Números 33:53 - Bible in Tzeltal Bachajón

⁵³ Ya me atenic loq'uel te yajwal te q'uinale, ha'ex ya xnahinex tey a, como la jca'beyex te q'uinal yu'un awu'unic ya c'oht.

Bible in Tzeltal de Oxchuc y Tenejapa

⁵³ U'uninaic te lumq'uinal soc nainanic, melel jo'on ya cac'beyex, swenta yu'un ya x'ainex tey a.

Números 33:53 Referans Kwoze

Deuteronomio 11:31

Como ya xc'axex bahel ta Jordán yu'un yac awu'untayic te q'uinal te ya ya'beyex te Jehová te Dios awu'unique; ya me awich'ic soc ya xnahinex tey a.

Josué 21:43

Te Jehová hich la ya'be Israel spisil te q'uinal te yaloj ta jamal te ya ya'be te sme'statique. La yu'untayic soc nahinic tey a.

Deuteronomio 32:8

Te Mach'a Toyol, c'alal la ya'be sq'uinalic te nacionetic, c'alal la ya'be sjat sbahic te yal-snich'nab ants-winiquetic, la yac'ticlambe smojonil te pueblohetic, chican hich yipalic te snich'nab Israel.

San Mateo 20:15

¿Ma bal yacuc xhu' ya jpas te bin ya jc'an ya jpas soc te bintic ay cu'une? O ¿ay bal sbic'tal awo'tan yu'un te lec co'tan? la yut.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Salmos 115:16

Yu'un Jehová te ch'ulchan, ha la ya'be te ants-winiquetic te lumq'uinale.

Deuteronomio 7:17

Teme hich yac awal ta awo'tan: Te nacionetic ini ha c'ax tsobolic a te bin ut'il te ho'one, ¿bin ut'il ya xhu' ya jtenticlan loq'uel? teme xchihate,

Deuteronomio 17:14

Te c'alal ochematix bahel a ta q'uinal te ya ya'bat te Jehová te Dios awu'un, te la awu'untayix soc te ya xnahinatix tey a, teme hich yac awal: Ya cac' scuentahinon jtuhl ajwalil, hich te bin ut'il spisil nacionetic ta joyobal, teme xchihate,

Josué 23:5

Te Jehová te Dios awu'unic ya sch'ojticlan loq'uel ta atojolic, ya stenticlan loq'uel ta awohlilic, te ha'exe ya me awich'beyic hilel te sq'uinalic, hich te bin ut'il la yalbeyex te Jehová te Dios awu'unique.

Génesis 15:7

Hich halbot yu'un te Jehová: Ho'on Jehovahon te la jquic'at loq'uel tal ta Ur yu'un te caldeohetic yu'un ya ca'bat aq'uinalin te q'uinal ini, xchi.

Deuteronomio 3:18

Ta hich ora hich la jcalbeyex: Te Jehová te Dios awu'unic la ya'beyex hilel te q'uinal ini; pero chapaluc yu'un guerra a ya me xbahtic spisil mach'atic ma xiwic, ya me xnahilijic bahel yu'un te awermanotac, te snich'nab Israel.

Josué 1:6

Ac'a me fuersa soc ayuc me yip awo'tan, yu'un ha'at yac awa'be yich'ic te q'uinal te pueblo ini te la jcalbe ta jamal te sme'static te ya ca'beye.