Números 29:39 - Bible in Tzeltal Bachajón

³⁹ Ha te mahtaniletic yac awa'beyic Jehová ta yorahil te q'uinetic awu'unic, soc te mahtaniletic yu'un te bin achapojic soc te ta sc'anojel awo'tan yac awaq'uic, te scohtol chic'bil mahtaniletic, mahtaniletic harina, malbil mahtaniletic, soc mahtaniletic yu'un lamal q'uinal awu'unic, xchi te Jehová.

Bible in Tzeltal de Oxchuc y Tenejapa

³⁹ “Ja'ic me majt'aniletic ya awac'bonic te bi c'aalil te albil sc'oplale, soc te majt'anil te ya sc'otes ta pasel a te bila xchapoje, teme majt'anil te spasemal yo'tan ya yaq'ue, teme ja' te scojt'ol ya yac' ta chiq'uele, teme majt'anil harina soc vino, o ja' te majt'anil swenta seña lamal-o'tanile”, uta me —xi' te Cajwaltique.

Números 29:39 Referans Kwoze

Levítico 23:2

Halbeya te snich'nab Israel: Te q'uinetic yu'un Jehová, te yac apuquic ta halel te ha ch'ul tsoblejetic, hich ayic:

2 Crónicas 31:3

Te ajwalil la yac' te bintic ay yu'un scuenta scohtol chic'bil mahtanil ta sab soc ta tibiltic, soc yu'un te sc'ahc'alel cux-o'tan, yach'il u soc yantic q'uinetic, hich te bin ut'il ts'ihbabil hilel ta ley yu'un Jehová.

1 Crónicas 23:31

soc yaq'uel spisil te scohtol chic'bil mahtaniletic ta stojol Jehová ta sc'ahc'alel cux-o'tan, ta yach'il u, soc yantic q'uinetic te bayel sc'oblalic; ha chican jayebic soc te bintic ya spasic ta spisil ora ta stojol Jehová.

Isaías 1:14

Ya quihlay te q'uinetic yu'un yuhnenal u soc te tsoblejetic awu'unic; al c'ohem ya ca'iy, luhbenonix ta scuchel.

Nehemías 10:33

yu'un te pan ya yich' aq'uel ta stojol Dios, te mahtanil harina soc te scohtol chic'bil mahtanil te ya yich' aq'uel jujun c'ahc'al soc ta sc'ahc'alel cux-o'tan, ta yach'il u, te yantic q'uinetic, soc yu'un te bintic ch'ultesbil, te milbil mahtaniletic scuenta stojel mulil yu'un Israel, soc ta spisil te a'teliletic ya yich'ic pasel ta sna te Dios cu'untique.

Esdras 3:5

soc la yaq'uic te scohtol chic'bil mahtaniletic yu'un jujun c'ahc'al, yu'un yach'il u, soc yu'un spisil te ch'ul q'uinetic yu'un Jehová, soc spisil mahtaniletic te ac'bilic scuenta sc'anojel yo'tanic ta stojol Jehová.

Levítico 7:11

Hich ay te mandaril yu'un te milbil mahtanil scuenta lamal q'uinal te ya yich' a'beyel ta stojol Jehová.

1 Corintios 10:31

Ha yu'un teme ya xwe'ex o ya x'uch'ex o biluc yac apasic, pasahic spisil ta scuenta yich'el ta muc' te Diose.

Deuteronomio 12:6

Tey yac awaq'uic a te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic, te mahtaniletic yu'un te bin jc'axel awalojic ta jamal, te mahtaniletic yac awaq'uic scuenta sc'anojel awo'tanic, soc te sba-al te wacaxetic, tuminchijetic soc tentsunetic awu'unique.

Números 6:21

Ha mandaril yu'un te nazareo te schapoj sc'op te ya ya'be smahtan te Jehová scuenta nazareo, soc bintic xan te ya xhu' yu'un ya yac'. Ya me spas te bin schapoj, hich te bin ut'il ya yal te mandaril yu'un te nazareo, xchi.

Levítico 23:28

Ma me ayuc bin a'telil yac apasic a, como ha Sc'ahc'alel Stojel Mulil, yu'un ya yich' tojel amulic ta stojol Jehová te Dios awu'unique.

Números 29:38

soc jcoht tat tentsun scuenta mahtanil yu'un stojel mulil; parte a te scohtol chic'bil mahtanil te ya yich' aq'uel spisil ora, soc te mahtanil harina soc malbil mahtanil yu'une.

Números 29:40

Te Moisés la yalbe ya'iy te snich'nab Israel spisil te bintic pasot ta mandar yu'un Jehová.

Amós 5:22

Teme yac awa'bonic te chic'bil mahtaniletic soc te mahtaniletic harina, ma ba ya jtsacbeyex, soc ma ba ya quil te mahtaniletic scuenta lamal q'uinal yu'un te juhp'en chambahlametic awu'unique.

Levítico 23:38

soc xan te sc'ahc'alel cux-o'tan yu'un Jehová, te yan mahtaniletic awu'unic, te bin yac awaq'uic yu'un te bin achapojic, soc spisil te mahtaniletic scuenta sc'anojel awo'tanic te c'ahyemex ta ya'beyel te Jehová.

Números 28:2

Pasa ta mandar te snich'nab Israel: Ya me awil te yac awa'bonic ta mero yorahil te mahtaniletic cu'un, ha te mahtaniletic scuenta sumet yic' te ya yich' chiq'uel ta jtojol.

2 Crónicas 31:14

Te levita Coré snich'an Imna, te jcanan-ti'nahil ta stojol banti ya xloc' tal c'ahc'al, scuentahinej te mahtaniletic yac'ojic ta sc'anojel yo'tanic ta stojol Dios, soc scuentahinej spuquel te mahtaniletic ac'bilic ta stojol Jehová soc te bintic ch'ultesbilique.

Esdras 3:4

Soc la spasic te Q'uin yu'un Yaxna, hich te bin ut'il ts'ihbabil hilel, soc ta jujun c'ahc'al la yaq'uic te scohtol chic'bil mahtaniletic hich yipal te bin ut'il ya yal te mandaril scuenta jujun c'ahc'al;