Números 28:26 - Bible in Tzeltal Bachajón

²⁶ Ta sc'ahc'alel te sba sit, te c'alal yac awa'beyic Jehová te sba sit ta yorahil te Q'uin yu'un Semanahetic, ay me ch'ul tsoblej awu'unic; ma me xapas awa'telic a.

Bible in Tzeltal de Oxchuc y Tenejapa

²⁶ “Te q'uin yu'un te sbabial sit awalts'unubil, c'alal ya awac'bonic te sbabial sit ya yich' set'el awu'unique, ja' me te q'uin yu'un te Semanaetique. Ay me ch'ul tsoblej awu'unic a, ma me ayuc at'el ya apasic.

Números 28:26 Referans Kwoze

Éxodo 34:22

Soc ya me apas te Q'uin yu'un te Semanahetic, ha te sba sit te trigo, soc te Q'uin yu'un C'ajoj te ay ta slajel te ha'bile.

Éxodo 23:16

Soc ya me apas te Q'uin yu'un C'ajoj, ha te sba sit awa'tel, te bin la ats'un ta aq'uinal. Soc ya me apas te Q'uin yu'un Tsobel ta slajel te ha'bil te c'alal yac atsob te sit awa'tele.

Levítico 23:10

Halbeya te snich'nab Israel: Te c'alal ya x'ochex bahel ta q'uinal te ya ca'beyex, te c'alal yac awa'iyic c'ajoj, ya me awich'be tal ta stojol sacerdote te sba tohmol yu'un te ac'ajoje.

1 Corintios 15:20

Pero cha'cuxajemix tal Cristo ta yohlil mach'atic chamenic, ha sba sit c'ohem yu'un te mach'atic wayem sbaq'uetalique.

Santiago 1:18

Ta scuenta sc'anojel yo'tan la yac' te ya x'ayinotic ta scuenta te smelelil c'op, scuenta yu'un sba sit ya xc'ohotic yu'un spisil bintic pasbil yu'un.

Números 28:18

Ta sba c'ahc'alil ay me ch'ul tsoblej; ma me xapas awa'telic a.

Números 28:27

Ya me awaq'uic scuenta scohtol chic'bil mahtanil te sumet yic' ta stojol Jehová cha'coht jcolel toro, jcoht tat tuminchij, soc huqueb tuminchijetic te jujun ya'bilal,

Números 29:1

Te sba c'ahc'alil yu'un te shuquebal u, ay me ch'ul tsoblej awu'unic, ma me xapas awa'telic a; ha sc'ahc'alel te ya yich' oq'uesinel te xulubiletique.

Éxodo 12:16

Ta sba c'ahc'alil ay me ch'ul tsoblej awu'unic a, soc ha nix hich ta shuquebal c'ahc'al ay me ch'ul tsoblej awu'unic a. Mayuc a'tel ya yich' pasel a, ha nax spasel te we'elil te yac awe'ique.

Levítico 23:8

Huqueb c'ahc'al yac awa'beyic chic'bil mahtanil te Jehová. Ta shuquebal c'ahc'al ay ch'ul tsoblej, ma me xapas awa'telic a, xchi.