Números 31:15 - Bible in Tzeltal Bachajón

¹⁵ Te Moisés hich la yalbe: ¿Bin yu'un te cuxul hil awu'unic spisil te antsetique?

Bible in Tzeltal de Oxchuc y Tenejapa

¹⁵ jich la yalbey: —¿Bi yu'un cuxul awu'unic te antsetique?

Números 31:15 Referans Kwoze

1 Samuel 15:3

Ha yu'un bahan, a'beya guerra te Amalec, jc'axel lajina spisil bintic ay yu'un, ma me xana'be yo'bolil sba; milticlana winiquetic, antsetic, alaletic soc tut alaletic te ya to xchu'unic, soc nix wacaxetic, tuminchijetic soc tentsunetic, camellohetic soc burrohetic, xchi.

Jeremías 48:10

¡Ma me lecuc sc'oblal te mach'a ma ba jun yo'tan ya spasbe ya'tel te Jehová! ¡Ma me lecuc sc'oblal te mach'a ya scom ta smalel ch'ich' te espada yu'une!

Deuteronomio 2:34

La jtsaltic spisil te pueblohetic yu'un, jc'axel la jlajintic, ha te winiquetic, antsetic soc alaletic; mayuc mach'a cuxul hil cu'untic.

Ezequiel 9:6

Milticlanahic mamaletic, queremetic, ach'ixetic, alaletic soc antsetic, pero ma me xawuts'inic te mach'atic yich'oj te señahe. Ya me xhahchex ta ch'ul awilal cu'un, xchi. Ha yu'un nahil hahchic ta banti ay te mamaletic ta stojol te templo.

Josué 11:14

Te snich'nab Israel la yich'ic spisil te biluquetic soc chambahlametic yu'un te pueblohetique; pero spisil te winiquetic la smilic ta espada ha to c'alal jc'axel la slajinic, mayuc mach'a cuxul hil yu'unic.

Josué 10:40

Hich te Josué la stsal spisil te q'uinal, ha te witsiltic, te Neguev, te spamlejetic soc te mohel q'uinal, soc spisil te ajwaliletic yu'unic, mayuc bin cuxul hil. Jc'axel la slajin spisil te bintic cuxulic, hich te bin ut'il pasbot ta mandar yu'un Jehová te Dios yu'un Israel.

Josué 8:25

Te jaytuhl ants-winiquetic lajic ta hich ora, ha j'ohlil scha'pic (12,000) ta tuhl.

Josué 6:21

La smilic ta espada spisil bintic ay ta pueblo: winiquetic, antsetic, alaletic soc me'el mamaletic, soc wacaxetic, tuminchijetic, tentsunetic soc burrohetic.

Deuteronomio 20:13

Te c'alal la ya'batix ta ac'ab a te Jehová te Dios awu'un, ya me amilticlan ta espada spisil te winiquetique.

Números 31:14

Pero te Moisés ilin ta stojol te capitanetic yu'un te soldadohetic, ha te jtsobawetic yu'un te lajlajunwinic yoxbahc' (1,000) soc yu'un te ho'ho'winic (100) te yaquic ta suhtel tal ta guerra.

Deuteronomio 20:14

Yan te antsetic, alaletic, chambahlametic soc spisil te bintic ay ta pueblo, ha awu'un ya xc'oht; yac awe'be te bintic ay yu'un te acontratac te a'botat ta ac'ab yu'un te Jehová te Dios awu'une.