Números 29:18 - Bible in Tzeltal Bachajón

¹⁸ soc te mahtanil harina soc malbil mahtanil te ya sjoquin te jcolel torohetic, tat tuminchijetic, soc jcolel tuminchijetic hich te bin ut'il jayeb halbil ta mandaril;

Bible in Tzeltal de Oxchuc y Tenejapa

¹⁸ Soc ya me yich' aq'uel ta majt'anil te harina soc vino, jich nix me te bit'il yajtalul te toroetic, te tat chijetic soc te alal tat chijetic, jich te bit'il caloj mandal.

Números 29:18 Referans Kwoze

Números 28:7

Te malbil mahtanil yu'un: ha jun ta schanebal hin te ya yich' aq'uel soc te jujucoht tuminchij. Ya me amal te lequil vino ta stojol Jehová ta ch'ul awilal.

Números 28:14

Te malbil mahtanil vino, ha j'ohlil hin soc te jujucoht jcolel toro, jun ta yoxebal hin soc te jujucoht tat tuminchij, soc jun ta schebal hin soc te jujucoht tuminchij. Ha te scohtol chic'bil mahtanil yu'un jujun u ta sjunal ha'bil.

Números 29:6

parte a te scohtol chic'bil mahtanil yu'un jujun u soc te mahtanil harina yu'un, soc te scohtol chic'bil mahtanil ya yich' aq'uel spisil ora soc te mahtanil harina soc te malbil mahtanil yu'unic hich te bin ut'il te mandaril yu'unique. Hich yac apas scuenta mahtanil te ya yich' chiq'uel ta stojol Jehová te sumet yic'.

Levítico 2:1

Teme ay mach'a ya ya'be smahtanin harina te Jehová, ya me yac' lequil harina; ya ya'be aceite soc pom ta sba,

Levítico 23:18

Yac awa'be sjoquin sba soc te pan huqueb jcolel tat tuminchij te jujun ya'bilal, te mayuc bin jihnem yu'unic, soc jcoht jcolel toro soc cha'coht tat tuminchij; ha scohtol chic'bil mahtanil yu'un Jehová, soc te mahtanil harina soc te malbil mahtaniletic, ha mahtanil te sumet yic' te ya yich' chiq'uel ta stojol Jehová.