Números 30:8 - Bible in Tzeltal Bachajón

⁸ Yan teme ma hichuc yo'tan te smamalal te c'alal la ya'iy, ma ba hich chapal ya xhil te bin schapoj o te bin la yal ta jamal te la schuc sba a. Te Jehová ya spasbe perdón.

Bible in Tzeltal de Oxchuc y Tenejapa

⁸ Yan teme ma jichuc yo'tan te smamlale, jich yu'un te antse ma me spasix te bila xchapoj te ora nax snopoje. Te Cajwaltic ya me spasbey perdón yu'un.

Números 30:8 Referans Kwoze

Génesis 3:16

Hich la yalbe te antse: Ya cac' tohyuc awocol ta alajel; ay awocol ya x'alajat. Ya xc'oht ta stojol amamalal te sc'anojel awo'tan, soc ha ya scuentahinat, xchi sc'oblal.

1 Corintios 14:34

te antsetic ma me xc'opojic ta banti yac atsob abahic; como ma xpas te ya xc'opojic, ac'a yac' sbahic ta cuentahinel, hich te bin ut'il ya yal te Ley.

1 Corintios 7:4

Te ants ma stuqueluc yu'un te sbaq'uetal, ha yu'un te smamalal; hich nix te winique ma stuqueluc yu'un te sbaq'uetal, ha yu'un te yihname.

Levítico 5:4

Teme ay mach'a ora nax ay bin jc'axel ya stojol lom ta halel te ya spas, teme lec o teme ma lecuque, biluc a te jc'axel ya yal ta ora nax, te ma nahiluc ya snop ta lec, teme ma ba ya sna' ta ora, pero teme patilix ya sna'e, stahojix smul, chican biluc a te ya slom ta halele.

Números 30:5

Yan teme ma ba ya x'a'bot spas yu'un te stat te bin ora la ya'iy, ma ba hich chapal ya xhil te bin xchapoj o te bin yaloj ta jamal te ya spase. Te Jehová ya spasbe perdón yu'un te ma hichuc yo'tan te state.

Números 30:7

teme la ya'iy te smamalal, teme mayuc bin ya yal yu'un, hich chapal ya xhil te bin la schap o te bin jc'axel la yal ta jamal te ya spase.

Números 30:9

Teme me'ba' ants o teme ihquitaybil ta winic te ya schap sc'op te ya xchuc sba a, hich chapal ya xhil.

1 Samuel 1:23

Te Elcana te smamalal Ana hich la sjac': Pasa te bin lec yac awa'iy, hilan li'i ha to c'alal yac awihquitaybe schu'; hich ac'a c'ohtuc ta pasel te bin yaloj te Jehová, xchi. Hich hil te antse, la scoltes te yal ha to c'alal hil schu' yu'un.

Jeremías 44:19

Soc hich la yalic te antsetic: Te c'alal la jca'becotic pom soc malbil mahtaniletic te ajwalil-ants yu'un te ch'ulchan, ¿ma bal sna'ojic te jmamalalcotic te la jpasbecotic pimil pan te pajal yilel soc sloc'omba soc te la jca'becotic malbil mahtaniletic? xchihic.