Números 28:11 - Bible in Tzeltal Bachajón

¹¹ Ta shahchibal te jujun u ya me awa'beyic scuenta scohtol chic'bil mahtanil te Jehová cha'coht jcolel toro, jcoht tat tuminchij, soc huqueb tuminchijetic te jujun ya'bilal te mayuc bin jihnem yu'unic;

Bible in Tzeltal de Oxchuc y Tenejapa

¹¹ “Ta sba c'aalil ta jujun u ya me awac'bonic milbil jmajt'an te scojt'ol ya yich' chiq'uel: cha'cojt' toro, jcojt' tat chij soc juqueb ta jcojt' alal tat chijetic te jun ya'wilalic, te ma'yuc bila boloben ta sbaq'uetal.

Números 28:11 Referans Kwoze

Números 10:10

Ha nix hich ta yorahil yutsil q'uinal awu'unic, ta q'uinetic awu'unic soc ta jujun shachel u, yac awoq'uesinic cornetahetic yu'un te scohtol chic'bil mahtaniletic awu'unic soc te milbil mahtaniletic scuenta lamal q'uinal. Ha sna'ojibal awu'unic ta stojol te Dios awu'unique. Ho'on Jehovahon te Dioson awu'unic, xchi.

Ezequiel 46:6

Ta sc'ahc'alel yuhninal u ya me yac' jcoht jcolel toro soc wac-coht jcolel tuminchijetic soc jcoht tat tuminchij te mayuc bin jihnem yu'unique.

Colosenses 2:16

Ha yu'un ma me ayuc mach'a ya yich'oc'optayex yu'un te bin yac awe'ic soc yac awuch'ic, o scanantayel sc'ahc'alel q'uin, yach'il u, o sc'ahc'alel cux-o'tan.

Oseas 2:11

Ya jch'aybe spisil te stse'elil yo'tan, te q'uinetic yu'un, te yach'il u, c'ahc'aletic yu'un cux-o'tanil, soc spisil te muc'ul q'uinetic ya spas.

Esdras 3:5

soc la yaq'uic te scohtol chic'bil mahtaniletic yu'un jujun c'ahc'al, yu'un yach'il u, soc yu'un spisil te ch'ul q'uinetic yu'un Jehová, soc spisil mahtaniletic te ac'bilic scuenta sc'anojel yo'tanic ta stojol Jehová.

2 Crónicas 2:4

Ilawil, ya jpas Na yu'un te sbihil te Jehová te Dios cu'un, jc'axel ya cac' ta stojol, scuenta yu'un ya yich' chiq'uel bin sumet yic' ta stojol, soc te spisil ora ya yich' aq'uel ta mesa te panetic ac'bil ta stojol, soc te ya yich' chiq'uel scohtol chic'bil mahtaniletic ta sab soc ta tibiltic, ta sc'ahc'alel cux-o'tanil, yach'il u, soc ta yantic q'uinetic yu'un Jehová te Dios cu'uncotic; ha te spisil ora ya sc'an ya yich' pasel ta Israel.

1 Crónicas 23:31

soc yaq'uel spisil te scohtol chic'bil mahtaniletic ta stojol Jehová ta sc'ahc'alel cux-o'tan, ta yach'il u, soc yantic q'uinetic te bayel sc'oblalic; ha chican jayebic soc te bintic ya spasic ta spisil ora ta stojol Jehová.

1 Samuel 20:5

Te David la sjac'be te Jonatán: Ilawil, ha'ix yach'il u pajel, ya sc'an te ya juhcan jba ta we'el soc te ajwalil; pero ac'awon te ya jnac' jba ta aquiltic ha to ta tibiltic cha'bej.

Colosenses 2:6

Ha yu'un hich te bin ut'il la awic' ta awo'tanic te Cajwaltic Jesucristo, hich me ya x'ayinex ta stojol,

Gálatas 4:10

Yac acanantayic c'ahc'aletic, uhetic, te ya sjel sba snahtil soc scomil c'ahc'al, soc te ha'biletique.

Amós 3:5

¿Ya bal xch'ay cohel ta yaquil ta lum te mut teme mayuc bin ya slo'loy tal a? ¿Ya bal smac sba te yaquil ay ta lum teme mayuc bin ochem tey a?

Ezequiel 46:1

Hich yaloj te Jehová, te Ajwalil: Te yochibal te amac' ta yutil te ay ta stojol banti ya xloc' tal c'ahc'al macal ya xhil te waqueb c'ahc'al yu'un a'tel, ya yich' jamel ta sc'ahc'alel cux-o'tan soc ta sc'ahc'alel yuhninal u.

Isaías 66:23

Ta yach'il u c'alal ta yan yach'il u, soc ta sc'ahc'alel cux-o'tan c'alal ta yan sc'ahc'alel cux-o'tan, spisilic ya me xtal squejan sbahic ta jtojol, xchi te Jehová.

Salmos 81:3

Oq'uesinahic te corneta ta yach'il u, te c'alal ya sta yorahil ya sehp sba, ta sc'ahc'alel te muc'ul q'uin cu'untique;

Salmos 40:8

Ya jmulan spasel te bin ya sc'an awo'tan, Dios cu'un; ay ta co'tan te Ley awu'un, xchihon.

Salmos 40:6

Ma ha'uc ya sc'an awo'tan mahtanil soc milbil mahtanil, pero la ajambon jchiquin; te scohtol chic'bil mahtanil soc mahtanil yu'un stojel mulil ma ha'uc ac'anoj.

Nehemías 10:33

yu'un te pan ya yich' aq'uel ta stojol Dios, te mahtanil harina soc te scohtol chic'bil mahtanil te ya yich' aq'uel jujun c'ahc'al soc ta sc'ahc'alel cux-o'tan, ta yach'il u, te yantic q'uinetic, soc yu'un te bintic ch'ultesbil, te milbil mahtaniletic scuenta stojel mulil yu'un Israel, soc ta spisil te a'teliletic ya yich'ic pasel ta sna te Dios cu'untique.

2 Reyes 4:23

La yal te smamalal: ¿Bin yu'un ya xbaht awil yo'tic? Ma yorahiluc yach'il u o sc'ahc'alel cux-o'tanil, xchi. Ma xamel awo'tan, xchi te antse.

Números 28:19

Ya me awa'beyic scuenta scohtol chic'bil mahtanil te Jehová cha'coht jcolel toro, jcoht tat tuminchij, soc huqueb tuminchijetic te jujun ya'bilal, te mayuc bin jihnem yu'unic.

Levítico 1:3

Teme ya yac' wacax scuenta scohtol chic'bil mahtanil, ha me stat te mayuc bin jihnem yu'un; ya me yac' ta yochibal Nahilpac' Templo yu'un tahojibal scuenta yu'un ya x'ich'ot ta cuenta yu'un Jehová.

Levítico 1:9

Ya yich'ic poquel ta ha' te sbiquil soc te ya', te sacerdote ya schic' spisil ta sba te scajtajib ta chiq'uel mahtanil. Ha scohtol chic'bil mahtanil, ha chic'bil mahtanil te sumet yic' ta stojol Jehová.

Levítico 1:13

Ya yich'ic poquel ta ha' te sbiquil soc te ya'; te sacerdote ya schic' spisil ta sba te scajtajib ta chiq'uel mahtanil; ha scohtol chic'bil mahtanil, ha chic'bil mahtanil te sumet yic' ta stojol Jehová.

1 Samuel 9:12

La sjaq'uic te ach'ixetic: Tey. Ilawil, tey xanix ay bahel awu'unic. Suja aba, como hulem talel ta pueblo, yu'un yo'tic te ants-winiquetic ya xbaht yaq'uic milbil mahtanil ta toyol awilal.

2 Crónicas 8:13

la yac'ticlan hich te bin ut'il ya sc'an ya yich' aq'uel jujun c'ahc'al, hich te bin ut'il ya yal te mandariletic yu'un Moisés, ha ta sc'ahc'alel cux-o'tan, ta yach'il u soc ta ch'ul q'uinetic te ya yich'ic pasel oxeb buelta ta jujun ha'bil: ha te Q'uin yu'un Pan ma ba yich'oj levadura, te Q'uin yu'un Semanahetic soc te Q'uin yu'un Yaxnahetic.

Ezequiel 46:7

Ya yac' jun efa harina soc te jcolel toro, soc jujun efa harina soc jujucoht tat tuminchij; pero chican jayeb harina ya xhu' ya yac' soc te jcolel tuminchijetique. Soc ya yac' jujun hin aceite soc jujun efa harina.

Amós 8:5

te hich yac awalic: ¿Bin ora ya xc'ax te q'uin yu'un yach'il u, yu'un ya jchontic te sit awal-ts'unubil; soc bin ora ya xc'ax te sc'ahc'alel cux-o'tan, yu'un ya jamtic te yawil trigo? Ya jtutubtes te sp'isol, ya jtoybetic te stojol soc ya jlo'loytic ta sp'isojibal yalal;

2 Crónicas 2:3

Te Salomón la sticon ta halbeyel te Hiram ajwalil yu'un Tiro, hich la yalbe: Hich me xapasbon te bin ut'il la apasbe te jtat David, te la aticombe cedrohetic scuenta yu'un ya yich' pasel na ta banti ya xnahin.

Salmos 81:4

como ha chahpambil mandar yu'un Israel, ha halbil mandaril yu'un te Dios yu'un Jacob.