Números 32:13 - Bible in Tzeltal Bachajón

¹³ Tihl yilimba Jehová ta stojol Israel, hich la ya'be sbehentayic te jochol taquin q'uinal cha'winic (40) ha'bil, ha to c'alal mayuquix mach'a cuxul hil te chopol bin la spasic ta stojol Jehová.

Bible in Tzeltal de Oxchuc y Tenejapa

¹³ Te Cajwaltic ilin ta stojol te israeletique. Jich la yac' beenuc ta muc'ul jochol taquin q'uinal cha'winic (40) ja'wil, ja' to c'alal ma'yuquix mach'a cuxul jilel te mach'atic la sle smulic te amen yat'elique.

Números 32:13 Referans Kwoze

1 Corintios 10:5

Pero ay tsobolic te ma lecuc yo'tan Dios yu'unic, ha scuentahil tey chamic hilel ta jochol taquin q'uinal a.

Salmos 78:33

Ha yu'un Dios la slajimbe te sc'ahc'alel scuxlejalic hich te bin ut'il sahb ye, la slajimbe te ha'biletic yu'unic ta scuenta bayel xiwel.

Números 14:32

Pero te ha'exe ya me xhil abaq'uetalic li'i ta jochol taquin q'uinal.

Deuteronomio 2:7

Como te Jehová te Dios awu'unic ya'beyejex bendición a ta spisil bintic apasojic; sna'oj te yaquex ta behel ta muc'ul jochol taquin q'uinal ini. Te cha'winic (40) ha'bil ini sjoquinejex te Jehová te Dios awu'unic, mayuc bin la spasex falta.

Salmos 107:4

Ay howiyic ta behel ta jochol taquin q'uinal, ma ba la stahbeyic sbehlal junuc pueblo te banti ya xhu' ya xnahinic.

Éxodo 16:35

Hich te snich'nab Israel la swe'ic maná cha'winic ha'bil ha to c'alal c'ohtic ta q'uinal te ay yajwal; la swe'ic maná ha to c'alal c'ohtic ta sti'il sq'uinal Canaán.

Jueces 2:14

Ha yu'un tihl yilimba Jehová ta stojol Israel, hich ac'otic ta sc'ab j'eleq'uetic te talic ta pojbeyel sbiluquic, soc chonticlanotic bahel ta stojol te scontrahic te ayic ta sjoyobal, te ma ba hu'ix yu'unic stsalele.

Jueces 2:20

Ha yu'un tihl yilimba Jehová ta stojol Israel, hich la yal: Te bin ut'il te pueblo ini yac sc'axuntaybel te c'op jchapoj soc te sme'static, soc te ma ba ya sch'uhumbonic te jc'ope,

Salmos 95:10

Cha'winic (40) ha'bil ilinon ta stojol te jcaj ts'umbalil, hich la jcal: Ha pueblo te ya xhowij yo'tanic, ma ba sna'beyejic sba te behetic cu'une.

Amós 2:9

La jlajin ta stojolic te amorreohetic te hich snahtilic te bin ut'il te cedro soc hich ay yipic te bin ut'il te jihte'; la jlajimbe te sit ta toyol soc te slohp' ta ye'tal.

Amós 2:10

La jloq'uesex tal ta sq'uinal Egipto, soc la jquiq'uex bahel cha'winic (40) ha'bil ta jochol taquin q'uinal, yu'un yac awu'untaybe sq'uinal te amorreohe.