Números 26:28 - Bible in Tzeltal Bachajón

²⁸ Te jujutsohb snich'nab José: ha te Manasés soc Efraín.

Bible in Tzeltal de Oxchuc y Tenejapa

²⁸ Te sts'umbal José ta xcha'chajbal, ja' te mach'atic yu'un Manasés soc te mach'atic yu'un Efraín.

Números 26:28 Referans Kwoze

Génesis 46:20

Te José ayin cheb snich'nab ta Egipto: ha te Manasés soc Efraín, te yalatac Asenat yantsil-nich'an Potifera te sacerdote ta On.

Génesis 48:5

Te cheb anich'nab, ha te Efraín soc Manasés te ayinic ta sq'uinal Egipto te c'alal ma to xtal joquinat a ta Egipto, ha cu'un ya xc'ohtic, hich te bin ut'il cu'unic te Rubén soc Simeón.

Números 1:34

Soc te sts'umbal Manasés, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra:

Deuteronomio 33:16

soc te c'ax lequil mahtaniletic yu'un te q'uinal soc spisil bintic ya yac', soc te yutsil yo'tan te mach'a nahinem ta jpeht ch'ix; ac'a taluc ta sjol te José, soc ta sti'ba te mach'a príncipe ta yohlil te yermanotaque.

Josué 14:4

Te snich'nab José cha'chahp loc' a, ha te Manasés soc Efraín. Te levitahetic mayuc q'uinal a'botic, ha nax a'botic pueblohetic te banti ya xnahinic soc aquiltic yu'un te wacaxetic, tuminchijetic soc tentsunetic yu'unic.

1 Crónicas 5:23

Te j'ohlil sts'umbal Manasés mero bayelic, nahinic ta q'uinal c'alal Basán ha to ta Baal-hermón, Senir soc ta wits Hermón.

1 Crónicas 7:14

Te snich'nab Manasés te ha yal-snich'an soc yan ants yu'un te talem ta Siria, ha te Asriel soc Maquir, te stat Galaad.