Números 35:3 - Bible in Tzeltal Bachajón

³ Hich ay pueblohetic banti ya xnahinic, soc te aquiltic ta sjoyobal ya xtuhun yu'un te wacaxetic soc te yantic chambahlametic yu'unique.

Bible in Tzeltal de Oxchuc y Tenejapa

³ Te levitaetic tey me ya xnainic ta bay te lumetic ac'bot ta swentaique, soc ya me yac' swacaxic ta aquiltic tey a soc te yantic chambalametic yu'unique.

Números 35:3 Referans Kwoze

Ezequiel 45:2

Tey nix ta q'uinal ini ay me jsehp q'uinal yu'un te ch'ul awilal, ho'winic scha'bahc' (500) xuhc'ubil ta schanxuhcul, soc ho'winic (100) xuhc'ubil sjamalil ta sjoyobal te jochol ya xhile.

2 Crónicas 11:14

Te levitahetic la yihquitayic te sq'uinalic soc te bintic ay yu'unic, talic ta Judá soc Jerusalén, como te Jeroboam soc te snich'nab la sloq'uesic ta ya'tel ta sacerdotehil yu'un Jehová.

Josué 21:11

La ya'beyic te Quiriat-arba, (te Arba ha stat te Anac), ha te Hebrón te ay ta witsiltic yu'un Judá, soc te aquiltic yu'un ta sjoyobal.

Números 35:2

Halbeya te snich'nab Israel te ta banti te sq'uinalic te ya yich'ic ya me ya'beyic te levitahetic pueblohetic te banti ya xhu' ya xnahinic; soc ya me ya'beyic aquiltic te ay ta sjoyobal te pueblohetique.

Números 35:4

Te aquiltic yu'un te pueblohetic yac awa'beyic te levitahetic ha lajunwinic yoxbahc' (1,000) xuhc'ubil ta sjoyobal, ya xhahch bahel ta spat ts'ahc.

Deuteronomio 18:6

Teme ay jtuhl levita te ya xloc' bahel te banti nahinem ta bayuc pueblohil awu'un ta spahmal sq'uinal Israel, teme spisil yo'tan ya xbaht ta lugar te ya stsa te Jehová,