Números 3:38 - Bible in Tzeltal Bachajón

³⁸ Ta stojol banti ya xloc' tal c'ahc'al yu'un te Nahilpac' Templo, ta stojol te yochibal te Nahilpac' Templo yu'un tahojibal, ya spas scampamentohic te Moisés, Aarón soc snich'nab, te ay ta scuentahic spasel te bin pasel ya sc'an ta ch'ul awilal ta scuenta te snich'nab Israel. Te mach'a yan ya xnohpoj tal, ya me xcham.

Bible in Tzeltal de Oxchuc y Tenejapa

³⁸ Ta stojol sloq'uib c'aal ta yelaw te Nailpac' te bay ya yich' c'oponel Dios, tey la spas scampamentoic te Moisés, Aarón soc te snich'nab Aarón. Ja'ic la scanantayic te ch'ul awilal ta swenta te sjo'tac israeletique. Teme ay mach'a jich nax ya xjajch' ta at'el te ya scuy sba ta sacerdote, ya me yil swocol ta milel yu'un.

Números 3:38 Referans Kwoze

Números 3:10

Te Aarón soc te snich'nab ya me awac' te ya x'a'tejic ta sacerdotehil. Te mach'a yan ya xnohpoj tal, ya me xcham, xchi.

Números 1:53

Yan te levitahetic ha ya spasic snahilpaq'uic ta sjoyobal te Nahilpac' yu'un te Testigo-c'op, scuenta yu'un ma ba ya xtal ilimba ta stojol te pueblo yu'un te snich'nab Israel. Ha me te levitahetic te ya scanantayic te Nahilpac' yu'un te Testigo-c'op, xchi.

Números 2:3

Te mach'atic ya spasic snahilpaq'uic ta stojol banti ya xloc' tal c'ahc'al: ha te bandera yu'un te campamento yu'un Judá ta jujuchahp yu'unic. Te jtsobaw yu'un te sts'umbal Judá, ha te Naasón snich'an Aminadab.

Números 3:35

Te jtsobaw yu'un te sts'umbal Merari, ha te Zuriel snich'an Abihail. La spas scampamentohic ta stojol norte yu'un te Nahilpac' Templo.

Números 3:29

Te jujuchahp yu'un te snich'nab Coat la spas scampamentohic ta stojol sur yu'un te Nahilpac' Templo.

Números 3:23

Te jujuchahp yu'un Gersón la spas scampamentohic ta spat te Nahilpac' Templo, ta stojol banti ya xmahl c'ahc'al.

Números 1:51

Te c'alal ya xloc' bahel te Nahilpac' Templo, te levitahetic ya stuhquiyic, soc te c'alal ya yich' tehc'anel, ha'ic nix ya spasic. Te mach'a mayuc ta scuenta te ya xnohpoje, ya me xcham.

Números 3:37

soc nix te oyetic ta sjoyobal te yamaq'uil, te scajtajibic, te ts'acticlambil yich'o-ip, soc bintic ya schuquic a.

1 Crónicas 23:32

Soc ay ta scuentahic scanantayel te Nahilpac' Templo yu'un tahojibal soc te ch'ul awilal, ta scuenta smandar te snich'nab Aarón te yermanotac ta spasel te a'tel ta sna Jehová.