal:

2 Crónicas 30:27

Patil te sacerdotehetic soc te levitahetic la stehc'an sbahic, la ya'beyic bendición te pueblo; a'iybot sc'opic yu'un Dios, te bin la yalic ta sc'oponel Dios c'oht c'alal ta ch'ulchan, ta ch'ul awilal yu'un.