Números 33:54 - Bible in Tzeltal Bachajón

⁵⁴ Ya me awich'ic hilel te q'uinal ta scuenta seña ta na'el ta jujuchahp ats'umbalic; teme bayelic, muc' sq'uinal yac awa'beyic, teme mayuc bayelic, ma ba muc' yac awa'beyic. Ta banti ya yac' ta na'el te seña ta na'el, tey nix ya yich' sq'uinal a te jujuchahp. Ta scuenta jujuchahp sts'umbal te atatic ya me awich'ic hilel te q'uinale.

Bible in Tzeltal de Oxchuc y Tenejapa

⁵⁴ Ja'uc me to, ya me apucbey abaic te q'uinal ta swenta snumeroil ta na'el, ta chajbalchajp te ats'umbalique. Teme bayal ta jtul ay yu'un te jchajbe, muc' me sq'uinal ya yich' stuquelic, yan teme jteb naxe, jteb nax me ya yich'ic. Ta chajbalchajp te ats'umbale ya me yich'ic jich yipal q'uinal te ya yac' ta na'el te snumeroile.

Números 33:54 Referans Kwoze

Josué 18:11

Hich loc' scuenta spasbeyel seña ta na'el te jchahp yu'un sts'umbal Benjamín, chican te jaychahp ayique; te q'uinal te c'oht ta scuenta, ha te ay ta ohlil yu'un te sts'umbal Judá soc te sts'umbal José.

Números 35:8

Te pueblohetic yu'un te snich'nab Israel te yac awa'beyic te levitahetic, ta banti muc' sq'uinalic, ya me awa'beyic bayel pueblohetic, ta banti tut sq'uinalic, ma ba bayel yac awa'beyic. Jujuchahp ya me yac'ticlambe pueblohetic te levitahetic, ha chican hich smuc'ul q'uinal ya yich', xchi.

Josué 13:6

Ho'on ya jloq'ueslan ta stojol te snich'nab Israel spisil mach'atic nahinemic ta witsiltic c'alal Líbano ha to ta Misrefot-maim soc spisil te sidonetique. Ha'at nax yac apucticlambe te q'uinal te snich'nab Israel, hich te bin ut'il la jpasat ta mandar.

Josué 14:2

La yich' pucticlanel te q'uinal ta scuenta spasbeyel seña ta na'el, hich te bin ut'il Jehová la spas ta mandar te Moisés te ya yich'ic te balunchahp soc ohlil.