Números 26:55 - Bible in Tzeltal Bachajón

⁵⁵ Ya yich' puhquel te q'uinal ta scuenta spasel seña ta na'el. Jujutuhl ya yich' sq'uinalic ta scuenta sbihil te jchahp sna te sme'state.

Bible in Tzeltal de Oxchuc y Tenejapa

⁵⁵ Te ya yich' puquel te q'uinale, ya me yich' pasel snumeroil ta na'el, juju-jtul ya yich' sq'uinal chican te bit'il ay sts'umbal te state.

Números 26:55 Referans Kwoze

Números 34:13

Te Moisés hich la yalbe te snich'nab Israel: Ha te q'uinal te yac apucbe abahic ta scuenta seña ta na'el, ha te q'uinal la yal te Jehová te ya yich'ic a'beyel te balunchahp soc j'ohlil,

Números 33:54

Ya me awich'ic hilel te q'uinal ta scuenta seña ta na'el ta jujuchahp ats'umbalic; teme bayelic, muc' sq'uinal yac awa'beyic, teme mayuc bayelic, ma ba muc' yac awa'beyic. Ta banti ya yac' ta na'el te seña ta na'el, tey nix ya yich' sq'uinal a te jujuchahp. Ta scuenta jujuchahp sts'umbal te atatic ya me awich'ic hilel te q'uinale.

Josué 14:2

La yich' pucticlanel te q'uinal ta scuenta spasbeyel seña ta na'el, hich te bin ut'il Jehová la spas ta mandar te Moisés te ya yich'ic te balunchahp soc ohlil.

Josué 11:23

Hich te Josué la yu'untay spisil te q'uinal, hich te bin ut'il pasot ta mandar yu'un Jehová te Moisés; la yac'ticlambe yich'ic te q'uinal te snich'nab Israel, chican jayeb ya yich'ic te jujuchahp. Hich la scux yo'tan yu'un guerra te q'uinale.

Colosenses 1:12

soc tse'el awo'tanic yac awalbeyic wocol te Tatil, te la yac' te pajal ya xhu' yac awich'ic hilel te bin ay yu'un Dios soc te mach'atic ch'uhltesbilic te ayic ta sacal q'uinale.

Hechos 1:26

Hich och spasbeyic seña ta na'el, ha c'oht ta scuenta te Matías; hich jun c'oht soc te buluchtuhl (11) jpuc-c'opetique.

Proverbios 18:18

Te spasel seña ta na'el ya yac' lahmajuc te c'ope, soc ya schahpan te c'op yu'un te mach'atic tulan scontrahinej sbahique.

Proverbios 16:33

Te winiquetic ya spasic seña ta na'el, pero ay ta scuenta Jehová yaq'uel ta na'el.

Josué 19:40

Te shuquebal buelta te la yich' pasel seña ta na'el ha c'oht ta scuenta te sts'umbal Dan, ha chican te jaychahp ayique.

Josué 19:32

Te swaquebal buelta te la yich' pasel seña ta na'el ha c'oht ta scuenta te sts'umbal Neftalí, ha chican te jaychahp ayique.

Josué 19:24

Te yo'ebal buelta te la yich' pasel seña ta na'el ha c'oht ta scuenta te sts'umbal Aser, ha chican te jaychahp ayique.

Josué 19:17

Te schanebal buelta te la yich' pasel seña ta na'el ha c'oht ta scuenta te sts'umbal Isacar, ha chican te jaychahp ayique.

Josué 19:10

Te yoxebal buelta te la yich' pasel seña ta na'el, ha c'oht ta scuenta te sts'umbal Zabulón, ha chican te jaychahp ayique. Te q'uinal la yich'ic c'oht c'alal ta Sarid.

Josué 19:1

Te schebal buelta te la yich' pasel seña ta na'el ha c'oht ta scuenta te sts'umbal Simeón, ha chican te jaychahp ayique. Te q'uinal te a'bot yich'ic ay ta yohlil te sq'uinal te sts'umbal Judá.

Josué 18:6

Te ha'ex yac awac' ta huc-sehp te q'uinal, ya me awich'bonic tal shunal bin yilel, scuenta yu'un ya jpasbeyex seña ta na'el ta stojol Jehová te Dios cu'untique.

Josué 17:14

Te snich'nab José la yalbeyic te Josué: ¿Bin yu'un la awa'botcotic junax seña ta na'el soc jsehp nax q'uinal, te bin ut'il muc'ul pueblohotcotic, como a'botcotic bendición yu'un Jehová c'alal ora? xchihic.

Números 26:56

Ta scuenta seña ta na'el ya yich' puhquel te q'uinal, teme bayelic o teme mayuc bayelic, xchi.

Ezequiel 47:22

Yac apasic seña ta na'el scuenta spucticlanel te q'uinal ta awohlilic soc te jyanlumetic te nahinemic ta awohlilic, te ayinem yal-snich'nabic ta awohlilique. Hichuc me ta awo'tanic te pajal ayic soc te snich'nab Israel; pajal yac apasbeyic seña ta na'el soc te ha'exe, yu'un ya yich'ic sq'uinalic ta yohlil te chahpalchahp yu'un Israel.

Números 36:2

hich la yalbeyic: Te Jehová la yalbe te cajwal Moisés te ya ya'be yich'ic sq'uinalic te snich'nab Israel ta scuenta seña ta na'el. Soc te Jehová la yalbe te cajwal Moisés te ya me ya'be te sq'uinal Zelofehad te yantsil-nich'nab, te ha pajal jbihilcotic soc.