Números 27:20 - Bible in Tzeltal Bachajón

²⁰ A'beya ta stojol j'ohliluc te awa'tel, scuenta yu'un spisil te pueblo yu'un te snich'nab Israel ya sch'uhumbeyic te sc'ope.

Bible in Tzeltal de Oxchuc y Tenejapa

²⁰ Ac'beya ta stojol oliluc te awat'ele, swenta yu'un spisil te lum Israel ya me xch'uunbeyic sc'op.

Números 27:20 Referans Kwoze

1 Crónicas 29:25

Te Jehová la smuc'ubtesbe sc'oblal te Salomón ta stojol spisil Israel, soc c'ax hich la ya'be yutsilal a te ya'tel ta ajwalil te bin ut'il te yantic ajwaliletic ta nahil ta Israel.

1 Crónicas 29:23

Hich huhcaj te Salomón ta ajwalil ta huctajibal yu'un Jehová, ta sjelol te David te state. Lec c'oht yu'un, soc ch'uhumbot smandar yu'un spisil Israel.

2 Reyes 2:15

C'alal la yilic te jchahp jalwanejetic te ayic ta Jericó, hich la yalic: Te espíritu yu'un Elías hil ta stojol te Eliseo, xchihic. Hich baht stahic tal, la squejan sbahic ta stojol,

1 Samuel 10:9

Te c'alal la sut loq'uel sba te Saúl yu'un ya xloc' bahel ta stojol Samuel, jelbot yo'tan yu'un Dios te Saúl; c'oht ta pasel spisil te señahiletic ta hich ora.

1 Samuel 10:6

Hich te espíritu yu'un Jehová ya me yu'untayat soc yu'el, hich yac ajoquinlan ta aw ta sc'op-jalwanej, soc ya xc'atp'ujat ta yan winic c'ohem.

Números 11:17

Ya xcohon tal soc ya jc'oponat tey a; ya quich'bat j'ohliluc te espíritu awich'oj, ya ca'be te mamaletic, hich ya scoltayat ta scuchel te pueblo te al ta cuchel, scuenta yu'un ma atuqueluc yac acuch a.

Números 27:19

A'beya stehc'an sba ta stojol te sacerdote Eleazar soc ta stojol spisil te pueblo, ya me awa'be yich' ya'tel ta stojolic.

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.