Números 4:11 - Bible in Tzeltal Bachajón

¹¹ Ya slimbeyic yaxal pac' ta sba te scajtajib pasbil ta oro; ya spotsic bahel ta nuhculetic, soc ya yotseslambeyic te sq'uechojibale.

Bible in Tzeltal de Oxchuc y Tenejapa

¹¹ “Ja' nix me jich ya slimbeyic morada pac' ta sba te scajtijib majt'anil pom te pasbil ta oro. Ya me spotsic bael ta t'ujbil nujc'uletic, soc ya me yac'beyic ochel ste'el ta q'uechel baele.

Números 4:11 Referans Kwoze

Éxodo 40:5

Ya me awac' ta stojol te scaxahul Testigo-c'op te scajtajib schic'ojibal pom pasbil ta oro, soc ya me ajohc'an te pac' ta yochibal te Nahilpac' Templo.

Éxodo 39:38

te scajtajib ta chiq'uel pom pasbil ta oro, te aceite yu'un ch'ultesel, te pom sumet yic', te pac' yu'un yochibal te Nahilpac' Templo;

Apocalipsis 8:3

Soc ay yan ch'ul a'bat tal stehc'an sba ta sts'ehl te scajtajib ta chiq'uel pom, yich'oj schic'ojibal pom pasbil ta oro. A'bot bayel pom yu'un ya scap soc te bintic ya yalic ta sc'oponel Dios spisil te mach'atic ch'uhltesbilic, yu'un ya yac' ta scajtajib ta chiq'uel pom pasbil ta oro te snuhp'usitayej sba soc te muc'ul-huctajibale.

Números 4:6

ta sba ya smuquic ta nuhculetic, ta sba xan ya slimbeyic yaxal pac'; soc ya yotseslambeyic te sq'uechojibale.

Números 4:10

Ya spotsticlanic ta nuhculetic soc spisil te bintic ya xtuhun tey a, soc ya yotseslambeyic te sq'uechojibale.

Números 4:12

Ya stsobic spisil te biluquetic ya xtuhunic ta ch'ul awilal, ya yaq'uic ta yaxal pac', ya spotsic bahel ta nuhculetic, soc ya yaq'uic ta sq'uechojibal.