Números 31:3 - Bible in Tzeltal Bachajón

³ Ha yu'un te Moisés la yalbe te pueblo: Ac'a schahpan sbahic winiquetic ta awohlilic yu'un ya ya'beyic guerra te Madián, yu'un ya sutbeyic spacol ta scuenta Jehová te Madián.

Bible in Tzeltal de Oxchuc y Tenejapa

³ Jich yu'un te Moisés la yalbey te lume: —Ya me achajban abaic soc awat'ejibic, yu'un ya xba awac'beyic guerra te madianetic, yu'un ya cac'beytic spacol ta swenta te Cajwaltique.

Números 31:3 Referans Kwoze

Levítico 26:25

Ya cac' taluc espada ta atojolic scuenta spacol sc'axuntayel te chapbil-c'op. Teme yac ale awahnibic ta apueblohic, ya jticon tal jmilawal-chamel ta atojolic soc ya x'ochex ta sc'ab te acontrahique.

Jeremías 46:10

Pero ha sc'ahc'alel yu'un Jehová, te Dios te scuentahinej spisil, ha sc'ahc'alel yu'un castigo, yu'un ya'beyel spacol te scontratac. Ya x'ehchenteswan te espada ha to c'alal ya xc'ax yo'tan, ha to c'alal ya xch'ay staquinti'il yu'un te ch'ich'e. Como ha milbil mahtanil ya xc'oht yu'un Jehová, te Dios te scuentahinej spisil, ta q'uinal ta norte, ta sti'il te muc'ul-ha' Éufrates.

2 Reyes 10:30

Te Jehová hich la yalbe te Jehú: Te bin ut'il lec te awa'tel ta jtojol soc te la apasbe te mach'atic ay yu'un Acab spisil bintic ay ta co'tan, ha yu'un te anich'nab ya me xhuhcajic ta huctajibal yu'un Israel ha to c'alal ta schancajal, xchi.

2 Reyes 9:7

Ya me alajimbe mach'atic ay yu'un te awajwal Acab, yu'un ya jsutbe spacol a te sch'ich'el te jalwanejetic cu'un soc te sch'ich'el spisil te a'batetic yu'un Jehová te malbot ta scuenta sc'ab te Jezabel.

Jueces 5:23

¡C'ambeyahic chopol c'oblalil te Meroz! xchi te ch'ul a'bat yu'un Jehová, c'ambeyahic tulan chopol c'oblalil te mach'atic nahinemic tey a, xchi; como ma ba tal scoltayic te Jehová, ma ba tal scoltay Jehová ta scontrahinel te mach'atic ay yipique.

Jueces 5:2

Te bin ut'il ha nahilij te j'ic'awetic yu'un guerra ta Israel, te bin ut'il jun yo'tan la yac' sbahic te pueblo, halbeyahic wocol Jehová yu'un.

Números 25:13

Ha yu'un ya xc'oht soc sts'umbal te chapbil-c'op scuenta sacerdotehil te ma xlaj sc'oblal, ta scaj te xut'et yo'tan yu'un te Dios yu'un, soc te la yac' te stojel mulil yu'un te snich'nab Israel, xchi sc'oblal.

Números 25:11

Te Finees snich'an Eleazar, te snich'an te sacerdote Aarón, la yac' quehchajuc te quilimba ta stojol te snich'nab Israel, yu'un la yac' ta ilel ta stojolic te xut'et yo'tan te hich nix ay te bin ut'il te xut'et co'tan; ha scuentahil te ma ba jc'axel la jlajin te snich'nab Israel ta scuenta te xut'et co'tan.

Éxodo 17:16

yu'un hich la yal: Te bin ut'il la shach sc'ab ta scontrahinel te smuc'ul huctajib Jehová, te Jehová ya ya'be guerra te Amalec ta cajalcaj sts'umbal bahel, xchi.

Jeremías 50:28

Ya xchicnaj sc'op te mach'atic loq'uic ta ahnel ta sq'uinal Babilonia, yu'un ya yalbeyic ta Sión sc'oblal te spacol a'botic yu'un Jehová te Dios cu'untic, te a'botic spacol yu'un te templo yu'une.

Números 31:4

Ta jujuchahp te snich'nab Israel ya me aticon lajunwinic yoxbahc' (1,000) ta tuhl winiquetic ta yaq'uel guerra, xchi.