Números 36:2 - Bible in Tzeltal Bachajón

² hich la yalbeyic: Te Jehová la yalbe te cajwal Moisés te ya ya'be yich'ic sq'uinalic te snich'nab Israel ta scuenta seña ta na'el. Soc te Jehová la yalbe te cajwal Moisés te ya me ya'be te sq'uinal Zelofehad te yantsil-nich'nab, te ha pajal jbihilcotic soc.

Bible in Tzeltal de Oxchuc y Tenejapa

² —Tatic Moisés, la spasat ta mandal te Cajwaltic te ya apucbey israeletic ta snumeroil ta na'el te q'uinal ya xc'ot ta swentaic juju-jtul. Soc la yalbey sc'oplal te q'uinal ya xc'ot ta swenta te anima Zelofehad, te ja' pajal jbiiltic soc, te ya awac'bey te yantsil-nich'nabe.

Números 36:2 Referans Kwoze

Números 33:54

Ya me awich'ic hilel te q'uinal ta scuenta seña ta na'el ta jujuchahp ats'umbalic; teme bayelic, muc' sq'uinal yac awa'beyic, teme mayuc bayelic, ma ba muc' yac awa'beyic. Ta banti ya yac' ta na'el te seña ta na'el, tey nix ya yich' sq'uinal a te jujuchahp. Ta scuenta jujuchahp sts'umbal te atatic ya me awich'ic hilel te q'uinale.

Job 42:15

Mayuc yan antsetic hich st'ujbilalic ta bahlumilal a te bin ut'il te yantsil-nich'nab Job. Te static pajal la ya'be yich' sq'uinalic soc te yermanotaque.

Josué 13:6

Ho'on ya jloq'ueslan ta stojol te snich'nab Israel spisil mach'atic nahinemic ta witsiltic c'alal Líbano ha to ta Misrefot-maim soc spisil te sidonetique. Ha'at nax yac apucticlambe te q'uinal te snich'nab Israel, hich te bin ut'il la jpasat ta mandar.

Números 36:3

Pero teme ya xnuhpunic soc yan jchahp snich'nab Israel, te q'uinal yu'unic ya xch'ay ta banti a'bot hilel te jtatcotic, ha ya xc'oht ta stojol te jchahp yu'un te mach'atic ya xnuhpunic soc, hich ya xch'ay te q'uinal te hil ta jcuentacotic.