Números 31:23 - Bible in Tzeltal Bachajón

²³ spisil te bintic ya xcuhch yu'un c'ahc', ya me awotsesic ta c'ahc', hich ya xlecub sc'oblal a, pero ha nix hich ya me yich' lecubtesel ta ha' scuenta slecubtesel. Yan te biluquetic te ma xcuhch yu'un c'ahc', ya me ac'ases ta ha'.

Bible in Tzeltal de Oxchuc y Tenejapa

²³ jun nax sc'oplal ta spisil te bitic ya xcujch' yu'un te c'ajq'ue. Jich yu'un ac'a yich'ic lecubtesel sc'oplal awu'unic swenta yaq'uel ochel ta c'ajc', soc ac'a yich'ic poquel ta ja' yu'un lecubtesel sc'oplal. Yan te biluquetic te ma xcujch' yu'unic te c'ajq'ue, ja' nax me ac'a yich'ic lecubtesel sc'oplal awu'unic ta ja'.

Números 31:23 Referans Kwoze

Números 19:9

Te jtuhl winic te lec sc'oblal ha ya sjopbe stanul te wacax, ya yac' ta sti'il te campamento ta jun lugar te lec sc'oblal. Ha ya yich' q'uejel yu'un te pueblo yu'un te snich'nab Israel, yu'un ya xtuhun ta ha' scuenta lecubtesel; ha me lecubtesel yu'un mulil.

Números 19:17

Te mach'a bohloben sc'oblal, ya xtsacbot tal jtebuc stanul te wacax la yich' chiq'uel yu'un stojel mulil, ya yich' malel ta ya'lel sloq'uib ha' ta sba te tan ay ta yawil.

1 Corintios 3:13

ya me xchicnaj bin yilel ya'tel ta jujutuhl, como ya me xchicnaj ta yorahil, ta scuenta c'ahc' ya xchicnaj; ya me yich' tsajel ta c'ahc' te ya'tel jujutuhl.

San Mateo 3:11

Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

Isaías 43:2

Te c'alal ya xc'axat ta ha'etic, ho'on ya joquinat; te c'alal ya c'axat ta muc'ul-ha'etic, ma ba ya smulat. C'alal ya xc'axat ta c'ahc', ma ba ya xchic'at; ma ba ya spetat te yat c'ahq'ue.

Apocalipsis 3:18

Ha yu'un ya calbat te yacuc amambon oro te lecubtesbil ta c'ahc', scuenta yu'un jc'uhlej ya xc'ohat a; soc yacuc amambon sac ac'u' apac' te yac alap, scuenta yu'un ma ba ya xchicnaj te aq'uexlal te bin ut'il watalat; soc yacuc amambon spoxil asit scuenta yu'un yac awil q'uinal a.

1 Pedro 4:12

Ha'ex te c'uxex ta co'tan, ma me jchahpuc xawa'iyic yu'un te tsajel talem ta atojolic te hich sc'uxul te bin ut'il c'ahc', ma me xacuyic te jchahp a te bin yac ta c'ohel ta atojolique.

1 Pedro 3:21

Te ha'e ha seña te ich'-ha' te ya xcolotic yu'un (ma ha'uc te ya sloq'uesbe yabaquil baq'uet, ha te bin ya calbe wocol Dios yu'un te bin ut'il mayuc bin ya yalbotic te co'tantique). Ha ya xcolotic yu'un ta scuenta te cha'cuxaj te Jesucristo,

1 Pedro 1:7

scuenta yu'un teme la yich'ix tsajel te sch'uhunel awo'tanic, te c'ax hich yutsil a te bin ut'il oro, (aunque ya xlaj, pero ya xtsajot ta c'ahc'), lec me sc'oblal ya xc'oht, soc ay me yutsilal soc ich'bil ta muc' ya xc'oht te c'alal ya xchicnaj tal te Jesucristo.

Efesios 5:26

yu'un ya sch'ultes, c'alal lecubtesbil yu'un ta scuenta spoquel ta ha' ta scuenta te sc'ope,

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

Números 8:7

Hich yac apas yu'un yac alecubteslambe sc'oblalic: Ya me atsihtsimbe ta ha' yu'un slecubtesbeyel sc'oblalic soc ac'a squits' stsotselic ta navaja ta scohtolic; ha ya sac' sc'u' spaq'uic, hich lecubtesbil ya xhilic.

Levítico 15:17

Biluc c'u'ulil o nuhcul te banti c'oht te snich'an ya me yich' saq'uel ta ha', soc bohloben sc'oblal ya xhil c'alal yihc'ubel q'uinal.

Levítico 11:32

Soc bohloben sc'oblal ya xhil spisil biluquetic teme ay chamen ya xch'ayic cohel tal ta sba, aunque pasbil ta te', c'u'ul, nuhcul, costal, o biluc a'tejibalul yu'un a'tel, ya me yich' otsesel ta ha', ma me lecuc sc'oblal ya xhil c'alal ta yihc'ubel q'uinal, hich me lecubenix sc'oblal ya xhil a.

Números 31:22

Te oro, plata, bronce, hierro, estaño soc plomo,

Números 31:24

Ta shuquebal c'ahc'al ya me asac' ac'u' apaq'uic, hich ya xlecub ac'oblalic a, patil ya xhu' ya x'ochex bahel ta campamento, xchi.

Éxodo 19:10

hich halbot yu'un te Jehová: Bahan ta stojol te pueblo, ch'ultesa yo'tic soc pajel; soc ac'a sac' sc'u'-spaq'uic

Éxodo 19:14

Ha yu'un te Moisés co tal ta wits ta stojol te pueblo, la sch'ultes te pueblo soc la saq'uic sc'u'-spaq'uic.