Números 3:15 - Bible in Tzeltal Bachajón

¹⁵ Ahtaya te sts'umbal Leví ta scuenta jujuchahp sna sme'static soc jujuchahp te mach'atic ayic ta snahic; ahtaya spisil winiquetic soc queremetic te ay jun u yayinelic, xchi.

Bible in Tzeltal de Oxchuc y Tenejapa

¹⁵ —Ac'a ta censo te levitaetic ta swenta chajbalchajp snaic soc chajbalchajp sbiilic. Ts'ibuya ta jun ta spisilic te levitaetic, c'alal ta jun u yayinel —xi' te Cajwaltique.

Números 3:15 Referans Kwoze

Números 26:62

Ta spisil te queremetic yu'un Leví te jun to nax u yayinel, ay cha'pic soc j'ohlil swaxaclajunbahc' (23,000) ta tuhl; como ma ba la yich'ic ahtayel soc te yan snich'nab Israel, yu'un ma ba pajal ya yich'ic q'uinal soc.

2 Timoteo 3:15

soc te ta awalalil to ana'oj bin ts'ihbabil ta sch'ul Shun Dios, te ha ya xhu' ya ya'bat ap'ijil scuenta colel ta scuenta sch'uhunel awo'tan ta stojol Cristo Jesús.

San Marcos 10:14

C'alal ilot yu'un te Jesús, ma lecuc la ya'iy, hich la yalbe: Ac'a taluc ta jtojol te alaletic, ma me xacomic, como te mach'atic hich stalelic, ha yu'unic te cuentahinel yu'un te Diose.

Jeremías 31:3

Te Jehová nameyix la yac' sba ta ilel ta jtojolt, hich la yal: Sbahtel q'uinal c'uxat ta co'tan; ha yu'un te la jcac' halajuc ta atojol te c'uxultayel cu'une.

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Proverbios 8:17

C'ux ta co'tan te mach'a c'uxon ta yo'tan, soc te mach'atic ya slehonic ya stahonic.

Números 3:43

Spisil te winiquetic soc queremetic te ay jun u yayinelic te ahtaybilic ta scuenta sbihilic, ha cha'pic soc oxlajuneb schanlajunwinic swaclajunbahc' (22,273).

Números 3:34

Te jayeb ta spisil te winiquetic soc queremetic te c'axem ta jun u yayinelic, ha lajunwinic swaclajunbahc' (6,200).

Números 3:28

Te jayeb ta spisil te winiquetic soc queremetic te ay jun u yayinelic, ha jpic soc j'ohlil scha'bahc' (8,600). Ha ay ta scuentahic scanantayel te ch'ul awilal.

Números 3:22

Ta spisil te winiquetic soc queremetic te ahtaybilic te c'axem ta jun u yayinelic, ha ho'lajunwinic sbalunlajunbahc' (7,500).

Números 1:47

Pero te jujuchahp sts'umbal te levitahetic ma ba la yich'ic ahtayel soc,

Números 3:16

Hich te Moisés la yahtay hich te bin ut'il pasot ta mandar yu'un te Jehová.

Números 1:3

Te mach'atic ayic ta jtahb (20) ya'bilal bahel, ha'at soc Aarón ya me awahtayic spisil mach'atic ya xhu' ya xbahtic ta guerra, ta scuenta jujuchahp soldado yu'unic.

Números 26:57

Hich ay te snich'nab Leví te la yich'ic ahtayel ta jujuchahp snahic: ta scuenta Gersón, chicnaj te gersonetic; ta scuenta Coat, te coatetic; ta scuenta Merari, te merarihetic.

2 Crónicas 31:17

Soc nix te sacerdotehetic ta chahpalchahp sna sme'static te ts'ihbabil sbihilic; soc te levitahetic te ayix jtahb (20) ya'bilal bahel, ha chican bin ut'il ay te ya'telic soc te jchahp yu'unique.