Números 35:12 - Bible in Tzeltal Bachajón

¹² Ha pueblohetic te banti ya xhu' ya snac' sba yu'un te mach'a ya sc'an ya sutbe spacol; hich ma ba ya xlaj ta milel te mach'a la ya'iy milaw ha to teme tehc'anot ta ich'el ta c'op yu'un te pueblo.

Bible in Tzeltal de Oxchuc y Tenejapa

¹² Tey ma'yuc ta ochintayel yu'un a te yermano mach'a laj ta milel, teme ya sc'an sujt'esbey spacole. Te mach'a ya yaiy milawe, ma xju' te ya xmilot ja' to teme tejc'anot ta ich'el sc'op yu'un te lume.

Números 35:12 Referans Kwoze

Deuteronomio 19:6

scuenta yu'un ma hichuc ya xc'oht ta pasel te ay mach'a ya sutbe spacol te ch'ich' ta scaj ilinem, ya snuts bahel te jmilaw soc ya sta ta scaj te namal te behel, hich ya smil, aunque ma sc'an ya yich' milel como ma ba scontrahinej sba soc ta nahil to te spat-xuhque.

Josué 20:9

Ha te pueblohetic tsahbilic te ya xtuhun yu'un spisil te snich'nab Israel soc te jyanlum winiquetic te ya xnahinic ta yohlilic, scuenta yu'un tey ya xhu' ya xbaht ta ahnel mach'ayuc a te ma yolojuc a ya smil yan, scuenta yu'un ma ba ya xmilot yu'un te mach'a ya c'an ya'be spacol te ch'ich'e, ha to c'alal ya stehc'an sba ta stojol te tsoblej.

2 Samuel 14:7

Yo'tic spisil te mach'atic ay cu'un ma lecuc yo'tanic ta jtojol yu'un, hich ya yalic: Ac'a ta c'abal te mach'a la smil te yermano scuenta yu'un ya cac'cotic ta lajel yu'un te la smil te yermanohe. Hich ya jmilcotic te mach'a hilem te ya yich' te bin ay yu'un te state, xchihic. Hich ya stup'bonic te ac'al te hil cu'une. Hich ya stup'beyic ta bahlumilal te sbihil soc sts'umbal te jmamalal, xchi.

Números 35:19

Te mach'a ya sutbe spacol te ch'ich' malbil, ha ya smil te jmilaw; te c'alal ya sta, ya me smil.

Números 35:13

Ta banti te pueblohetic te yac awa'beyic te levitahetic, waqueb ya xc'oht scuenta ahnibal:

Deuteronomio 19:4

Hich ay sc'oblal te jmilaw te ya xbaht ta ahnel tey a scuenta yu'un cuxul ya xhil: ha te mach'a ma hichuc snopoj te ya smil te spat-xuhc, soc te ma ba scontrahinej sba soc ta nahil to.

Josué 20:2

Halbeya te snich'nab Israel: Tsahahic te pueblohetic yu'un ahnibal, ha te la jcalbeyex sc'oblal ta scuenta Moisés,