Números 28:1 - Bible in Tzeltal Bachajón

¹ Te Jehová hich la yalbe te Moisés:

Bible in Tzeltal de Oxchuc y Tenejapa

¹ Te Cajwaltic la sc'opon te Moisés, jich la yalbey:

Números 28:1 Referans Kwoze

Números 27:23

La scajambe sc'ab ta sjol, la ya'be yich' ya'tel, hich te bin ut'il pasot ta mandar yu'un Jehová te Moisés.

Números 28:2

Pasa ta mandar te snich'nab Israel: Ya me awil te yac awa'bonic ta mero yorahil te mahtaniletic cu'un, ha te mahtaniletic scuenta sumet yic' te ya yich' chiq'uel ta jtojol.

Levítico 9:15

Soc te Aarón la yac' te mahtanil yu'un te pueblo; la stsac te tat tentsun, te ha mahtanil yu'un smul te pueblo, la smil, la yac' scuenta stojel mulil hich te bin ut'il te shahchibal mahtanil.

Números 7:15

jcoht jcolel toro, jcoht tat tuminchij, soc jcoht tat tuminchij te jun ya'bilal, scuenta scohtol chic'bil mahtanil;

1 Crónicas 23:31

soc yaq'uel spisil te scohtol chic'bil mahtaniletic ta stojol Jehová ta sc'ahc'alel cux-o'tan, ta yach'il u, soc yantic q'uinetic te bayel sc'oblalic; ha chican jayebic soc te bintic ya spasic ta spisil ora ta stojol Jehová.

2 Crónicas 2:4

Ilawil, ya jpas Na yu'un te sbihil te Jehová te Dios cu'un, jc'axel ya cac' ta stojol, scuenta yu'un ya yich' chiq'uel bin sumet yic' ta stojol, soc te spisil ora ya yich' aq'uel ta mesa te panetic ac'bil ta stojol, soc te ya yich' chiq'uel scohtol chic'bil mahtaniletic ta sab soc ta tibiltic, ta sc'ahc'alel cux-o'tanil, yach'il u, soc ta yantic q'uinetic yu'un Jehová te Dios cu'uncotic; ha te spisil ora ya sc'an ya yich' pasel ta Israel.

2 Crónicas 8:13

la yac'ticlan hich te bin ut'il ya sc'an ya yich' aq'uel jujun c'ahc'al, hich te bin ut'il ya yal te mandariletic yu'un Moisés, ha ta sc'ahc'alel cux-o'tan, ta yach'il u soc ta ch'ul q'uinetic te ya yich'ic pasel oxeb buelta ta jujun ha'bil: ha te Q'uin yu'un Pan ma ba yich'oj levadura, te Q'uin yu'un Semanahetic soc te Q'uin yu'un Yaxnahetic.

2 Crónicas 23:18

Patil te Joiada la yac' ta canantayel yu'un sacerdotehetic soc levitahetic te sna Jehová, hich te bin ut'il chapal yu'un David ta sna Jehová yu'un ya yaq'uic scohtol chic'bil mahtaniletic ta stojol Jehová, hich te bin ut'il ts'ihbabil hilel ta ley yu'un Moisés, soc ta sc'ayojtayel c'ayojetic ta scuenta yutsil yo'tanic, hich te bin ut'il schahpanej hilel te David.

2 Crónicas 31:3

Te ajwalil la yac' te bintic ay yu'un scuenta scohtol chic'bil mahtanil ta sab soc ta tibiltic, soc yu'un te sc'ahc'alel cux-o'tan, yach'il u soc yantic q'uinetic, hich te bin ut'il ts'ihbabil hilel ta ley yu'un Jehová.

Esdras 6:9

Soc te bintic yan ya xtuhun: ha torohetic, tat tuminchijetic o jcolel tuminchijetic scuenta scohtol chic'bil mahtaniletic ta stojol te Dios ta ch'ulchan, soc trigo, ats'am, vino soc aceite, chican bin ya sc'anic te sacerdotehetic ta Jerusalén, ya me x'a'botic jujun c'ahc'al, ma ba ya spas falta,

Nehemías 10:33

yu'un te pan ya yich' aq'uel ta stojol Dios, te mahtanil harina soc te scohtol chic'bil mahtanil te ya yich' aq'uel jujun c'ahc'al soc ta sc'ahc'alel cux-o'tan, ta yach'il u, te yantic q'uinetic, soc yu'un te bintic ch'ultesbil, te milbil mahtaniletic scuenta stojel mulil yu'un Israel, soc ta spisil te a'teliletic ya yich'ic pasel ta sna te Dios cu'untique.

Isaías 1:13

Ma me xawich'boniquix tal mahtanil te mayuc sc'oblal; ya quihlay te pom. Ma xcuhchix cu'un te yuhnenal u, te sc'ahc'alel cux-o'tan soc te tsoblejetic awu'unique.

Ezequiel 44:24

Ta banti ay pleito, hich me ya schahpanic te bin ut'il ya yal te mandariletic cu'une. Ya me sch'uhunic spasel te mandariletic soc te halbil mandariletic cu'un yu'un spisil te q'uinetic cu'un, soc ya me yich'ic ta muc' te c'ahc'aletic yu'un cux-o'tan cu'une.

Ezequiel 45:17

Yan te príncipal ay ta scuenta yaq'uel te scohtol chic'bil mahtaniletic, mahtanil harina soc te malbil mahtanil ta yorahil te muc'ul q'uinetic, ta yuhninal u, ta sc'ahc'alel cux-o'tan soc ta spisil te q'uinetic yu'un Israel. Ha me ya yac' te milbil mahtaniletic yu'un stojel mulil, mahtaniletic harina, scohtol chic'bil mahtaniletic, soc te mahtaniletic yu'un lamal-o'tanil yu'un ya xpasbot perdón yu'un smul a te sna Israel.

Ezequiel 46:11

Ta muc'ul q'uinetic soc ta yantic tsoblejetic ya me yich' aq'uel jun efa harina ta jujucoht jcolel toro, jun efa ta jujucoht tat tuminchij; soc ta jujucoht jcolel tuminchijetic chican ban c'alal ya xhu' ta aq'uel. Soc ta jujun efa harina ya me yich' aq'uel jun hin aceite.

Gálatas 4:10

Yac acanantayic c'ahc'aletic, uhetic, te ya sjel sba snahtil soc scomil c'ahc'al, soc te ha'biletique.

Colosenses 2:16

Ha yu'un ma me ayuc mach'a ya yich'oc'optayex yu'un te bin yac awe'ic soc yac awuch'ic, o scanantayel sc'ahc'alel q'uin, yach'il u, o sc'ahc'alel cux-o'tan.