Números 32:19 - Bible in Tzeltal Bachajón

¹⁹ Te bin ut'il quich'ojcotic hilel jq'uinalcotic li' ta jehch ha' ta stojol banti ya xloc' tal c'ahc'al yu'un Jordán, ma ba pajal ya quich'cotic q'uinal soc te yantic tey ta jehch muc'ul-ha' Jordán, xchihic.

Bible in Tzeltal de Oxchuc y Tenejapa

¹⁹ Jich bit'il ya jq'uinalintic jilel tey ta jejch' ja' ta stojol sloq'uib c'aal yu'un te muc'ja' Jordán, ma ba ya xc'opojotiquix yu'un q'uinal ta jejch' ja' Jordán, ni lum to bael —xiic.

Números 32:19 Referans Kwoze

Josué 13:8

Como te j'ohlil xan yu'un Manasés, te Rubén, soc te Gad la yich'iquix sq'uinalic stuquel te a'botic yu'un Moisés ta stojol banti ya xloc' tal c'ahc'al yu'un Jordán, hich te bin ut'il a'botic yu'un Moisés te a'bat yu'un Jehová:

Proverbios 20:21

Te bin ora nax ta tahel ta shahchibal, ma ha'uc bendición ya xc'oht ta loq'uel.

2 Reyes 15:29

Te c'alal ay ta ajwalil yu'un Israel a te Peka, tal te Tiglat-pileser ajwalil yu'un Asiria, la stsal te Ijón, Abel-bet-maaca, Janoa, Cedes, Hazor, Galaad, Galilea soc spisil te sq'uinal Neftalí; la yic'ticlambe bahel ta chuquel ta Asiria te mach'atic nahinemic tey a.

Números 34:15

Te cha'chahp soc j'ohlil la yich'iquix sq'uinalic li'i ta jehch Jordán, te snuhp'usitayej sba soc Jericó, ta stojol banti ya xloc' tal c'ahc'al, xchi.

Génesis 14:12

Soc la yiq'uic bahel te Lot, te snich'ajun Abram, te nahinem ta Sodoma, soc spisil sbiluc, hich bahtic.