Números 30:3 - Bible in Tzeltal Bachajón

³ Teme ay ach'ix te ay to ta sna stat te ya schap sc'op ta stojol Jehová o te jc'axel ya yal ta jamal te ay bin ya spas,

Bible in Tzeltal de Oxchuc y Tenejapa

³ “Teme ay ach'ix te wentainbil to yu'un stat te ya xchap sc'op ta stojol Cajwaltic, o teme ay bila ya yal sba ta spasele,

Números 30:3 Referans Kwoze

Números 30:2

Teme ay mach'a ya schap sc'op ta stojol Jehová, o teme ay bin jc'axel ya yal ta jamal te ya spas, ma me sut sc'op; ya me spas spisil te bin yaloje.

Números 30:4

teme la ya'iy te stat te bin la schap o te bin la yal ta jamal te ya spas, teme mayuc bin ya yal yu'un, hich chapal ya xhil te bin la schap o te bin jc'axel la yal ta jamal te ya spase.

Levítico 27:2

Halbeya te snich'nab Israel: Teme ay mach'a ay bin muc' sc'oblal ya schap ta stojol Jehová, ha te ya sman loq'uel mach'a a'botix te Diose, hich me yac awal te jayeb ya stoj:

Números 6:2

Halbeya te snich'nab Israel: Te winic o ants te ya schap sc'op te ya yac' sba ta nazareo, yu'un parte ya yac' sba ta stojol te Jehová,

Josué 9:18

Pero te snich'nab Israel ma ba la smilic ta scaj te príncipaletic yu'un te pueblo ay bin jc'axel yalbeyejic ta jamal ta stojol Jehová te Dios yu'un Israel. Spisil te pueblo hahch stijic ta c'op te príncipaletic;

Jueces 11:35

C'alal hich la yil, la sch'i' sc'u' yu'un, soc hich la yal: ¡Ay, cantsil-nich'an, ta mero melel la awa'bon jwocol! Ha'at nix ta acuenta te ay bin c'ux ya ca'iy, yu'un ay bin la jcal ta jamal ta stojol Jehová, ma xhu' ya jsut te jc'ope, xchi.

1 Samuel 1:11

Hich jc'axel la yal ta jamal: Jehová te scuentahinej spisil, teme yac awilbe swocol te a'bat awu'un, teme yac ana'on soc teme ma ba ya xch'ay ta awo'tan te a'bat awu'un, teme yac awa'be jtuhl squerem-al te a'bat awu'une, jc'axel ya ca'be te Jehová te jayeb c'ahc'al cuxul, soc ma ba ya yich' set'el stsotsel sjol, xchi.

2 Crónicas 36:13

Ha nix hich la stoy sba ta scontrahinel Nabucodonosor, te la yal ta jamal ta stojol Dios te junuc me yo'tan ta stojol. Tulanij yo'tan, ma ba la sc'an la suhtes yo'tan ta stojol Jehová te Dios yu'un Israel.

Salmos 50:14

Ha'uc me smahtan awu'un ta stojol Dios te yalbeyel wocol, soc pasa te bin awalbeyej ta jamal te Dios te mero toyol ay.

1 Corintios 14:34

te antsetic ma me xc'opojic ta banti yac atsob abahic; como ma xpas te ya xc'opojic, ac'a yac' sbahic ta cuentahinel, hich te bin ut'il ya yal te Ley.