Números 6:20 - Bible in Tzeltal Bachajón

²⁰ Te sacerdote ya stuchilambe ta stojol Jehová scuenta tuchilambil mahtanil; ha ch'ultesbil soc ha yu'un te sacerdote, soc nix te stahn te la yich' tuchilanel soc te spech baquel sc'ab te parte la yich' aq'uele. Ta patil te nazareo ya xhu' ya yuch'ix vino.

Bible in Tzeltal de Oxchuc y Tenejapa

²⁰ Jich yu'un te sacerdote ya me spach ta sc'ab, soc ya me stoyilaybon ta jtojol. Te sbaq'uetal stan te chambalam te ya stoyilaybon ta jtojol uuc, soc te scub te ya yich' aq'uel ta swenta patan ta jtojole, ch'ultesbilic me soc q'uejbil ta swenta te sacerdote. Ta patil, te nazareo ya xju' ya yuch'ix te vinoe.

Números 6:20 Referans Kwoze

Eclesiastés 9:7

Bahan, tse'eluc me awo'tan ya xwe'at, soc tse'eluc me awo'tan yac awuch' te vino awu'une, como lequix yo'tan Dios yu'un te awa'tele.

Números 5:25

Patil te sacerdote ya stsacbe ta sc'ab te ants te mahtanil harina yu'un ich'mul, ya stuchilan ta stojol Jehová soc ya ya'be ta scajtajib ta chiq'uel mahtanil.

San Juan 19:30

C'alal laj sts'u'ts'uybel a te vinagre te Jesús, hich la yal: Hu'ix, xchi. Hich la sts'ohyan sjol, la yac' loc'uc sch'uhlel.

San Marcos 14:25

Jamal ya calbeyex te ma ba ya cuch'ix xan ha'i ya'lel ts'usub ini ha to ta yorahil te ya cuch' te yach'il ya'lel ts'usub ta banti ay te cuentahinel yu'un Dios, xchi.

San Mateo 26:29

Ya calbeyex te ma ba ya cuch'ix ha'i ya'lel ts'usub ini ha to ta yorahil te ya joquinex ta yuch'el ta yach'il ta banti ya xcuentahinwan te Jtate, xchi.

Zacarías 10:7

Te Efraín hich ya xc'oht te bin ut'il soldado, soc tse'el yo'tan hich te bin ut'il ta scuenta vino; te yal-snich'nab ya me yilic soc ha tse'el yo'tanic yu'un, tse'el yo'tanic ta scuenta Jehová.

Zacarías 9:17

¡Cax lec soc buen t'ujbil! Te trigo ya ya'be yutsil q'uinal ya'iyic te queremetic soc te vino ya ya'be yutsil q'uinal ya'iyic te ach'ixetique.

Zacarías 9:15

Te Jehová te scuentahinej spisil ya me scanantay te mach'atic yu'un, ya me slajinic soc ya me sts'o'ic ta teq'uel te tonetic yu'un jihmuch'il; ya me yuch'ic soc ay me xjuyetic hich te bin ut'il yuch'ojic vino, ya xnoj sch'uhtic hich te bin ut'il muc'ul taza, hich te bin ut'il te xulubiletic yu'un te scajtajib ta chiq'uel mahtanil.

Isaías 35:10

Te mach'atic colemic ta libre yu'un te Jehová yaquic ta c'ayoj a ya suhtic tal ta Sión; spisil ora tse'el yo'tanic. Ay yutsil q'uinal ya ya'iyic soc tse'el-o'tanil, ya x'ahn bahel te mel-o'tan soc ahcan.

Isaías 25:6

Ta wits ini te Jehová te scuentahinej spisil ya me schahpambe bayel lequil we'elil yu'un spisil te nacionetic, bayel lequil vino, tsahbil lequil ti'bal soc tsahbil lequil vinohetic.

Números 18:18

Ha'at awu'un te sbaq'uetal, hich te bin ut'il te stahn ya yich' tuchilanel soc te swa'el cub.

Levítico 23:11

Te sacerdote ya stuchilan te sba tohmol ta stojol Jehová scuenta yu'un hich ay ta cuenta ya xc'ohex a; ya stuchilan ta schebal c'ahc'al te sc'ahc'alel cux-o'tan.

Levítico 10:15

Te ya' te ya yich' aq'uel soc te stahn te ya yich' tuchilambeyel ya me yich'ic tal soc te sjuhp'el te mahtanil ya yich' chiq'uel, ya me yich' tuchilanel scuenta tuchilambil mahtanil ta stojol Jehová; spisil ora ha'at me awu'un soc anich'nab, hich te bin ut'il yaloj ta mandar te Jehová, xchi.

Levítico 9:21

pero ta schebal stahn soc te swa'el ya' la stuchilan te Aarón scuenta tuchilambil mahtanil ta stojol Jehová, hich te bin ut'il halbot te Moisés.

Levítico 7:34

Como tey ta milbil mahtanil scuenta lamal q'uinal te ya yaq'uic te snich'nab Israel la jca'be te sacerdote Aarón soc snich'nab te stahn te ya yich' tuchilanel soc te ya' te ya yich' aq'uel; ha mandaril te ma xlaj sc'oblal yu'un te snich'nab Israel, xchi.

Levítico 7:31

Te sacerdote ya schic' te sjuhp'el ta scajtajib ta chiq'uel mahtanil, yan te stahn ha yu'un Aarón soc te snich'nabe.

Levítico 7:30

Ta sc'ab nix ya yich'be tal te mahtaniletic te ya yich'ic chiq'uel ta stojol Jehová; ya me yich' tal te sjuhp'el soc te stahn, scuenta yu'un ya yich' tuchilanel te stahn ta stojol Jehová scuenta tuchilambil mahtanil.

Levítico 7:32

Ya me awa'be te sacerdote te swa'el ya' te ya yich' aq'uel yu'un te milbil mahtanil scuenta lamal q'uinal.

Números 6:21

Ha mandaril yu'un te nazareo te schapoj sc'op te ya ya'be smahtan te Jehová scuenta nazareo, soc bintic xan te ya xhu' yu'un ya yac'. Ya me spas te bin schapoj, hich te bin ut'il ya yal te mandaril yu'un te nazareo, xchi.