Números 5:15 - Bible in Tzeltal Bachajón

¹⁵ te winic ya me yic' bahel te yihnam ta stojol sacerdote soc te mahtanil yu'un, ha jun ta slajunebal efa harina yu'un cebada. Ma ba ya smalbe aceite soc ma ba ya ya'be pom ta sba, como ha mahtanil yu'un ich'mul, ha mahtanil scuenta sna'el mulil.

Bible in Tzeltal de Oxchuc y Tenejapa

¹⁵ Jich ta xchebalic, te winic ya me yic' bael te yinam ta stojol sacerdote, soc ya me yich'ic bael majt'anil. Te majt'anil cheb kilo harina yu'un cebada, pero ma me smalbey aceite, soc ma me xyac'bey pom ta sba te harina, melel majt'anil ta scaj yilimba te winique, ja' majt'anil swenta te mulile.

Números 5:15 Referans Kwoze

Ezequiel 29:16

Te sna Israel mayuquix bin ora ya smuc'ulin yo'tan te Egipto; ha ya x'a'bot sna'ic te la stahic smulic yu'un te la sc'ambeyic coltayele. Ya me sna'ic te ho'on Jehovahon, te Ajwalil, xchi te Jehová.

1 Reyes 17:18

Te ants hich la yalbe te Elías: ¿Bin awochelon a, winicat yu'un Dios? ¿Tal bal awa'bon jna' te muliletic cu'un soc te yac awac' chamuc te cale? xchi.

Levítico 5:11

Teme ma xhu' yu'un te cheb xpuliwoc o cheb jcolel stsuhmut, ya me yich' tal scuenta mahtanil yu'un te smul stahoj jun ta slajunebal efa lequil harina; ma ba ya ya'be aceite soc ma ba ya ya'be pom ta sba, como ha milbil mahtanil yu'un stojel mulil.

Hebreos 10:3

Pero te milbil mahtanil te ya yich' aq'uel jujun ha'bil ya ya'be sna'ic te muliletic,

Oseas 3:2

Ha yu'un la jman te ants ta ho'lajuneb (15) ta sehp plata soc j'ohlil scheb homer cebada.

Levítico 2:1

Teme ay mach'a ya ya'be smahtanin harina te Jehová, ya me yac' lequil harina; ya ya'be aceite soc pom ta sba,

Números 5:16

Te sacerdote ya me yac' xnohpoj tal te ants, ya stehc'an ta stojol Jehová.

Ezequiel 21:23

Pero te mach'atic ayic ta Jerusalén ya me scuyic ta lotil jna'ojel, como schapoj sc'opic soc te ajwalil; pero ha ya ya'be sna'ic te schopolilic, yu'un hich ya schucticlan.

Levítico 1:2

Halbeya te snich'nab Israel: Teme ay mach'a ya ya'be smahtan te Jehová, ya xhu' ya yac' wacax, tuminchij o tentsun.