Números 32:23 - Bible in Tzeltal Bachajón

²³ Yan teme ma hichuc yac apasique, la ata amulic ta stojol Jehová. Na'a me te ya me stahex te amulique.

Bible in Tzeltal de Oxchuc y Tenejapa

²³ Teme ma jichuc ya apasic, ya me ana'ic te la ataix amulic ta stojol Cajwaltic a. Ya me sta yorail te ya xtal castigo ta atojolic yu'un te amulique.

Números 32:23 Referans Kwoze

Isaías 59:12

Como bayel toybahil cu'uncotic ta atojol, soc ya yalotcotic te jmulcotique. Ay ta co'tancotic te c'axun-mandar cu'uncotic soc ya jna'cotic te mulil cu'uncotic:

Proverbios 13:21

Te bin chopol ha ya snuts te jmulawiletique, yan te mach'atic toj yo'tanic ya x'a'botic smahtanin te bin leque.

Génesis 44:16

Ha yu'un la yal te Judá: ¿Bin c'an calcotic, cajwal? ¿Bin c'an calcotic yu'un, o bin ya xhu' ya jcoltay jbahcotic a? Dios la yac' ta na'el te smulic te a'batetic awu'une. A'batotcotiquix awu'un, cajwal, soc te mach'a yich'oj a tahot te copa, xchi.

Salmos 90:8

La awac' ta atojol te jmulcotic, te muquen jmulcotic la awac' ta sacal q'uinal te ay ta atojol.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

Génesis 4:7

Teme lec bin yac apas, ¿ma bal lecuc ac'oblal ya xc'ohat yu'un? Yan teme ma lecuc bin yac apas, ay ta ti'nahil te mulile; ha ya sc'anat, pero ha'at ya me atsal, xchi.

Romanos 2:9

Ay me swocol soc pich'il yo'tanic spisil mach'atic ya spasic te bin chopol: ha nahil te judío, soc ha nix hich te griego;

Isaías 3:11

¡Ay me swocol te mach'a chopol! Ma ba lec ya xc'oht ta loq'uel, como ya x'a'bot stojol sc'ab ha chican te bin spasojique.

Salmos 140:11

Ma me xhalaj ta q'uinal te mach'a chopol ya xc'opoj; ac'a yich' nutsel yu'un te bin chopol te mach'a ya x'uts'inwan.

Salmos 139:11

Teme hich ya cal: Ya me smucon te yihc'al q'uinal, soc ya xc'atp'uj ta ahc'abal te sacal q'uinal sjoytayejon, teme xchihone,

Génesis 13:13

Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Josué 7:18

La yac' ya xnohpoj tal jujutuhl te winiquetic yu'un, la yich' tsahel te Acán snich'an Carmi, te snich'an Zabdi, snich'an Zera, ta jchahp yu'un Judá.

Proverbios 5:22

Te mach'a chopol ha nix ya stsacot yu'un te sbohlile; ha nix ya xchucot yu'un te slazohil te smule.

Jonás 1:7

Talel c'axel hich la yalbe sbahic te j'a'teliletic ta barco: La', ya jpasbetic seña ta na'el yu'un hich ya jna'tic a mach'a ta scuenta te talem ta jtojoltic te wocole, xchihic. Hich la spasic seña ta na'el, ha c'oht ta scuenta Jonás.

2 Samuel 3:39

Mayuc quip yo'tic, aunque tsahbilon ta ajwalil. Te winiquetic ini, ha te yalatac Sarvia, c'ax tulanic stuquelic. ¡Ac'a ya'be stoj Jehová te mach'a chopol bin ya spas, ha chican bin yilel te schopolile! xchi.

1 Reyes 2:32

Te Jehová ha me ya sutbe spacol te ch'ich' ta stojol, como la smil te cheb winiquetic te c'ax hich toj soc lec ta winiquil a te bin ut'il te Joab; la smilticlan ta espada te ma ba la sna' te jtat David: ha te Abner snich'an Ner, te jtsobaw yu'un soldadohetic yu'un Israel, soc te Amasa te snich'an Jeter, te jtsobaw yu'un soldadohetic yu'un Judá.

1 Reyes 2:33

Te sch'ich'elic ac'a c'ohtuc ta scuenta Joab soc ta scuenta sts'umbal sbahtel q'uinal. Yan te David soc te sts'umbal, ta sna soc ta shuctajib, spisil me ora lamal q'uinal ta stojol yu'un te Jehová, xchi.

Proverbios 24:16

como aunque ya xyahl huqueb buelta te mach'a toj yo'tan, ya xcha'hahch xan, yan te mach'a chopol ya xcoh bahel ta stojol bin chopol.